हर्क साम्पाङले चलाएको वृक्षरोपण अभियान : नायिका, सांसद देखि गायकसम्मकाे श्रमदान (तस्विरहरू)
![](https://snowberry.prixacdn.net/media/gallery_folder/dharana-buruwa-ropan_bXftp3VMm2_mmnjnt5kw2tdromtijznqsjnp00c5y5mkkyruvmk5nq3jxv0yivflrcobjzp.jpg)
धरान / धरानको सर्दुखोला छेऊ, निशाने खोला छेऊमा थरीथरीका विरुवा रोपिएको छ । फलफूल (कागती, काँक्रा, निबुवा, अमला, अम्बक, मखमली, सयपत्री), लगायत अन्य जातका विरुवा रोपिएको हो । धरान उपमहानगरपालिकाका मेयर हर्कराज राई (साम्पाङ) र उपमेयर अइन्द्रविक्रम बेघालगायतको उपस्थितिमा सयौं थरी विरुवा रोपिएको हो । विरुवा रोप्नका लागि धरानका विभिन्न संघसंस्थाका प्रतिनिधि, धरानबासी साथै बेलबारी, तरहरादेखि पनि मानिसहरु आइपुगेका थिए । प्रत्येक शनिबार मेयर साम्पाङको आहवानमा विभिन्न ठाउँमा वृक्षारोपण भइरहेको छ ।
कार्यक्रममा उपस्थित मेयर साम्पाङले धराने जनताले पानीकै लागि वृक्षारोपण गरिरहेको बताए । ‘हामी अहिले जति पनि विरुवा रोपिरहेका छौं, पानीको स्रोत र मुहान नसुकोस् भनेर नै हो’, उनले भने । कार्यक्रममा उपस्थित उपमेयर अइन्द्रविक्रम बेघाले धराने जनताले वृक्षारोपण होस् वा श्रमदान गर्न देखाएको कदम अत्यन्तै गर्व गर्नलायक रहेको बताए ।
वृक्षारोपण कार्यक्रममा भोजपुरबाट प्रतिनिधिसभामा निवार्चित सांसद सुदन किराती, वरिष्ठ गायक दीप श्रेष्ठ, मोडल तथा नायिका रेखा लिम्बु र कलाकारको समेत उपस्थिति थियो । यस्तै, धरानका सहकारीहरु पनि संस्थागतरुपमा नै ठूलो संख्यामा वृक्षारोपणमा सहभागिता जनाएका थिए । नायिका रेखाले आफू काठमान्डौ देखि श्रमदान गर्नु आएको बताईन साथै रेखाले आर ईस्क्वायर बुटिक कलेक्सनबाट ३० हजार नगद समेत आर्थिक सहयोग गरिन।रेखाले भनिन ‘अन्य कलाकारहरुले पनि साथ दिएको देखेर र नवआगन्कुक कलाकारले पनि सहयोग गर्नुपर्छ भन्ने मेरो विचार हो।’
यस्तै, शनिबार सयौं जनताले सर्दु खोलामा श्रमदान गरेका छन् । शनिबार अन्य शनिबारभन्दा अझ धेरै जनताको उत्साहपूर्ण उपस्थिति थियो । उपस्थिति देखेर मेयर साम्पाङसमेत उत्साहित बनेका थिए ।दुधे नानी समेत च्यापेर श्रमदानका लागि पुगेकी धरान–१९ की सुमित्रा लिम्बूले आफूले बिजुली बाल्नका लागि गिटी कुटेर सहयोग गरेको बताइन् । धरान–११ का विर्खबहादुर राईले पाइप बोक्न सघाएका थिए । ‘विशेषतः धरानमा पानीकै समस्या छ, पानीको दुःख मेट्न मेयर लागिपरेको देखेर स्वतस्फुर्त यहाँ आइपुगेको हुँ’, उनले भने ।धरान–१३ मा निशाने प्रोजेक्टको काम लगभग सकिइसकेको छ । अहिले सर्दुमा इन्टेक निर्माण भइरहेको छ । सर्दु, खर्दु र निशानेको पानी ल्याएर निशाने खोला टेऊमा टयाङकी (करिब २ लाख लिटर अट्ने खानेपानी ट्याङ्की निर्माणस्थल) बनाएर जम्मा गरिने मेयर साम्पाङ बताउँछन् । कार्यक्रममा सयौं धराने, भूपु लाहुरेलगायत उत्साहपूर्ण सहभागिता थियो ।
