निजी जग्गामा वृक्षारोपण : मेयर साम्पाङ सही कि गलत ? यस्तो छ जग्गा विवादको नालीबेली
धरान / २०७१ सालमा सट्टा भर्ना भइसकेको जग्गामा धरान उपमहानगरका मेयर हर्क साम्पाङले जबरजस्ती वृक्षारोपण गरेपछि चौतर्फी चर्चा र विवाद सुरु भएको छ । ब्यक्तीले भोग चलन गर्दै आएको नम्बरी जग्गामा जग्गाधनीलाई नै लछार पछार पार्दै वृक्षारोपण गरेपछि मेयर साम्पाङ विरुद्ध उनकै समर्थकहरू जाइलागेका छन् ।
गत शनिवार श्रमदान गर्ने भन्दै धरान ४ छोटी मोरङ सर्दु जलाधार क्षेत्रमा बृक्षा रोपण गर्न पुगेका मेयर साम्पाङ सहितको टोलीले पूर्व वडाध्यक्ष सहित रहेका प्याराग्लाइडिङ व्यवसायी रोशन अधिकारीको जग्गामा हस्तक्षेप गरेका थिए । उक्त घटनाको अहिले सामाजिक सञ्जालमा चौतर्फी आलोचना सुरु भएको छ ।
यस्तो छ जग्गा विवादको नालीबेली
सयौँ समर्थकहरू सहित मेयर साम्पाङ टोली श्रमदानकालागि खटिएको धरान ४ को जग्गा सर्दु जलाधारको रहेको पाइएको छ । उक्त जग्गाबारे २०७१ साल चैत्र १७ गते नै सर्वोच्च अदालतमा मुद्दा दायर भएको बुझिएको छ । अदालतले उक्त जग्गाबारे ठोस फैसला अझै पनि नदिएको बताइएको छ ।सो क्षेत्रमा ४२ बिगाहा जग्गाको सट्टाभर्ना पाएको प्रमाणसहित जनसरोकार मञ्च नेपालले मुलुकी ऐन अदालती बन्दोबस्ती १० नम्बर बमोजिम पुनरावेदन अदालत विराटनगर हुँदै रिट निवेदन सर्वोच्चमा पुगेको देखिएको छ ।
सोही मुद्दाको सुनुवाइ गर्दै न्यायाधीश आनन्द मोहन भट्टराई र सुष्मालता माथेमाको संयुक्त इजलासले अघिल्लो फैसलासँग असहमति जनाउँदै पूर्ण इजलासमा पेस गर्न २०७९ माघ २४ गते आदेश दिएको पनि देखिएको छ । जनसरोकार मञ्च धरानको नेतृत्वमा इन्द्र बहादुर राई , ज्ञानबहादुर राई , गङ्गालक्ष्मी राई, शुभ राई, श्यामकुमार राईले धरान नगरपालिका कार्यालय, जिल्ला विकास समिति, जिल्लमा मालपोत कार्यालय सुनसरी विष्णु पादुका गाविस लगायतलाई विपक्षी बनाउँदै रिट दायर भएको थियो । सर्दु जलाधार क्षेत्रको १३२ बिगाहा जमिन २०३४ सालमै सट्टा भर्ना भइसकेको कागजात फेला परेपछि सर्वोच्च अदालतले सरोकार मञ्चको पक्षमा फैसला गरेको थियो ।
धरान ४ छोटी मोरङ डाँडा र आसपासमा पर्ने ४२ बिगाहा जग्गाको मुआब्जा दिएको प्रमाण पेस नभएको भन्दै व्यक्तिको हक भोग लाग्ने गरी सर्वोच्च अदालतले २ वटा मुद्दाको फैसला गरेको थियो । साथै, फैसलाको बारेमा पुनरावलोकन गर्न दिइएको निवेदनमा सर्वोच्चले नै निस्सा भने दिएको थिएन ।
फैसला गरेर पनि निस्सा नदिएपछि सर्वसाधारणहरूले त्यहाँको जग्गा किनबेच सुरु गरेका थिए । सोही क्रममा २०७२ सालामा रोशन अधिकारीले ३ कट्ठा ५ धुर जग्गा जग्गा किनेका थिए । उक्त जग्गा उनले श्रीमती रोजिना अधिकारीको नाममा राखेर धनी पुर्जा समेत निकालेका छन् । त्यसै आसपास उनका दाजु मथुरा अधिकारीको नाममा २ कट्ठा जग्गा रहेको छ । उनले हेम चन्दा घिमिरेसँग सो जग्गा किनेको बताएका छन् । तत्कालीन नापी कार्यालय र वन डिभिजनले सो जग्गाबारे २०३४ माघ ९ मा जलाधार क्षेत्रमा १८० घरपरिवारले ३ सय ४८ बिघा जमिन खनजोत गरिरहेको अध्ययन सहितको तथ्याङ्क सङ्कलन गरेको थियो ।
