धरानमा फस्टाउँदै सुकुटीको व्यापार , लाेभ लाग्दाे आम्दानी
![](https://snowberry.prixacdn.net/media/gallery_folder/sukuteeeee_cbLguneFjG_9nylkkh91ymzu83ddxllzng0bojvclimyhrvwmuhyx6svd04ta6ef7eoht4v_VBjx8ULXlD_pgnylkux5gf1vhpw2qj2bwgy4pvr5hal3lf5oanvtlcm4nentd1tfsypu4wh.jpg)
धरान । धरानको मुख्य बजार भानुचोकबाट पूर्वतर्फको निकेतन गल्लीमा लस्करै राँगाको सुकुटी बेच्न राखिएको हुन्छ । मासुका पारखी टाढाबाट यहाँ सुकुटी किन्न आइपुग्छन् । पछिल्लो समय यहाँको सुकुटीको व्यापार पनि फस्टाउँदै गएको व्यापारीको भनाइ छ ।
निकेतन गल्लीमा मात्रै सुकुटी बेच्ने पसल एक दर्जन हाराहारीमा छन् । घरमै बनाएर बेच्न सकिने सुकुटीबाट महिलाले जीविकोपार्जन गरिरहेका छन् । फुर्सदमा गफ गरेर बस्नुभन्दा सुकुटीको व्यापार गर्दा राम्रो आम्दानी गर्न सकिने धरान उपमहानगरपालिका-१५ की दिलकुमारी तामाङले बताउनुभयो । हरेक बिहानको ७ बजे उहाँ घरबाट निकेतन गल्ली आइसक्नुहुन्छ । सोही गल्लीमा सुकुटी बेच्दाबेच्दै दिन बित्छ ।
बिहानदेखि बेलुका ८ः३० बजेसम्म व्यापार गर्दा राम्रै आम्दानी हुने गरेको उहाँको भनाइ छ । तामाङले बजारबाट दैनिक १५ देखि २० किलो राँगाको मासु किनेर ल्याउनुहुन्छ अनि आफैँ सुकुटी बनाउनुहुन्छ । त्यसलाई सुकाएपछि बेच्नका लागि तयार हुन्छ । आफूले बनाएको सुकुटी धरानका विभिन्न होटल, रेस्टुरेन्टका साथै भारत, हङ्कङ, बेलायतसम्म पुग्ने गरेको उहाँले बताउनुभयो । निकेतन गल्लीमा सुकुटी बेच्दै भेटिनुभएका उहाँले भन्नुभयो, “अलिक मेहनत गर्ने हो भने सुकुटीबाट मनग्ये फाइदा लिन सकिन्छ । धरानको सुकुटी भनेपछि विदेश पठाउनेहरू पनि धेरै आउँछन् ।”
तामाङले यसरी सुकुटीको व्यापार गर्न थाल्नुभएको सात वर्ष बितिसक्यो । यही व्यापारबाट घरपरिवारको जीविकोपाजृन भइरहेको उहाँले बताउनुभयो । सुकुटीको व्यापार हेर्दा सजिलो देखिए पनि बनाउन धेरै समय र मेहनत लाग्ने उहाँको अनुभव छ । मासु सुकाएर सुकुटी बनाउन दाउराको आगो प्रयोग गर्ने गरेको तामाङले बताउनुभयो । पछिल्लो समय दाउरादेखि मासुको मूल्य पनि बढेकाले समस्या हुँदै गएको उहाँको भनाइ छ । उहाँले भन्नुभयो, “मेहनतअनुसार कमाइ पनि राम्रै हुन्छ । दुःख गरेको खेर जाँदैन ।”
