लघुकथा – वञ्जीस ईराको भोक
![](https://snowberry.prixacdn.net/media/gallery_folder/si_OMeMV49oVZ_zxy8ogcic3uuhrrjpplatwypvvncdqvnltkvjxzqik7nhoysgooudrdkqpq2_9W9yn4lakP_6ruxmbcntnyvufb8lijavxughkgexylivgbur79coyso6yw8esm9u0xgombx.jpg)
सिजन श्रेष्ठ
वञ्जीस ईराले द्रुत गतिमा कुदाइरहेको ट्रकको गति बिस्तारै कम गर्यो । र, सडकको किनारामा ल्याएर रोक्यो । ऊ ट्रकबाट फुत्त ओर्लेर सरासर भान्छाघरतिर छिर्यो ।
भान्छाघरको कुनाको एउटा टेबलमा म गजक्क परेर खाना खाइरहेको थिएँ । गजक्क पल्टिनुको कारण केहीबेर अघिको संवाद थियो । भान्छाघरभित्र छिर्नासाथ साहुनीले मलाई सोधिन्– “सर, खानामा आज के लिनुहुन्छ ? अण्डा ?”
सधैँजसो अण्डा बनाइदिनु भन्ने मैले तुरुन्तै भनें– “कति अण्डा मात्रै खानु ? आज अण्डा बनाउने ल्याउनुस् ।” सो कुरा तीन पटकसम्म दोहोर्याएर भनेपछि मात्र बल्ल ती सोझी साहुनीले कुरो बुझिन् र बटुकामा कुखुराको मासु हाल्न थालिन् ।
त्यतिबेलै साहुजी आएर फेरि मलाई सोधे– “सर, के लिनुहुन्छ ?” मैले साहुनीलाई भनेकै कुरा दोहोर्याएँ– “कति अण्डा मात्रै खानु ? आज अण्डा बनाउने ल्याउनुस् ।” मैले सोचेको थिएँ– “साहुजी अलि बाठा छन् । उनले एकै पटकमा कुरा बुझ्छन् ।”
तर भइदियो उल्टो । उनले हतार हतार साहुनीलाई बटुकोमा हालिसकेको मासु भाँडामा खन्याउन लगाएर भने– “सरको लागि अण्डा बनाइदेऊ ।” मैले फेरि– “अण्डा होइन । अण्डा बनाउने चाहिँ दिनुस् न भनेको ।” भनेपछि बल्ल साहुजीले कुरो बुझे र साहुनीलाई भने– “सरले कुखुराको मासु भन्नुभएको रहेछ । अण्डा होइन । सरलाई मासु नै ल्याइदेऊ ।”
वञ्जीस ईरा ट्युबेलमा हात धोएर आइसकेको थियो । ऊ चप्पल बजार्दै आयो र अर्को कुनाको टेबलमा बस्यो । भान्छाघरमा काम गर्ने – झट्ट हेर्दा ह्यारी पोटरको बेलेट्रिक्स लेस्ट्रेन्जजस्तै देखिने – महिलाले वञ्जीस ईरालाई सोधिन्– “दाइ, खानामा के लिनुहुन्छ ? खसी कि कुखुरा ?”