उनीहरूलाई २०३४ देखि २०३८ सालसम्ममा मोरङको बयरवन क्षेत्रमा सट्टाभर्ना दिएर स्थानान्तरण गरिएको थियो । सट्टा भर्ना दिइएको भए पनि लगत कट्टा नहुँदा भू माफिया र जग्गा धनीहरूले जलाधार क्षेत्रको जग्गा किनबेच गर्दै आएका थिए । उक्त विषयमा जानकार मेयर साम्पाङले गत शनिवार वृक्षारोपण गरेर जग्गा छोड्न जग्गाधनीलाई दबाब दिएका छन् । अदालतले नै जग्गा विवाद साम्य नभई रोक्का गरिरहेको अवस्थामा मेयर साम्पाङले बृक्षा रोपण गर्नु कानुनको धज्जी उडाएको प्रस्ट देखिएको छ ।
![इटहरीको ३ अर्ब ५७ करोड ८४ लाख ५० हजारको बजेट बहुमतले पारित](https://snowberry.prixacdn.net/media/gallery_folder/056846_n_hMTe1DcYfv_7glwpebz1egukoifcmqgsnwywxhxcmilfptipsqro2c07atizfzmipwjyju4_UaJ5cbTAKQ_yuq4axy04ed5bafpjiknnjpord3hzwbyj25ydz4ejn9t2f2izjlzbzl6ut8j.jpg)
इटहरीको ३ अर्ब ५७ करोड ८४ लाख ५० हजारको बजेट बहुमतले पारित
इटहरीमा २० दिने कफि मेकिङ्ग वारिस्टा तालिम सम्पन्न
![एमालेका जनप्रतिनिधीको कारण उपभोक्ताले भुक्तानी नपाएको मेयर पौडेलको आरोप](https://snowberry.prixacdn.net/media/gallery_folder/meyar-of-itahari_55kebVBjk5_vespnpgoenc77zha7yixg5jow6zd1ftsbxj9sgsdicwcna0efqeiq6wmi0ql_nJg77UWxHt_zrx0jr8bc7xyg4g49gjaznqkrvcddm6wvefqyatuhzneobqeary7ltostocz.jpg)
एमालेका जनप्रतिनिधीको कारण उपभोक्ताले भुक्तानी नपाएको मेयर पौडेलको आरोप
![स्कार्पियोको ठक्करबाट सिटीमा सवार ४ घाइते](https://snowberry.prixacdn.net/media/gallery_folder/448314778_885609416929996_7364975672453669342_n_UBDbGOWYZd_bqsai2tocrizkdnx5firbhombhlzlefnl3mlz1wcf0kawlkcagfsx6m2ue1d_rRHP3qUx0X_uwwncxnzmeed8ogejmwbfwsqhcxnskxwu0x7bnwogoufoon41agrp4khmzlx.jpg)
स्कार्पियोको ठक्करबाट सिटीमा सवार ४ घाइते
![इन्टरनेट र केबलका तार व्यवस्थित गर्न इटहरी उपमहानगरको निर्देशन](https://snowberry.prixacdn.net/media/gallery_folder/Itahari-nagar_hyCoH1VxOV_cl0ld2pzgkjtd9bh8vmhcmh3xcsl48hdpaeffcdhzrwv8qhhdjqwk2qhp5wc_oBEj7b2a0f_n7sbrhp4rs2mlrdwiazmmx0rxpk557gjkt4xxnedivyj5pu2wvw83omfus1p_Br3bFDAMrr_0xohiljxbendrhb4u3gkrtkwhq6qw0advduilnqfnv0boze0q8pfh9lwhl0a_hbEPMnFYyY_inaao8wrrqdbn7bkfrzjkpkb1plnat7r6u5xb7djiudnd7xdxktbwivpvmnm_Lv8YN41DHf_rdslsj3osf4kedrbfrukgc4pprk9kwn3gkj7pqctigrcas0jljvkplejjdzu_9XXjqNboq5_5x20ngvkardxog3bypeggwy8oooonksaggvtxlq7c9wa4wblp4bgjfsw4agk_mBVFb0LuIE_hlf9o9jwoh88tiecej0gfpat54qcfen4n3iw88ya43brhz7mgis62ijm3qro_hKGWVCtNFw_kurvjg82rem70k5tdpczyjhmmg0uy2xuxhehkupnn0htmwxgx7m6uasylozr_jYJlDQSMNq_ur3o1abm1suv8qhthhkpycgmttxlelbmadnuvo3kiiysxhrloessdhflfcda_lFbLWVm7wj_hw14ngxve6ipwernxx7izfgydidybqf3u7gxojicr8gph1kupqpgecluffvr_6X6uPAw8Zu_gw0iakpxbw8xedojt7hztxlrdvjy8tlpvgohanzwiucxfajmpfnstimxrmo8_hSoRJ3DOOb_b2qdj2tk2og94ffm6pfupxgg6wlxj2uxasamgnqr70jqdqntu9xcdlbcvlt7.jpg)
