गणेशले खाडीमा आँखाको ज्योति गुमाए तर परिवारको भरोसा गुमाएनन्
![](https://snowberry.prixacdn.net/media/gallery_folder/ganesh-shresth_9Sn1ESCnMa_zruvhtla1xodmqzivgnwcxr56qm5blwicckstvzoioz2knojmkfbkmncncun.jpg)
महोत्तरी / बर्दिवास–२ का गणेश श्रेष्ठ २०७३ सालमा वैदेशिक रोजगारीमा जाँदा तन्दुरुस्त थिए । २०६४ सालमा विवाह गरेका श्रेष्ठ परिवारकै सल्लाहमा हासीखुशी कतार गएका थिए । कतार पुग्दा यहाँ भने जस्तो काम नभए पनि तलब राम्रै भएकाले उनी खुसी नै थिए । छोराले राम्रैसँग काम गरिरहेकोमा परिवार खुशी नहुने कुरै भएन । तर, यो खुशी धेरै दिन टिकेन । श्रेष्ठ र उनको साथीबीच विवाद हँुदा ठूलै रुप लियोण् । झगडा मुक्का हानाहान हुँदै चिर्पट प्रहारसम्मै पुग्यो । साथीले प्रहार गरेको चिर्पट श्रेष्ठको टाउकामा बजारियो । जसले उनको आँखाको रेटिनानै गुम्यो ।
काम गरेर परिवारलाई खुशी दिने उनको सपना आँखै नदेख्ने भएपछि चकनाचुर बन्यो । यसपछि श्रेष्ठको संघर्ष झनै काहालिलाग्दो बन्यो । दुवै आँखा गुमाएर श्रेष्ठ करिब डेढ बर्षपछि स्वदेश फर्किए । उनकै भरोसामा बाँचिरहेका बुबाआमा, श्रीमती झनै भावविहल बने । तर, श्रेष्ठले परिवारमा दिएको भरोसाले परिवारको पीडा केही हदसम्म कम भयो ।
कठिन संघर्षपछि श्रेष्ठले पाएको सफलताले उनी आँखा देख्दिन भन्ने नै बिर्सने गरेको बताउँछन् । श्रेष्ठले स्वदेश फर्केपछि मैनबत्ती, मुढा, साबुन बनाउने, फिनेल, हार्पिक र अगरबत्ती बनाउने तालिम लिए । यसले उनलाई आर्थिक रुपमा मात्रै बलियो बनाएन आत्मविश्वासी पनि बनायो ।
‘त्यसपछि म जस्तै अपाङ्ग भएर हिनताले बाँचिरहेका दृष्टिविहीनलाई मैले त्यसपछि खोज्न थाले ।’ उनले भने । श्रेष्ठले आफू जस्तै दुर्घटना वा जन्मजात आँखा गुमाएकाहरूको सुचि तयार गर्दै गए । महोत्तरीमा मात्र पाँच सय जनाभन्दा बढी दृष्टिविहीनहरूलाई प्रत्यक्ष भेटेर अनुभव सुनाए ।
नेत्रहिन संघ महोत्तरीको गठनपछि श्रेष्ठलाई दृष्टिविहीनहरूसँग थप काउन्सिलिङ गर्न सहयोग मिल्यो । अहिले संघमा तीन सय ५० भन्दा बढी दृष्टिविहीनन जोडिएका छन् । श्रेष्ठ अहिले उक्त संस्थाका संयोजक पनि हुन् । जिल्लाका धेरैजसो दृष्टिविहीनहरू स्वरोजगार बनेका छन् भने कतिपयले लोकसेवा आयोगवाट सरकारी सेवामा प्रवेश गरेका छन् ।
लोकसेवा आयोग पास गरेर अहिले जिल्लाका करिब १० जना दृष्टिविहीन सरकारी सेवामा कार्यरत छन् भने सयाैं जना मैनबत्ती, अगरबत्ती, साबुन बनाएर स्वरोजगार बनिरहेका छन् । श्रेष्ठ आफै पनि दिनभरी बजार चहार्छन् । आफैले बनाएको अगरबत्ती, मैनबत्ती, साबुन बोकेर बेच्छन् । यसैबाट श्रेष्ठलाई आर्थिक उपार्जन गरेर परिवारको छोरा हुनुको भरोसालाई टुट्न दिएका छैनन् ।
‘अहिले उनकै पहलमा नेत्रहिनहरूको लागि भवन निर्माण प्रक्रिया अघि बढेको छ । बर्दिवास नगरपालिकाले यसका लागि १५ लाख रुपैयाँ दिएको छ ।’ श्रेष्ठले भने ।
जिल्लाका दृष्टिविहीहरूले श्रेष्ठले नेतृत्व गरेको संस्थाकै माध्यमबाट विभिन्न सिपमुलक तालिम लिएका छन् । सोही तालिमको माध्यमबाट अहिले उनीहरू बजारमा आफैले उत्पादन गरेका वस्तुहरू बेच्ने गर्छन् ।
