थुलुङ दूधकोशीमा उत्पादित कफी विश्वकै उत्कृष्ट , समर्थन मुल्य निर्धारण
सोलुखुम्बु । सोलुखुम्बुको थुलुङ दूधकोशी गाउँपालिकाले कफीको न्यूनतम समर्थन मूल्य निर्धारण गरेको छ । कफी प्रशोधन गरी अन्तराष्ट्रिय बजारमा पुर्याउने लक्ष्यका साथ गाउँपालिकाले बुधबार कफीको न्यूनतम समर्थन मूल्य तोकेको हो ।
कफी कृषक तथा अन्य सरोकारवालासँगको अन्तरक्रियापछि वैज्ञानिक ढङ्गबाट मूल्य निर्धारण गरिएको गाउँपालिकाका प्रवक्ता भोजराज कार्कीले जानकारी दिए । उनका अनुसार राष्ट्रिय चिया तथा कफी विकास बोर्डले निर्धारण गरेको न्यूनतम समर्थन मूल्य समेतलाई आधार मानी ‘ए’ ग्रेडको ‘पार्चमेन्ट’ कफीको न्यूनतम समर्थन मूल्य प्रतिकिलो रू छ सय निर्धारण गरिएको छ ।
बोर्डले भने सोही कफीको मूल्यप्रति केजी रु पाँच सय निर्धारण गरेको छ । गत मंसिर १ गतेदेखि लागू हुनेगरी न्यूनतम समर्थन मूल्य निर्धारण गरी बोर्डले सार्वजनिक सूचना नै जारी गरेको छ । बोर्डको समर्थन मूल्यभन्दा प्रतिकिलो रू एक सय बढी निर्धारण गरिएको गाउँपालिका अध्यक्ष असिम राईले बताए । उनले भने, ‘थुलुङ दूधकोशी सरकार वास्तविक कृषकको उन्नतिका लागि काम गर्ने सरकार हो, त्यसैले आर्थिक विकासका लागि महत्वपूर्ण कार्यक्रम सञ्चालन गरिरहेका छौँ ।’ यसअघि थुलुङ दूधकोशी गाउँपालिका–८ देउसामा रहेको देउसा कृषिवन स्रोतकेन्द्रले कृषकको कफी प्रतिकिलो रू पाँच सयले सङ्कलन गर्दै आएको थियो ।
थुलुङ दूधकोशीमा उत्पादित कफी विश्वमा नै उत्कृष्ट
थुलुङ दूधकोशीमा उत्पादन भएको कफी विश्वमा नै उत्कृष्ट रहेको अध्ययनले जनाएको छ । इको हिमाल नेपालकै पहलमा यहाँ उत्पादित कफी बेलायत र अष्ट्रेलिया लगायतका राष्ट्रमा नमुना परीक्षणका लागि पठाउँदा उत्कृष्ट प्रमाणित भएको इको हिमाल नेपालका कार्यकारी प्रमुख नारायण ढकालले बताए ।
नमुना परीक्षणका क्रममा कफीको नतिजा उत्कृष्ट पाएपछि कृषकलाई थप हौसला बढेको कार्यकारी प्रमुख ढकालको भनाइ छ । केही वर्षअघि बारीमा लगाइएको कफीको बोट नष्ट गर्न थालेका कृषकले पुनःनयाँ बिरुवा लगाउन थालेका स्थानीयवासी कृषक नेतकुमार राईले बताए । आफूले केही बोट कफी नष्टको अनुभव सुनाउँदै उनले स्थानीय सरकारले बजारीकरणको जिम्मा लिएपछि सहज हुने र ढुक्कसँग खेती गर्ने वातावरण सिर्जना भएको सुनाए ।
थुलुङ दूधकोशीले पालिकामा नै कफी प्रशोधन गर्ने भएपछि यहाँका कृषक खुशी भएका छन् । गाउँपालिका प्रवक्ता कार्कीका अनुसार अहिले कफी प्रशोधन गर्ने मेसिन खरिदलगायत अन्य संरचना निर्माणको तयारी तीव्र पारिएको छ । करिब रू ७० लाखको लागतमा उक्त परियोजनाको कार्य भइरहेको उनको भनाइ छ ।
उपकरण खरिदमा गाउँपालिका र द ग्लासियर ट्रष्ट बेलायतको लगानी हुनेछ भने अन्य तालिमलगायतमा इको हिमाल नेपालको भूमिका रहने बताइएको छ । यसरी आफ्नै पालिकामा कफी प्रशोधन हुने भएपछि स्थानीयवासी कृषक हर्षित भएका छन् । यसअघि आफूले उत्पादन गरेको कफीले बजार पाउने निश्चित नहँुदा खेतीतर्फ आकर्षण नभएको जनाउँदै देउसाका अगुवा कृषक युवराज राईले थुलुङ दूधकोशीले कृषितर्फ चालेको कदमले उत्साह पैदा भएको बताए ।
