“विराटनगरलाई अनलाइन परिचय दिन सिटि एप” – बिबेक दाहाल

बिराटनगरमा अनलाइन पत्रिका संचालन गर्दै आएको ओबि मिडिया प्रालिले नयाँ मोबाइल एप संचालनमा ल्याएको छ । सिटि एप नाम दिइएको उक्त एपमा बिराटनगरको सम्पुर्ण जानकारी पाउन सकिनेछ । यसैक्रममा ओबि मिडिया प्रालिका निर्देशक बिबेक दाहालसंग गरिएको कुराकानी :

१) सिटि एप कस्तो एप्लिकेसन हो ?

हामीले भर्खरै ल्याएको सिटि एप नेपालमै ,बिल्कुलै नयाँ     मोबाइल एप्लिकेसन हो । कुनै पनि सहरको बारेमा पुर्ण जानकारी दिन यस एपको निर्माण गरेका हौ ।

२) कसरी काम गर्छ यस्ले ? 

यस एपमा हामीले हाललाई विराटनगर सहरको सम्पुर्ण विवरण जस्तै स्कुल , कलेज , स्थानीय पसल , बैंक , होटेल , रेस्टुरेन्ट , विराटनगरका समाचार , मोरङका सरकारी कार्यालयहरुको विवरण गुगल म्याप सहित राखेका छौ ।

३) कसरी सोच आयो यस्तो एप निकाल्ने ? 

हामीले हाम्रो अनलाइन साइट (आवर विराटनगर ) लाई पनि विराटनगरलाई विश्वसंग जोड्ने अभियान स्वरुप संचालनमा ल्याएका थियौँ । बिराटनगरमा तपाई नयाँ हुनुहुन्छ या विराटनगरका बारेमा थोरैमात्र ज्ञान छ भने पनि यस एप तपाईंको लागि महत्त्वपूर्ण हुन जान्छ । बिराटनगरका कहाँ के के छन भनेर पुर्ण जानकारी दिने प्रयास गरेका छौ । विराटनगरलाई अनलाइन परिचय दिन सिटि एपको निर्माण गरेका हौ ।

४) यस एपले विराटनगरको मात्रै जानकारी दिन्छ ? 

तत्काललाई हामीले विराटनगर सहरको मात्रै विवरण राखेपनि चाडैं हामी अन्य सहरको बारेमा पनि जानकारी राख्दै छौ । नेपालका विभिन्न सहर छनोट गरि उक्त सहरका वा नेपाल र देश बाहिर बसेका नेपालीहरुले पनि आफ्नो ठाउँको बारे जानकारी पाउन सक्नुहुनेछ ।

५) नि:शुल्क रुपमा जानकारी राखिन्छ एपमा ? 

अहिलेलाई ६ महिना सम्म हामीले नि:शुल्क रुपमा जानकारी राख्नेछौ । ६ महिनापछि हामीले फिचर सेवा संचालन गर्नेछौं जस्मा इच्छाएका विजनेस हाउसले साधारण शुल्क तिरेर  आफ्नो जानकारीलाई फिचर गरि  धेरै मानिस सम्म देखाउन सक्नेछन् ।

६) कसैले आफ्नो जानकारी एपमा राख्न चाहे के गर्नुपर्ने हुन्छ ? 

हामी चाडै नै , एपमा तपाईं जहाँ भएपनि आफै सामग्री आफै हाल्न पाउने सिस्टम तयार पार्दै छौ । यो सिस्टम बनेपछि तपाईंले एपमा आफै जानकारी हाल्न पाउनुहुनेछ ।

७) कस्तो प्रतिक्रिया पाइराख्नु भएको छ एपको ? 

हामीले सोचेको भन्दा राम्रो प्रतिक्रिया पाएका छौ  । धेरैले अझ राम्रो बनाउन सुझाब दिईरहनु भएको छ । अहिले सम्म १००० जति डाउनलोड भइसकेको छ । गुगल प्ले स्टोरमा गएर यसलाई डाउनलोड गर्न सकिन्छ