इन्टरनेट र केबलका तार व्यवस्थित गर्न इटहरी उपमहानगरको निर्देशन
![आजको मौसम: कोशी प्रदेश लगायत देशको पहाडी भू-भागमा आंशिक देखि साधारणतया बदली](https://snowberry.prixacdn.net/media/gallery_folder/mousam_Ugse9P2d6b_whplqlxaofeytqztxkrwymwazp9y4f7wdqkgnqrgjwdd5wsocccd0niuh6t3_gpjalTZ4qW_gwboyv0s8wgtckw8152mogvjfn04s2gj1kqu10dagjn28mtccrnfgyotsrms_jnzOmz5DLG_zcue5ch96ohau5w0qlikftas8uhw70bphwsise1d3dj72k3avkcxf6xtvljj_julkTJDaFy_pto5ooz5ag1nuwzl5khmrno6bxvhz5ziwwcfm2tabnlzqmz8nghru5eiwms1_4vP8zdFWU8_xvjrar7rf12wpb24nnatzrdwjbynktbeyq9qnluuh0e0pg26xmsiocjqe86d.jpg)
आजको मौसम: कोशी प्रदेश लगायत देशको पहाडी भू-भागमा आंशिक देखि साधारणतया ब…
![जनजीवनसँग जोडिएका यी काम जसले इटहरीवासीको मन जितिरहेको छ](https://snowberry.prixacdn.net/media/gallery_folder/Itahari-nagar_hyCoH1VxOV_cl0ld2pzgkjtd9bh8vmhcmh3xcsl48hdpaeffcdhzrwv8qhhdjqwk2qhp5wc_oBEj7b2a0f_n7sbrhp4rs2mlrdwiazmmx0rxpk557gjkt4xxnedivyj5pu2wvw83omfus1p_Br3bFDAMrr_0xohiljxbendrhb4u3gkrtkwhq6qw0advduilnqfnv0boze0q8pfh9lwhl0a_hbEPMnFYyY_inaao8wrrqdbn7bkfrzjkpkb1plnat7r6u5xb7djiudnd7xdxktbwivpvmnm_Lv8YN41DHf_rdslsj3osf4kedrbfrukgc4pprk9kwn3gkj7pqctigrcas0jljvkplejjdzu_9XXjqNboq5_5x20ngvkardxog3bypeggwy8oooonksaggvtxlq7c9wa4wblp4bgjfsw4agk_mBVFb0LuIE_hlf9o9jwoh88tiecej0gfpat54qcfen4n3iw88ya43brhz7mgis62ijm3qro_hKGWVCtNFw_kurvjg82rem70k5tdpczyjhmmg0uy2xuxhehkupnn0htmwxgx7m6uasylozr_jYJlDQSMNq_ur3o1abm1suv8qhthhkpycgmttxlelbmadnuvo3kiiysxhrloessdhflfcda_BA1YTcOMIL_upim1aehem5wwgslpmvjkwkselzfw0qrwvomkhkgkf7ryzludgqaoe7rvx1t.jpg)
जनजीवनसँग जोडिएका यी काम जसले इटहरीवासीको मन जितिरहेको छ
![इटहरीको खेती खोलाको अबैध संरचना हटाउन उपमहानगरको ३५ दिने उर्दी : आफै नभत्काए डोजर चलाउने उपमहानगरको चेतावनी](https://snowberry.prixacdn.net/media/gallery_folder/Itahari-nagar_hyCoH1VxOV_cl0ld2pzgkjtd9bh8vmhcmh3xcsl48hdpaeffcdhzrwv8qhhdjqwk2qhp5wc_oBEj7b2a0f_n7sbrhp4rs2mlrdwiazmmx0rxpk557gjkt4xxnedivyj5pu2wvw83omfus1p_Br3bFDAMrr_0xohiljxbendrhb4u3gkrtkwhq6qw0advduilnqfnv0boze0q8pfh9lwhl0a_hbEPMnFYyY_inaao8wrrqdbn7bkfrzjkpkb1plnat7r6u5xb7djiudnd7xdxktbwivpvmnm_Lv8YN41DHf_rdslsj3osf4kedrbfrukgc4pprk9kwn3gkj7pqctigrcas0jljvkplejjdzu_9XXjqNboq5_5x20ngvkardxog3bypeggwy8oooonksaggvtxlq7c9wa4wblp4bgjfsw4agk_Mfah4tSdK5_8vacifmcgsqj6p5tyizq0uic9lljgxczejbkphxv31mq16e6dbo1kuncoje2_xlD3L0B4KL_13nwqwsqf8vf25ayq3dhishqziidyirmehdczmbix7p6eiyemiyvxmtufshz_2ZZJeP9kGO_uyoindfjuiobtsnadqvxyr6z0r8va1millkmyysundfzpehrspjynmf7fosj_ZDk27ygHyK_fhotg8eu5ilyiraxpyfrbzeshorgarbifapqvjcyne1raxwh4ejesv5inrkl_VbyoDnxytw_janc3x3owhiaz9etlywfrrzcaf0l0ly0lapc53d9iuau9xp5tkuq8s4l84mo.jpg)
प्रतिक्रिया