आज आदिकवि भानुभक्तको २११औं जन्मजयन्ती , इटहरी सहित देशभर विविध कार्यक्रम गरी मनाइँदै
![](https://snowberry.prixacdn.net/media/gallery_folder/Bhanu-Jayanti_6LX5aJJmUd_hsyeihwdssyfhbyhwskfkqcanh9lpoyey1eaufpamzzitezqomtceqnkfiqv_cPisU9E5Jd_aruugudandzwjusfxngnwd6oonjyoa6geulbqkfb0mswoppqgghnwprfmus5.jpg)
इटहरी । नेपाली साहित्यका आदिकवि भानुभक्त आचार्यको दुई सय ११औं जन्मजयन्ती आज –शनिबार) देश तथा विदेशका विभिन्न स्थानमा विविध कार्यक्रम गरी मनाइँदैछ । संस्कृत भाषामा लेखिएको अयोध्याका राजा रामको जीवनीलाई भानुभक्तले भावानुवादसहित ‘रामायण’ मा प्रस्तुत गरेका थिए ।
उनले लेखेको रामायण अहिले पनि नेपालीहरूको घर–घरमा सस्वर लय हालेर पाठ गरिन्छ । श्री ५ बडामहाराजाधिराज पृथ्वीनारायण शाहले भौगोलिक रूपमा एकीकरण गरेको नेपाललाई आदिकवि भानुभक्तले भाषा, साहित्य र संस्कृतिमार्फत एकीकरण गरेका हुन् । विसं १८७१ असार २९ गते तनहुँको चुँदीरम्घा गाउँमा जन्मिएका भानुभक्तलाई एक सामान्य घाँसीले ‘जन्मेपछि राम्रो काम गरेर नाम कमाउनु पर्छ’ भनी अर्ति उपदेश दिएकाले उनी रामायणलाई नेपालीमा रचना गर्न प्रेरित भएका थिए ।
‘वधुशिक्षा’ उनको अर्को प्रसिद्ध कृति हो । यसैगरी, उनका ‘प्रश्नोत्तर’, ‘भक्तमाला’, ‘रामगीता’, फुटकर रचनालगायत कृति छन् । कुमारी चोकको हिसाब मिलाउन नसकेर झ्यालखानामा परेका आदिकवि आचार्यले सरकारी कार्यलयमा हुने ढिलासुस्ती र ‘भोलिवाद’ का कट्टर विरोधी भएर कवितामा भोलिको विरोध गर्दै लेखेका थिए, ‘भोलिभोलि भन्दैमा सब घर बितिगो बक्सियोस् आज झोली ।’
नेपाली जातीय एकता, राष्ट्रिय पहिचान र नेपाली सांस्कृतिक चेतना जगाउन र राष्ट्रिय संस्कृतिलाई बलियो बनाउनमा भानुभक्तको ऐतिहासिक योगदान छ । भानुभक्त ऐतिहासिक व्यक्ति भएकाले सम्पूर्ण नेपालीले उनको सम्मान गर्नुपर्ने र उनको विचारका बारेमा उठेका विवादमाथि छलफल एवं समीक्षात्मक कार्यक्रम गर्नु आजको प्रमुख आवश्यकता भएको समालोचकहरूको धारणा छ ।
त्रिभुवन विश्वविद्यालयबाट भानुभक्तबारे स्नात्तकोत्तरमा थुप्रै शोधग्रन्थ लेखिएका छन् । यस उपलक्ष्यमा आजबिहान काठमाडौँको रानीपोखरी अगाडि रहेको राष्ट्रिय विभूति भानुभक्तको प्रतिमामा माल्यार्पण र नगरप्रभातफेरी गर्ने कार्यक्रम रहेको छ । घरघरमा उनले नेपाली भाषामा भावानुवाद गरेको रामायण पाठ गरी भानुजयन्ती मनाउँछन् । यस अवसरमा भाषा, साहित्य र संस्कृतिका क्षेत्रमा काम गर्ने संस्थाले आज विभिन्न कार्यक्रम गरी भानुजयन्ती मनाउँदै छन् ।