ग्राहकले बजारबाट सुकुटी किनेर घरमा लगेपछि आफ्नो रुचिअनुसार अचार वा तरकारीका रूपमा बनाएर खान सकिने भएकाले मासु पारखीको रोजाइमा पर्ने गरेको तामाङले बताउनुभयो । उहाँका अनुसार कतिपय व्यापारीले भने सुकुटीको अचार नै बनाए पनि बिक्री गर्ने गरेका छन् । धरान-१५ की विनीता गिरी सुकुटीसँगै सुकुटीबाटै बनेको अचार पनि बिक्री गर्नुहुन्छ । उहाँका अनुसार बजारमा अहिले सुकुटीको मूल्य प्रतिकेजी एक हजार छ सयदेखि तीन हजारसम्म पर्दछ । सुकुटीको गुणस्तरअनुसार मूल्य पनि फरक हुने गरेको उहाँको भनाइ छ ।
सुकुटीको अचार प्रतिकेजी १२ सयदेखि १६ सयसम्ममा बिक्री हुने गरेको गिरीले जानकारी दिनुभयो । सुकुटीसँगै अचार बिक्री गरेर दैनिक २५ देखि ३५ हजारको कारोबार गर्दै आएको उहाँको भनाइ छ । सात वर्षदेखि सुकुटीको व्यापार गरिरहनुभएकी गिरीले भन्नुभयो, “मैले बनाएको सुकुटी धरान, झापा, काठमाडौँदेखि हङ्कङ, बेलायतसम्म पुगेको छ ।” धरानमा तामाङ र गिरी जस्तै सुकुटीको व्यापार गर्ने महिलाको सङ्ख्या बढिरहेको छ । पछिल्लो समय पुरुषको तुलनामा सुकुटीको व्यापार गर्ने अधिकांश महिला छन् । उनीहरूले राँगाको मासु किनेर घरमै सुकुटी बनाएर बेच्ने गरेका छन् । सुकुटीको व्यापारका लागि कतिले भानुचोक, निकेतन गल्लीमा पसल सञ्चालन गरेका छन् भने कतिपयले घरबाट पनि बिक्री गर्ने गरेका छन् ।
धरानमा सुकुटीको व्यापार गर्ने महिला कति छन् र उनीहरूको कारोबारको स्तर कस्तो छ भन्ने यकिन विवरण पाउन मुस्किल रहेको स्थानीय बताउँछन् । धेरैले व्यक्तिगतरुपमा घरबाटै व्यापार गरिरहेका छन् । बजारमा बिक्री गर्न बसेका सँगको कुराकानीमा दैनिक धरानमा सुकुटीको लाखौँको व्यापार हुने गरेको बताउँछन् । सुकुटीको व्यापार गर्ने दिलकुमारी तामाङले भन्नुभयो, “एउटै पसलबाट २५-३० हजारको व्यापार हुन्छ । सबैको हिसाब गर्दा त लाखौँ पुग्छ नि ।” विगतका वर्षहरूको तुलनामा कोरोना महामारीपछि सुकुटीको व्यापार अलि कम भएको व्यापारीको भनाइ छ । व्यापारी गिरीले भन्नुभयो, “बजारमा सुकुटीको माग अलि खस्किए पनि अरू व्यवसाय जस्तो धेरै घटेको छैन । व्यापार गर्ने बढिरहेकाले सुकुटीको व्यापार फस्टाएकै छ ।”
![श्रीकेश तेल उत्पादकलाई २ लाख रुपैयाँ जरिवाना, फाइल सम्बन्धित विभागमा पठाइने](https://snowberry.prixacdn.net/media/gallery_folder/shreekesh.png_WOKCrcPMsC_3qoczv0llsupyh8u1v5q1fas1f4do82o6qdwyfvvqna0ztimlvqzxxdfdsh7_2r71QA3mDk_tj81tgufq1wjsvjetk37apthggxohqyv7yhaa0xbqdvup67gpg4ywrp7pf42.png)
श्रीकेश तेल उत्पादकलाई २ लाख रुपैयाँ जरिवाना, फाइल सम्बन्धित विभागमा पठाइने
