मह बेचेर भोजपुरको नागीवासीले कमाए एक करोड
![](https://snowberry.prixacdn.net/media/gallery_folder/honeyBenefits_jF7Cd8X5cC_yjdek4qe2hrkihf8ngnois53xxtcchmzgv0fzsi7zbuc9fc6iumnne4vsoht_VlXx3ZYw2M_s5bjwounroevxwwxgrroygg0u7otyfxtjju0ioq4n78bhcv9aqn5pwuanbgr.jpg)
भोजपुर । भोजपुरको नागी क्षेत्रका किसानको लागि मह राम्रो आम्दानीको स्रोत बनेको छ । व्यावसायिक मौरीपालनबाट उत्पादन भएको महबाट यो गाउँमा एक वर्षमा एक करोड २० लाख रुपैयाँ बढी भित्रिएको छ । टेम्केमैयुङ–४ मा पर्ने यो स्थानका अधिकांश किसानले व्यावसायिक रुपमा मौरीपालन गरिरहेका छन् ।
नजिकै प्रशस्त वन क्षेत्र रहेकोले यहाँका हुँगे, चोक्ला, वाकताङ लुङ्गिनलगायतका स्थान मौरीपालन हुने गरेको छ । मह आम्दानीको राम्रो स्रोत बनेको स्थानीय मौरीपालक किसान सारुहाङ राईले बताए । आफूले पालेको १८ वटा आधुनिक घारमा एक पटकमा एक सय केजीसम्म उत्पादन हुने उनले बताए । एक वर्षमा मौरीलाई दुईदेखि तीन पटकसम्म काढ्न सकिने उनले जानकारी दिए । स्थानीय बजारमा मह प्रतिकेजी एक हजार पाँच सय रुपैयाँमा बिक्री हुने उनको भनाइ छ ।
‘मह नागी क्षेत्रका किसानको राम्रो आम्दानीको स्रोत बनेको छ’, उनले भने, ‘मौरीबाट थोरै मेहनतमा राम्रो आम्दानी लिन सकिन्छ । हाम्रो क्षेत्र ५० घर बढीले व्यावसायिक रुपमा मौरीपालन गरिरहेका छौँ ।’ नागी क्षेत्रबाट एक वर्षमा एक करोड २० लाख बढीको मह उत्पादन हुने वडाध्यक्ष हर्कराज राईले बताए । यो क्षेत्र प्राकृतिक हिसाबले मौरीको लागि उपयुक्त रहेको उनको भनाइ छ । भौगोलिक रुपमा अलि बढी चिसो क्षेत्र रहेकाले हिउँदको समयमा पनि मौरीपालनमा सहजता पुर्याउले लक्ष्यले आधुनिक माटेघार वितरण गरिरहेको उनले जानकारी दिए ।
‘हाम्रो क्षेत्रमा मौरीपालनबाट एक करोड रुपैयाँ बढी भित्रिएको अवस्था छ’, वडाध्यक्ष राईले भने, ‘यहाँका अधिकांश किसानले मौरीपालन गरिरहेका छन् । मौरीपालनलाई थप व्यवस्थित र प्रविधिमैत्री बनाउन वडाले भूमिका खेलिरहेको छ । अहिले हामीले आधुनिक माटेघार वितरणमा जोड दिएको छौँ । न्यानो हुने भएकाले माटेघारमा मौरीपालन गर्दा हिउँद समयमा मौरीलाई बचाउन सकिन्छ ।’
व्यावसायिक मौरीपालनमा लागेका किसानलाई थप प्रोत्साहन गर्न गाउँपालिका र वडासँगको सहकार्यमा करिब सात लाख ७० हजार रुपैयाँ बराबरको दुई सय आधुनिक माटेघार वितरण गरिएको गाउँपालिका प्रमुख प्रशासकीय अधिकृत विकेन पौडेलले जानकारी दिए । गाउँपालिकाले मौरीपालनमा लाग्ने किसानलाई आवश्यक सहयोग गरिरहेको उनको भनाइ छ । ‘मौरीपालनमा लागेका किसानलाई गाउँपालिकाले आवश्यक सहयोग गरिरहेको छ’, प्रशासकीय अधिकृत पौडेलले भने, ‘यो वर्ष करिब सात लाख ७० हजार रुपैयाँ बराबरको आनुधिक घार वितरण गरेका छौँ । यसले किसानमा थप उत्साह थपिएको छ ।’