वञ्जीस ईराले गम्भीर भएर भन्यो– “कति सधैँ खसी कि कुखुरा भन्छ्यौ ? बाघको मासु छ ? आज त्यो लेऊ ।” “अण्डा होइन । आज अण्डा बनाउने ल्याउनु न ।” भनेर साहुजी र साहुनीलाई बडो अलमलमा पारें भनेर गजक्क पल्टेर खाना खाँदै गरेको म वञ्जीस ईराको डिमान्ड सुनेर खिस्स मुस्कुराएँ ।
अब गजक्क पल्टिने पालो वञ्जीस ईराको थियो । वञ्जीस ईराले खाना खाइसकुन्जेलसम्म पनि तर बेलेट्रिक्स लेस्ट्रेन्जले कुनै जादु गरेर बाघको मासु ल्याउन सकिन । अब खिस्स पर्ने पालो वञ्जीस ईराको थियो । खासमा बेलेट्रिक्स लेस्ट्रेन्जलाई कुनै पनि प्रकारको जादुसँग मतलब थिएन । वञ्जीस ईरा र उसको डिमान्डभन्दा पनि बढ्तै शानका साथ ऊ अन्य ग्राहकहरूलाई भोक सर्भ गर्नमा व्यस्त थिई ।
विराटनगर महानगरद्वारा ‘विराटनगर प्रज्ञा प्रतिष्ठान’ गठन , अध्यक्षमा विवश पोखरेल
![वीपीको स्मृतिमा भएको कविता प्रतियोगितामा खोटाङका नवराज प्रथम](https://snowberry.prixacdn.net/media/gallery_folder/BP%2520koirala%2520(1)_t3jTdEaLf5_m0cvg2oyyitslislmizk7alp0afw9ehha4rfvknlvh2fgtflxhafnumgnmhn_jJuXvbOeRC_amm2ts81tyhm2a8vjfnoian1fuhsbngrn0qbpzbh7oemkryinipvtyijzhlr.jpeg)
वीपीको स्मृतिमा भएको कविता प्रतियोगितामा खोटाङका नवराज प्रथम
![आज आदिकवि भानुभक्तको २११औं जन्मजयन्ती , इटहरी सहित देशभर विविध कार्यक्रम गरी मनाइँदै](https://snowberry.prixacdn.net/media/gallery_folder/Bhanu-Jayanti_6LX5aJJmUd_hsyeihwdssyfhbyhwskfkqcanh9lpoyey1eaufpamzzitezqomtceqnkfiqv_cPisU9E5Jd_aruugudandzwjusfxngnwd6oonjyoa6geulbqkfb0mswoppqgghnwprfmus5.jpg)
आज आदिकवि भानुभक्तको २११औं जन्मजयन्ती , इटहरी सहित देशभर विविध कार्यक्रम गरी …
रहेनन् गजलकार प्रकट पंगेनी
![पलेँटीमा गुञ्जिनेछन् कृष्णराजा](https://snowberry.prixacdn.net/media/gallery_folder/5_aw5eYsWptF_bkezivd4i6ln3zpjrnoaes5gnxrjximhkmwfaq8ib6hveqgnsh9azdg8n9tu_O1WA5dYoSr_ioqutyw6zieo4gxxiqmdguqosicohh1ywt16nsoldpoydnrb38symxdn2hdg.jpg)
पलेँटीमा गुञ्जिनेछन् कृष्णराजा
![रहेनन् अग्रज साहित्यकार दधिराज सुवेदी](https://snowberry.prixacdn.net/media/gallery_folder/dadhiraaj_CGBHJpnMJt_nge2hj2myeneud9yi6ibuovwhazft2ws57qazsfkfmimdb59jjni3m8g2khl_sJPibKAAaJ_sjaq1hsscqcz9mdh4rhfkpazekvdp5gwswgtbbr9cgngzo8nz7kkofetp4aj.jpg)
रहेनन् अग्रज साहित्यकार दधिराज सुवेदी
![प्रेम, सेक्स र भ्यालेन्टाइन दिवस](https://snowberry.prixacdn.net/media/gallery_folder/prem-sex-valentine-copy-1000x477_3mKRiqG58p_h2nkm4ohzcr3uj6hw9qtnbjmovkck0treypbzcfhtj6ktl6z0mhyguapeduz_YxEGxoO7Pq_wkgxnyfcizv2jtcejybxddvyrpickclxxmyrrknlw8exffwqh4lakofhqjnu.png)
प्रेम, सेक्स र भ्यालेन्टाइन दिवस
![प्रेम दिवस, युवायुवती र विकृति](https://snowberry.prixacdn.net/media/gallery_folder/niru%2520thapoa_bS1MmDDGNI_ukof9zbd4whgytomxiskqsahvhwtdd8orfneqwtjsrshx2nptg5zktvln02s_G9hDZF8BLb_3hv5kfqxmuwmtbbmivbuyfgricwejtmuwmprfa7ay2rowkrsgvnvkxe9tk4y.jpg)
प्रतिक्रिया