मेयर साम्पाङले धराने जनताले स्वतस्फुर्त आएर देखाएको सहानुभूतिप्रति विशेष धन्यवाद व्यक्त गरे । मेयर साम्पाङले सर्दु, खर्दु र निशानेको पानी जम्मा गर्न ट्याङ्की निर्माणका लागि जनता आएर जनश्रमदान गरिरहेको बताए । उनले जसरी भएपनि धराने जनतालाई पानी खुवाएर छाड्ने प्रतिबद्धता समेत व्यक्त गरे । ‘यतिका जनता आफैं लाग्दा म जत्तिको भाग्यमानी मेयर कोही छैन जस्तो पनि लाग्छ’, उनले भने ‘म जनताकै कामको लागि अहिले पनि खोलाखाल्सी दगुरिरहेको छु।’
निर्माण थालेको २ घण्टामै फेरियो न्यूराेडकाे मुहार : मेयर बालेनकाे चाैतर्फी च…
![प्रकिृतिकाे काखमा बेहुली झैँ सजिएको तिनजुरे ( फोटो फिचर )](https://snowberry.prixacdn.net/media/gallery_folder/lali_MnVMj30fPW_f1mrqdd5pqbxkilztcebnnbmxkz2cvqgikp8hrfyhotd9fnystqlzffhpcae_R83Xc62tmO_pzwqvhxaocjzhukhknpfkzhctrtyu7bqgkievm0aawywbgp4ptn6s3edsmyo.jpg)
प्रकिृतिकाे काखमा बेहुली झैँ सजिएको तिनजुरे ( फोटो फिचर )
![फलामको सट्टामा सुनको बञ्चरो दिने मोरङको सुनबर्सी ताल !](https://snowberry.prixacdn.net/media/gallery_folder/435399941_840429071448031_1931017336809384938_n_dnZSRQCbqL_3ju08xsvvsqhf1tsov5iixidmuntzaqhuzpo9r3iikv1playy2o8i7cw0qrf_BZVEx1E7Px_yfwpetd75kckc3sfbpwkmdgmvyqrfy3rxzlcclf5tqqacqle9xgpwjkqwmsx.jpg)
फलामको सट्टामा सुनको बञ्चरो दिने मोरङको सुनबर्सी ताल !
![यी हुन नयाँ वर्षमा पुग्नै पर्ने पूर्वका उत्कृस्ट १० पर्यटकीयस्थल](https://snowberry.prixacdn.net/media/gallery_folder/new%252520year_eaEazBeZti_mlljftcz5aldekkttkywslusdgiznc7e9jbtigdqgr3vpnazabri98mnuwjx_9JJ9TB4Qv3_qv421srms1eexabaa8w7ukfynrhqet5alnwx9ibrxnr18ha8366gkeb7u8au_cxiMBdXRWd_ilxovydejh8bbau5gqdvjxylp2jrxxxfm4721fudqcoqqd8r64pserd4p6ic_PEpD3l6Zwr_sk3njopvvvvmtinru4gl1ohdmrwjced9wlha8daj0oypnsg4pcgov9olzlwx.jpg)
यी हुन नयाँ वर्षमा पुग्नै पर्ने पूर्वका उत्कृस्ट १० पर्यटकीयस्थल
विराटनगर स्थित न्युरो अस्पतालद्वारा अयोध्यास्थित राम मन्दिरको प्राण प्रतिष्ठाको उप…
रामबहादुर बम्जनको घरमा यस्तो भेटियो (फोटोफिचर)
![कछुवा गतिमा "तरहरा पानीपिया खण्ड" निर्माण कार्य (तस्विरहरू)](https://snowberry.prixacdn.net/media/gallery_folder/1_sg2Y9alul9_lg5ytrjbl4z2sk9831kxfs5k39folp32v1hsnkr5wuehc3mwwsxkbyergsfk_OEoYzOfmCn_n9famjsootq5dtof0a7z1kiuyldn3w2peyjgaijliqh0r2v66ixk9ag3y7mp.jpg)
प्रतिक्रिया