इटहरीमा शुक्रवार सार्वजनिक बिदा

इटहरी । थारु समुदायको महान पर्व जितियाको अवसरमा शुभकामना दिँदै इटहरी स्थानीय सरकारले शुक्रवार सार्वजनिक बिदा दिएको छ । इटहरी सरकारले थारु समुदायलाई नगरको पहिलो जाती घोषणा गरेको थियो । घोषणा सँगै जाती तथा समुदायको सम्मान स्वरूप जितिया पर्वको अवसरमा शुक्रवार सार्वजनिक बिदा दिएको हो ।

उपमहानगरले बिहीबार सूचना जारी गर्दै बिदाबारे जानकारी गराएको हो । इटहरी अस्पताल बाहेक उपमहानगरको सबै काम बन्द हुने गरी शुक्रवार सार्वजनिक बिदा दिएको हो ।