कृषिमा राम्रो सम्भावना भए पनि सरकारको ध्यानदृष्टि नपुगेका कारण विदेश पलायन हुने दर बढिरहेका बेला स्थानीय सरकारको एकपछि अर्को कदमले गर्दा आफूलाई जापान जाने अवसर प्राप्त हुँदा बेवास्ता गरेको उनले सुनाए । अध्यक्ष राईले राम्रो कफी उत्पादन गर्ने कृषकलाई पुरस्कार दिने बताए ।
![नयाँ वर्षको अवसरमा TVSले ल्यायो 'TVSमेरो साथी’ लाइफटाइम वारेन्टी अफर](https://snowberry.prixacdn.net/media/gallery_folder/mnemonic_6Z9qnmzOps_kjp2axvatoymn9adswf2ulkyr53gtyvczskc5admyorwnmqogal6mdyl1vc4_kPPa6WKNve_cb4av2cylyijx7pfetvrjjvoqjwptfww6jwc4ub1dcjd2lcjh2ivfer2o46o.png)
नयाँ वर्षको अवसरमा TVSले ल्यायो 'TVSमेरो साथी’ लाइफटाइम वारेन्टी अफर
![धरानमा फस्टाउँदै सुकुटीको व्यापार , लाेभ लाग्दाे आम्दानी](https://snowberry.prixacdn.net/media/gallery_folder/sukuteeeee_cbLguneFjG_9nylkkh91ymzu83ddxllzng0bojvclimyhrvwmuhyx6svd04ta6ef7eoht4v_3nrTlJhJQK_e4frkwcc512rrhvk8thxhppcuv94neqnoccbg0axknztggmfkqrufkxuhr96.jpg)
धरानमा फस्टाउँदै सुकुटीको व्यापार , लाेभ लाग्दाे आम्दानी
![इटहरीमा जुत्ता चप्पलको सामूहिक बिक्री कक्ष सञ्चालनमा](https://snowberry.prixacdn.net/media/gallery_folder/jutta-melaa_VmJcbpcQUM_qh2ko1oqrafudgvsntwhbaaxnqq4o3mc2qmcq6o6hbua6cdpbxuvrgk6mmgc_Zz0qZQEY9m_otmj4tnxbp5wlvr5wefban8rp59iyxfv0xgkw0vdsbjdddpx0ehvjjdf8qvu.jpg)
इटहरीमा जुत्ता चप्पलको सामूहिक बिक्री कक्ष सञ्चालनमा
![दोस्रो एओजी नाइट राइड सम्पन्न](https://snowberry.prixacdn.net/media/gallery_folder/tv1_GnAxXwDCC1_dbq8okdfx7xgwvi9d7vx2j8ftjs7ytvgtkqzqk1ldd9pmklid8hjlrz4nnn9_QQen08mpQd_glyw7r6k34iqmz3vx133gugvfxnxcir8ubn1w0ndijlvgzmxkf5mjcaallof.jpg)
दोस्रो एओजी नाइट राइड सम्पन्न
![पेट्रोल र डिजलको मूल्य घट्यो](https://snowberry.prixacdn.net/media/purbelinews%20default%20image_2fya97kmeqwss7fvvmthgneqefcqea9swfuyxpqcfrw7bxkdijnsy9uhjjf3.jpg)
पेट्रोल र डिजलको मूल्य घट्यो
![आजको तरकारी तथा फलफूलकाे मूल्य, टमाटरकाे भाउ १४० बढी](https://snowberry.prixacdn.net/media/gallery_folder/tarkari-falful2020-03-26-09-23-19_1600x700_50_Ocg5AaJWup_ddkk2km8y6sjaawkmufjqm650gihqum0eezq4qtvxdeknyoa5cfswyamxw1q_m88XxnvYO7_351wt9megeirjfdlxuzhpql1unug5ffkzymfgknmexaj7ec2kbrqa25cudre_2uNkCcGRJj_afuxkma4oaa86pkm8j6hw7t0tcd4jrqb576n6rg8w1b19apajej2i0qsrm0u_a461xA4uGB_lhlxckstuk81an2ashqktxs14tvzsxrev6pmtbhhd3pudcoo5e7wyx527wvc_gX33n7wIhz_txne62yjugbtcw0ejgeaatfz6qpk7fdcnn22ye9xnljvrcyun1mleqd3sgcw_qkRX8Trj4p_e1nqruqlxvoy3wgcoy0beny16fpwtz22yeotoz56mgcprxt72vvynydouakd.webp)
आजको तरकारी तथा फलफूलकाे मूल्य, टमाटरकाे भाउ १४० बढी
![७०० रुपैयाँले बढ्याे सुनको मूल्य](https://snowberry.prixacdn.net/media/gallery_folder/gold-silver_2.jpg-2_ifohAPHazC_fbghllr1tipffxtfxaw3n3q6wnbof2dyhnb0qba4qvwjqxwjrtwdwo8ao2kt_xfTOAZjN3d_er9z860njkd4vxtnwy9bgavc8zuhjrriaved9rmxipmjplebb60sbaooj1j6.jpg)
प्रतिक्रिया