भानुभक्त भन्दा अघि नै नेपालीभाषामा कविता लेख्ने कवि भएकाले उनलाई आदिकवि भन्न नमिल्ने तर्क पनि उठ्ने गरेका छन् । भानुभक्तका विषयमा अध्ययन अनुसन्धान गरिरहेका त्रिभुवन विश्वविद्यालयका उपप्राध्यापक ज्ञाननिष्ठ ज्ञवाली रामायण जस्तो ग्रन्थलाई नेपाली लोकलयमा भावानुवाद गरी भाषिक एकताको महत्वपूर्ण योगदान गरेकाले भानुभक्तलाई आदिकवि भनिनु न्यायोचित रहेको बताउँछन् । रामायण ग्रन्थले भाषिक क्षेत्रमा नयाँ युगनिर्माण गरेको मानिन्छ । उनको निधन विसं १९२५ असोजमा भएको थियो । भानुभक्तको जन्मजयन्ती भारतको दार्जिलिङ, सिक्किम, भूटान, बर्मालगायत नेपाली भाषी धेरै रहेका देश एवं स्थानमा पनि मनाइन्छ ।
विराटनगर महानगरद्वारा ‘विराटनगर प्रज्ञा प्रतिष्ठान’ गठन , अध्यक्षमा विवश पोखरेल
![वीपीको स्मृतिमा भएको कविता प्रतियोगितामा खोटाङका नवराज प्रथम](https://snowberry.prixacdn.net/media/gallery_folder/BP%2520koirala%2520(1)_t3jTdEaLf5_m0cvg2oyyitslislmizk7alp0afw9ehha4rfvknlvh2fgtflxhafnumgnmhn_jJuXvbOeRC_amm2ts81tyhm2a8vjfnoian1fuhsbngrn0qbpzbh7oemkryinipvtyijzhlr.jpeg)
वीपीको स्मृतिमा भएको कविता प्रतियोगितामा खोटाङका नवराज प्रथम
रहेनन् गजलकार प्रकट पंगेनी
![पलेँटीमा गुञ्जिनेछन् कृष्णराजा](https://snowberry.prixacdn.net/media/gallery_folder/5_aw5eYsWptF_bkezivd4i6ln3zpjrnoaes5gnxrjximhkmwfaq8ib6hveqgnsh9azdg8n9tu_O1WA5dYoSr_ioqutyw6zieo4gxxiqmdguqosicohh1ywt16nsoldpoydnrb38symxdn2hdg.jpg)
पलेँटीमा गुञ्जिनेछन् कृष्णराजा
![लघुकथा – वञ्जीस ईराको भोक](https://snowberry.prixacdn.net/media/gallery_folder/si_OMeMV49oVZ_zxy8ogcic3uuhrrjpplatwypvvncdqvnltkvjxzqik7nhoysgooudrdkqpq2_KJ55ySeH2d_qpgdq3exgb9qyi4pocwzvflchqyag9v1npmbmtvwsl2zwken3oyqkfq05sbx.jpg)
लघुकथा – वञ्जीस ईराको भोक
![रहेनन् अग्रज साहित्यकार दधिराज सुवेदी](https://snowberry.prixacdn.net/media/gallery_folder/dadhiraaj_CGBHJpnMJt_nge2hj2myeneud9yi6ibuovwhazft2ws57qazsfkfmimdb59jjni3m8g2khl_sJPibKAAaJ_sjaq1hsscqcz9mdh4rhfkpazekvdp5gwswgtbbr9cgngzo8nz7kkofetp4aj.jpg)
रहेनन् अग्रज साहित्यकार दधिराज सुवेदी
![प्रेम, सेक्स र भ्यालेन्टाइन दिवस](https://snowberry.prixacdn.net/media/gallery_folder/prem-sex-valentine-copy-1000x477_3mKRiqG58p_h2nkm4ohzcr3uj6hw9qtnbjmovkck0treypbzcfhtj6ktl6z0mhyguapeduz_YxEGxoO7Pq_wkgxnyfcizv2jtcejybxddvyrpickclxxmyrrknlw8exffwqh4lakofhqjnu.png)
प्रेम, सेक्स र भ्यालेन्टाइन दिवस
![प्रेम दिवस, युवायुवती र विकृति](https://snowberry.prixacdn.net/media/gallery_folder/niru%2520thapoa_bS1MmDDGNI_ukof9zbd4whgytomxiskqsahvhwtdd8orfneqwtjsrshx2nptg5zktvln02s_G9hDZF8BLb_3hv5kfqxmuwmtbbmivbuyfgricwejtmuwmprfa7ay2rowkrsgvnvkxe9tk4y.jpg)
प्रतिक्रिया