रवीन्द्र मिश्रको चुनाव खर्च साढे २४ लाख रुपैयाँ
![](https://snowberry.prixacdn.net/media/gallery_folder/rabindrad1669100559_MLzRfKPwv6_7cntendy4uaqysyfzrjqvkrhaupgqp66sr4tnqo0dpvddkgoy1po4onkbiwd.jpg)
काठमाडौं / राप्रपाका वरिष्ठ उपाध्यक्ष तथा काठमाडौं क्षेत्र नम्बर १ बाट प्रतिनिधिसभा उम्मेदवार रवीन्द्र मिश्रले आफूले चुनावमा साढे २४ लाख रुपैयाँ खर्च भएको जानकारी दिएका छन् ।
काठमाडौं १ मा कांग्रेसका प्रकाशमान सिंहसँग पराजित भएका मिश्रले २४ लाख ४९ हजार ६०७ रूपैयाँ खर्च भएको विवरण मंगलबार निर्वाचन आयोगसमक्ष पेश गरेको जानकारी दिएका हुन् ।
यसबारे मिश्रले जारी गरेको विज्ञप्तिाको पूर्णपाठ :
हालै सम्पन्न निर्वाचनमा मैले काठमाडौँ क्षेत्र नं एकबाट प्रतिनिधिसभा सदस्यका लागि प्रतिष्पर्धा गर्ने क्रममा २४ लाख ४९ हजार ६०७ रूपैयाँ खर्च भएको विवरण आज निर्वाचन आयोग समक्ष पेश गरेको छु।
मलाई यो उल्लेख गर्दा खुशी लाग्छ कि सोही क्षेत्रबाट २०७४ सालको निर्वाचन लड्दा मैले रू २१ लाख ५० हजार खर्च गरेको थिएँ र चुनावी अभियानका क्रममा प्राप्त भएको बढी रकम मेरो पार्टीलाई बुझाएको थिएँ।
पहिलेजस्तै यस पटक पनि निर्वाचन लड्न मैले आर्थिक सहयोगका लागि सार्वजनिक अपील गरेको थिएँ। निर्वाचन आयोगले तोकेको खर्च सीमा रू २५ लाखको हाराहारीमा शुभेच्छुकहरूबाट सहयोग प्राप्त भएपछि मैले भिडियो सन्देश मार्फत अब थप आर्थिक सहयोग नगर्न आग्रह गरेको थिएँ।
त्यति हुँदाहुँदै पनि थप केही सहयोग मेरो खातामा प्राप्त भयो, जसबाट प्राप्त कूल सहयोग लगभग रू ३३ लाख हुन गएको छ।
यस पटक निर्वाचन खर्चपश्चात बचेको लगभग रू ८ लाख ५० हजार ’काठमाडौँ क्षेत्र नं १ सरोकार कोष’ मा जानेछ। व्यापक प्रतिकूलतामाझ पनि ममाथि विश्वास गर्ने काठमाडौँ क्षेत्र नं एकका मतदाताप्रति आभार प्रकट गर्न मेरा पछिल्ला दुई पुस्तक (विचारभन्दा माथि देश र राजनीतिसँगै राजकाज) बाट प्राप्त हुने लेखकश्व र त्यसमा थप रकम जोडेर रू २५ लाखको ‘सीड मनि (बीज पैसा)’ बाट ‘काठमाडौँ क्षेत्र नं १ सरोकार कोष’ स्थापना गर्ने घोषणा मैले निर्वाचन लगत्तै गरेको थिएँ।
निर्वाचनमा करोडौँ करोडको अपारदर्शी खर्चका कारण झनझन चुनावी विकृति बढिरेहको सन्दर्भमा निर्वाचनमा प्राप्त सहयोग, भएको खर्च र बचेको रकमबारे सबै उम्मेदवारले इमानदारीपूर्वक पारदर्शी हुने हो भने मात्र पनि निर्वाचन सुधार र लोकतन्त्रको उन्नयनमा उल्लेख्य रूपमा सकारात्मक असर पर्नेछ।
रवीन्द्र मिश्र
प्रतिनिधिसभा सदस्य उम्मेदवार, काठमाडौँ क्षेत्र नं १