पराम्परागत रुपमा मौरीपालन गर्दै आएको अवस्थामा गाउँपालिकाले आनुधिक प्रविधिको घार वितरणले उत्साह थपिएको स्थानीय मौरीपालक किसान शुक्रराज राईले बताए । परम्परागत घारको तुलनामा आधुनिक घारमा मह बढी उत्पादन हुने उनको भनाइ छ । आधुनिक घारमा मह काढ्नसमेत सहजता हुने उनको भनाइ छ । स्थानीय मुढेघारको तुलनामा आधुनिक घारमा दोब्बर मह उत्पादन हुने किसान राईले जानकारी दिए । ‘हामीलाई मौरीपालनमा उत्साह थप्न गाउँपालिकाले आधुनिक घार दिएको छ’, उनले भने, ‘आफ्नै लगानीमा मौरीपालन गरिरहेको अवस्थामा गाउँपालिकाको तर्फबाट सहयोग पाउँदा खुसी लागेको छ ।’
गाउँपालिकाले कृषि र पर्यटनलाई मुख्य प्राथमिकतामा राखेर काम गरिरहेको गाउँपालिका उपाध्यक्ष रमादेवी राईले बताइन् । किसानलाई व्यावसायिक बनाउन उनीहरुको आवश्यकताका आधार सहयोग तथा अनुदानका कार्यक्रम सञ्चालन भईरहेको उनको भनाइ छ । नागी क्षेत्र मौरीको लागि उपयुक्त रहेकाले कार्यपालिकाको निर्णयअनुसार यहाँ आधुनिक घार वितरण गरिएको उपाध्यक्ष राईले बताइन्।
‘गाउँपालिकाले कृषि र पर्यटनलाई मुख्य प्राथमिकतामा राखेर आवश्यक काम गरिरहेको छ’, उपाध्यक्ष राईले भनिन्, ‘यहाँको कृषिको सम्भावनालाई खोजी गरेर आवश्यक सहयोगका कार्यक्रम सञ्चालन भईरहेका छन् । कृषिबाट पनि किसानको आयस्तर बढाउने हाम्रो लक्ष्य छ ।’
![कृषक पलायन भएपछि बढ्दो परनिर्भरता : पूर्वी नाकाबाट मात्र ८५ करोडको कोदो आयात](https://snowberry.prixacdn.net/media/gallery_folder/kodo_EceaX0zz6q_oxwk8dxaotiyq1sxya2hjai4nwtefaqtlqqyxe14vbpsyncgotwo07c2jjlv_XQlLtvbLbi_ebn51dqjr2m3cwzkuj8ddxxiseovt9qrazfmtduwjasuwn57mgyw615eolpb.jpg)
कृषक पलायन भएपछि बढ्दो परनिर्भरता : पूर्वी नाकाबाट मात्र ८५ करोडको कोदो आयात
![ड्रागन फ्रुटबाटै वर्षको १६ लाख कमाउँछिन् कल्पना](https://snowberry.prixacdn.net/media/gallery_folder/kamala-gouli_JM8g1e0Mra_yps2ah6dqesqycxtxcnybmb6noyiiq1woejmjqipirfgacog2teqyikpoybj_gTOGB47aA8_zircsxakecvwniuqxvccmcvmyi6nprumkpman3bdu5o2akryawncty4xisz8.jpg)
ड्रागन फ्रुटबाटै वर्षको १६ लाख कमाउँछिन् कल्पना
![आलु प्रवर्द्धन कार्यक्रमले दुई हजार सात सय क्षेत्र विस्तार](https://snowberry.prixacdn.net/media/gallery_folder/potato_Br2jxlCe5U_xovbvijlmtuhrukwbuhzvrvsvdpblndmj0osow5zak0pnftabksfhskumi7e_sZsKdqeYJl_raqlgzyujsiv6xsv4v0s3x1jmawve7trf5iegp1khvt6do1savoybrsi7jlk.png)