![नयाँ वर्षको अवसरमा TVSले ल्यायो 'TVSमेरो साथी’ लाइफटाइम वारेन्टी अफर](https://snowberry.prixacdn.net/media/gallery_folder/mnemonic_6Z9qnmzOps_kjp2axvatoymn9adswf2ulkyr53gtyvczskc5admyorwnmqogal6mdyl1vc4_5jFzXU1o12_nki9etvmoot6hc4jljpndudr7t82kubnsgxgagexazhfi8ivrrp2sgwpfkbq.png)
नयाँ वर्षको अवसरमा TVSले ल्यायो 'TVSमेरो साथी’ लाइफटाइम वारेन्टी अफर
![इटहरीमा जुत्ता चप्पलको सामूहिक बिक्री कक्ष सञ्चालनमा](https://snowberry.prixacdn.net/media/gallery_folder/jutta-melaa_VmJcbpcQUM_qh2ko1oqrafudgvsntwhbaaxnqq4o3mc2qmcq6o6hbua6cdpbxuvrgk6mmgc_zjd2gYib7P_fmi3yafyonpvoci194ftdgegum9zzqagq5wvmflceg5buwt9lti6bgsocxdu.jpg)
इटहरीमा जुत्ता चप्पलको सामूहिक बिक्री कक्ष सञ्चालनमा
थुलुङ दूधकोशीमा उत्पादित कफी विश्वकै उत्कृष्ट , समर्थन मुल्य निर्धारण
![दोस्रो एओजी नाइट राइड सम्पन्न](https://snowberry.prixacdn.net/media/gallery_folder/tv1_GnAxXwDCC1_dbq8okdfx7xgwvi9d7vx2j8ftjs7ytvgtkqzqk1ldd9pmklid8hjlrz4nnn9_SM3ujMGGHA_y8ezgojnxzzgqgmo7ykkofahh5q3udqsjecqs58wwu5rxayho6jex8zcff7v.jpg)
दोस्रो एओजी नाइट राइड सम्पन्न
![पेट्रोल र डिजलको मूल्य घट्यो](https://snowberry.prixacdn.net/media/purbelinews%20default%20image_2fya97kmeqwss7fvvmthgneqefcqea9swfuyxpqcfrw7bxkdijnsy9uhjjf3.jpg)
पेट्रोल र डिजलको मूल्य घट्यो
![आजको तरकारी तथा फलफूलकाे मूल्य, टमाटरकाे भाउ १४० बढी](https://snowberry.prixacdn.net/media/gallery_folder/tarkari-falful2020-03-26-09-23-19_1600x700_50_Ocg5AaJWup_ddkk2km8y6sjaawkmufjqm650gihqum0eezq4qtvxdeknyoa5cfswyamxw1q_m88XxnvYO7_351wt9megeirjfdlxuzhpql1unug5ffkzymfgknmexaj7ec2kbrqa25cudre_2uNkCcGRJj_afuxkma4oaa86pkm8j6hw7t0tcd4jrqb576n6rg8w1b19apajej2i0qsrm0u_a461xA4uGB_lhlxckstuk81an2ashqktxs14tvzsxrev6pmtbhhd3pudcoo5e7wyx527wvc_gX33n7wIhz_txne62yjugbtcw0ejgeaatfz6qpk7fdcnn22ye9xnljvrcyun1mleqd3sgcw_t8IxxPavEy_so3xoudsb4og0u08g54x1v0it19ruhascuelvw1o0wkwwjace2fbzwsfttcs.webp)
आजको तरकारी तथा फलफूलकाे मूल्य, टमाटरकाे भाउ १४० बढी
![७०० रुपैयाँले बढ्याे सुनको मूल्य](https://snowberry.prixacdn.net/media/gallery_folder/gold-silver_2.jpg-2_ifohAPHazC_fbghllr1tipffxtfxaw3n3q6wnbof2dyhnb0qba4qvwjqxwjrtwdwo8ao2kt_dytNPhiRmU_9dk4u9btmms5ftvewqjkie7767usenchbwvprx2v1r28ewsg3aha2gzlcarc.jpg)
प्रतिक्रिया