तथा वरिष्ठ उपाध्यक्ष, राष्ट्रिय प्रजातन्त्र पार्टी
मितिः २० मंसिर २०७९
![एमाले नेताहरू भुसाल र साह पार्टीबाट निस्कासित](https://snowberry.prixacdn.net/media/gallery_folder/ghanshyam-prabhu_l4LWClGBtv_htaejyggww3tunroznixl0wsfqkbuutpmrmzhcqiqwmgvpgom7thtffpofdu.jpg)
एमाले नेताहरू भुसाल र साह पार्टीबाट निस्कासित
![कांग्रेस, एमाले र जसपाले शनिबार समानुपातिक सांसद छान्ने](https://snowberry.prixacdn.net/media/gallery_folder/congress-yemale-jasapa-685x457-1_jaNGf4M4E4_7xj0iadotw6au8debgm9tllibayxxrqv2jbchd4ssxmxybq9qlcuqpprhm6b.jpg)
कांग्रेस, एमाले र जसपाले शनिबार समानुपातिक सांसद छान्ने
![निर्वाचनमा सहयोग गर्ने सबैलाई सरकारले दियाे धन्यवाद, यस्ता छन् मन्त्रीपरिषद्का अन्य निर्णय](https://snowberry.prixacdn.net/media/gallery_folder/matgananavotecounting-1652623341_feyHSY0EsE_vlyvqdo4t45mu4fst9gns56v2vc3iz5ixxntgqngsqxvzjwempcgj1m2alei.jpg)
निर्वाचनमा सहयोग गर्ने सबैलाई सरकारले दियाे धन्यवाद, यस्ता छन् मन्त्रीपरिषद्का अ…
![सात दल बने राष्ट्रिय पार्टी, समानुपातिकतर्फ कसको कति मत ?](https://snowberry.prixacdn.net/media/purbelinews%20default%20image_2fya97kmeqwss7fvvmthgneqefcqea9swfuyxpqcfrw7bxkdijnsy9uhjjf3.jpg)
सात दल बने राष्ट्रिय पार्टी, समानुपातिकतर्फ कसको कति मत ?
![रवि लामिछानेविरुद्ध निर्वाचन आयोगमा अर्को उजुरी](https://snowberry.prixacdn.net/media/gallery_folder/rabi_swCbjeCFuJ_g5tmn521l6putdxzbc1ksra3djt81aqxbhy4mselycg3b89loktrcvvnskqe.jpg)
रवि लामिछानेविरुद्ध निर्वाचन आयोगमा अर्को उजुरी
![प्रतिनिधिसभाका १६५ मध्ये १६४ स्थानको परिणाम सार्वजनिक](https://snowberry.prixacdn.net/media/gallery_folder/1610345877_Nirbachan_aayog_ljDOKpkoNs_f3wzuajgrhw9akabtk8jr6qeptznzzqvqlpugmtnv7ix9fqfp1wukytuw7ln.jpg)
प्रतिनिधिसभाका १६५ मध्ये १६४ स्थानको परिणाम सार्वजनिक
![बद्री पाण्डेलाई २९ सय ५५ मतको अग्रता](https://snowberry.prixacdn.net/media/gallery_folder/DSC_3109-001_mcp1BUuqFD_m3lojdty6ofib15qcy0ll6pmp0l9a5ark1tmgwz6mkrdfmiiukfuv1x89dwc.jpg)
बद्री पाण्डेलाई २९ सय ५५ मतको अग्रता
![बाजुरा प्रदेश ख मा कांग्रेसका उम्मेदवारले लिए अग्रता](https://snowberry.prixacdn.net/media/gallery_folder/20211438967nepalicongress-1142022014526_taTF1czC5E_faxlirmiyf68vkoryni1cgbs4fcesddfhi8zsyss0iwqrmgo7xripmgp5cyn.jpg)
प्रतिक्रिया