आलु प्रवर्द्धन कार्यक्रमले दुई हजार सात सय क्षेत्र विस्तार
![स्ट्रबेरी खेतीमा आकर्षित हुँदै भोजपुरका किसान](https://snowberry.prixacdn.net/media/gallery_folder/stabari_NBZ5F3Wt6v_alrmacwilua9gpz717iadx1vfu1tbiktb7ariq21ehckyvky3xtd41f6zbpc_klXtWQNT5W_fole0lr5l1hgqb9xy4omekwylmzpzuxrpfcglembdqrv0zrjqbiouyatunft.jpg)
स्ट्रबेरी खेतीमा आकर्षित हुँदै भोजपुरका किसान
![पेट्रोलको मूल्य लिटरमै साँत रुपैयाँ घट्यो](https://snowberry.prixacdn.net/media/gallery_folder/nepal-oil-corp_AdMig8E0QW_g7qva9p3youvvzeitq68pxxnrduvytgzrvkq7kuesutrsbnrs8t9i5iz32c5_PWWrPntJAb_60h8i6tlzvtqgjvtv0t82ioliallpf7vex4qdcbrtl4s5n4t0yxijbvswdlm_eiAPerip5w_f5d5qvivenv99dnr0cdpbzz6c3w46fugfkhnchdspepy9tmio7xvmj5aaing_U1Ycxl84et_hytx7pcdz5ajrvknn6zs5noabybncvclo0tfd7laywimlvy0i3lsf64wbyhc_QOqEqayoZK_32ijbxtr26fotwaovjxgt3bwk6iwe7p8vkt9gob9ykp5hhjtjvwbzpvm9uf6_UUXaMmZaNr_p0pckh78qubyzbqngcrg8uwzmi37xgimioblmsme2z39jd994wm4nixvaymi.jpg)
पेट्रोलको मूल्य लिटरमै साँत रुपैयाँ घट्यो
![धरानमा बन्यो कृषि तथा खाद्य प्रविधि अनुसन्धान केन्द्र](https://snowberry.prixacdn.net/media/gallery_folder/nast-daran-e1715395279826_LgvjKNEWrW_chpladygywcetxquyazn2eidwwkpkhjhxfnt4ojbl4rkqro6knxyy4ceeeep_5rxPE2xilc_ygnsnrw3by7cww5ebdtx71dffgfuripadro6udnqrvwyth9vhbodywpgjak0.jpg)
धरानमा बन्यो कृषि तथा खाद्य प्रविधि अनुसन्धान केन्द्र
![इटहरीमा काैसी खेती प्रवर्द्धन कार्यक्रम : ६० जनालाई वितरण गरियो कृषि सामग्री](https://snowberry.prixacdn.net/media/gallery_folder/6654d01f-340d-4eb7-83f9-7e2919b5f8bd_AVbrMumExZ_cssc7qocivaolor5k4gigeapqofz0u2f2erji1d7iqtl1jsrvat3d92svdco_Zsch5zWXrl_m69ejsyssgajwgb6ibtin9stojakougq1ubgkuuai5vxvazuxjqy08psww3f.jpg)
इटहरीमा काैसी खेती प्रवर्द्धन कार्यक्रम : ६० जनालाई वितरण गरियो कृषि सामग्री
![बेमौसमी तरकारीमा विषादीको अवशेष](https://snowberry.prixacdn.net/media/gallery_folder/tarkari1681354619_MEz3aqfAaI_fo4cwdcaxqi1lxiw8qbpgos2gmi0jzsth2vr1zi2ica1bokxuvx7sldotw3n_ifLMwZemm7_xrcuels5irxhjxu8262jbmr34pxn4tow4zpfnqq4dayxfq74gaihlavlgzis_mbLNya1vq7_np6zhsslsbsgo63zkwqbeplnzxrrcz7iok5sqexaje3hucuz9onqihghetht_OhKi1SoF73_u9shjzlwiku44ztblb0xfviky6wsjmy9f7ezlkkigytcerfxr2qarx24okkl.jpeg)
प्रतिक्रिया