श्रेष्ठको एक छोरा छन् । १४ वर्षीय उनका छोरा बर्दिवासमै रहेको ग्लोबल एकेडेमीमा कक्षा १० मा अध्ययनरत छन् । उनकी श्रीमती पनि काम गर्छिन् । ‘ दैनिक पाँच सयदेखि हजार रुपैयाँसम्म मेरो आम्दानी हुन्छ ।’ उनले भने । श्रेष्ठको अवस्था देखेर विद्यालयले छोरालाई कक्षा ५ सम्म निःशुल्क गरिदियो । तर, त्यसपछि भने श्रेष्ठले छोराको मासिक शुल्क पनि तिर्दै आएका छन् । ‘निःशुल्क नै गरिदिएको भए त राम्रो हुन्थ्यो गरेनन् नभए पनि ठिकै छ ।’ उनी भन्छन् ।
अहिले श्रेष्ठको सारथि वीरेन्द्र महतो बनेका छन् । उनी पनि आँखा देख्दैनन् । तर, शिक्षक सेवा आयोगबाट नाम निकालेर जिल्लाको रामगोपालपुर नगरपालिकामा शिक्षण गर्छन । अपांगता भएकाहरूलाई समाजले हेर्ने दृष्टिकोणबाट भने श्रेष्ठ निकै चिन्तित छन् । उनी भन्छन्,‘ निक्कै तल्लोस्तरको हेराइ हुन्छ । हामीलाई थप उर्जा दिएर आत्मबल बढाउनुपर्नेमा दयाभावले हेर्छन ।’ उनले भने ।
स्थानीय सरकार तथा संघीय सरकारले जीवनयापनको लागि माध्यम खोजिदिनुपर्ने उनको माग छ । ‘हामी काम गर्न सक्छाँै सपाङ्गको जत्तिकै हामीलाई प्लेटफर्म दिइयोस् ।’ उनले भने ।
![प्रकिृतिकाे काखमा बेहुली झैँ सजिएको तिनजुरे ( फोटो फिचर )](https://snowberry.prixacdn.net/media/gallery_folder/lali_MnVMj30fPW_f1mrqdd5pqbxkilztcebnnbmxkz2cvqgikp8hrfyhotd9fnystqlzffhpcae_axvvirWDAb_thvyi8hhfopmqyqzz4zsvwbldza8vnxij5n6yprkc8atg7jcppaeq3a87t1j.jpg)
प्रकिृतिकाे काखमा बेहुली झैँ सजिएको तिनजुरे ( फोटो फिचर )
![फलामको सट्टामा सुनको बञ्चरो दिने मोरङको सुनबर्सी ताल !](https://snowberry.prixacdn.net/media/gallery_folder/435399941_840429071448031_1931017336809384938_n_dnZSRQCbqL_3ju08xsvvsqhf1tsov5iixidmuntzaqhuzpo9r3iikv1playy2o8i7cw0qrf_50HMKhXFwj_ramvdf4qciwnjrdoar8kpw40ehngwvjogxtwmvnd4jhzifwmdwj2pjmz51lh.jpg)
फलामको सट्टामा सुनको बञ्चरो दिने मोरङको सुनबर्सी ताल !
![यी हुन नयाँ वर्षमा पुग्नै पर्ने पूर्वका उत्कृस्ट १० पर्यटकीयस्थल](https://snowberry.prixacdn.net/media/gallery_folder/new%252520year_eaEazBeZti_mlljftcz5aldekkttkywslusdgiznc7e9jbtigdqgr3vpnazabri98mnuwjx_9JJ9TB4Qv3_qv421srms1eexabaa8w7ukfynrhqet5alnwx9ibrxnr18ha8366gkeb7u8au_cxiMBdXRWd_ilxovydejh8bbau5gqdvjxylp2jrxxxfm4721fudqcoqqd8r64pserd4p6ic_tbO4uFvPwm_4tsoctom58gdzr3eyuqvll0nvnn6jcyfpsnzajc2zatafwqpxgftny9xjfat.jpg)
यी हुन नयाँ वर्षमा पुग्नै पर्ने पूर्वका उत्कृस्ट १० पर्यटकीयस्थल
विराटनगर स्थित न्युरो अस्पतालद्वारा अयोध्यास्थित राम मन्दिरको प्राण प्रतिष्ठाको उप…
रामबहादुर बम्जनको घरमा यस्तो भेटियो (फोटोफिचर)
![कछुवा गतिमा "तरहरा पानीपिया खण्ड" निर्माण कार्य (तस्विरहरू)](https://snowberry.prixacdn.net/media/gallery_folder/1_sg2Y9alul9_lg5ytrjbl4z2sk9831kxfs5k39folp32v1hsnkr5wuehc3mwwsxkbyergsfk_tjZQXcqElc_0rgg4t6dj6rexa5qtpg1ibhidxsigje907xa2n4ttkqyteczjblckc28lf6e.jpg)
कछुवा गतिमा "तरहरा पानीपिया खण्ड" निर्माण कार्य (तस्विरहरू)
लक्ष्मीपूजामा झलमल्ल इटहरी ( २० तस्वीरहरु)
![धरान स्थित दन्तकाली मन्दिरमा हर्षोल्लासका साथ भित्र्याइयाे फूलपाती (तस्विरहरू)](https://snowberry.prixacdn.net/media/gallery_folder/dantakali%2520main_eh7kyjoiKA_duve3jhyiyifbwjqkc9swskn8l5mewc1uv0gmddkznbokrb2ylpwhb2awv3q_PGNNMlgDkb_nwhqjrcup6mvlvuj91dipiffy3pp9axnzjmlkxkj37gktewug3aptnm6gpzn.jpg)
प्रतिक्रिया