महिलालाई बिशेष प्राथमिकतामा राखेर सबै व्यावसयीको हकहितका लागि काम गर्ने छु : रञ्जु सिक्देल

असार १४ गते हुने उद्योग बाणिज्य संघ इटहरीको चुनावी सरगर्मी बढेको छ । सिग्मा सप्लार्यसकी संचालिका बिभिन्न सामाजिक संघ संस्थामा सक्रिय रञ्जु सिक्देलले सदस्य पदमा  शैलेस बिष्टको प्यानलबाट  उम्मेदवारी दिएकी छन् । अघिल्लो कार्यकालमा आफुले केहि सिक्ने माैका पाएकाे र त्यस कार्यकालकाे अनुभवका आधारमा धेरै अधुरा कार्यहरू पुरा गर्नका निम्ति उनले उम्मेदवारी दिएकाे बताइन् । महिलाहरुको हितमा धेरै काम गर्न बाकी रहेको भन्दै अब फेरी निर्वाचित हुन सके बिशेष उद्यमी महिलाहरुको व्यापार व्यवसाय बढाउन बिविध तालिम लगायतको योजनाहरु कार्यन्वयनमा ल्याउने बताइन् । यस्तै विविध सन्दर्भमा पूर्वेली न्यूजकालागि पवन सुवेदीले गरेको संक्षिप्त कुराकानी ।

चुनावको मिति नजिकै आएको छ, यसको तयारी कसरी गरीरहनु भएको छ ?

चुनाव प्रचार प्रसारका क्रममा घरदैलाे कार्यक्रमा अलि व्यस्त रहेकी छु, बिभिन्न व्यवसायीहरू संगकाे भेटघाटमा व्यस्तता अलि बढीनै रहेकाे छ । चुनावी दैरानकामा  अघिल्लो कार्यकालमा गरेका कामको व्यवसायीहरुलाई जानकारी दिदै र थप नयाँ एजेण्डामा प्रतिवधता जनाउदै सामान्य तरिकाले नै चुनावको तयारीमा जुटेकाे छु ।

तपाईले चुनाव जितेपछि व्यावसयीहरुलाई कस्ता काम गर्छु भनेर वाचा गर्नु भएको छ ?

हाम्रो टिमले ल्यायको १९ बुदे घोषणापत्र पुर्ण रुपमा कार्यानवन गर्ने छु । अघिल्लो कार्यकालमा आफुले केहि सिक्ने माैका पाएकाे र त्यस कार्यकालकाे अनुभवका आधारमा धेरै अधुरा कार्यहरू पुरा गर्न महिलालाई बिशेष प्राथमिकतामा राखेर सबै व्यावसयीको हकहितका लागि काम गर्ने वाचा गरेको छु ।

व्यावसयीहरूले तपाँइलाई नै मतदान गर्ने त्यस्ताे खास कारण ?

माथि भनेकाे जस्तै अधिल्लो कार्यकालमा काम गरेको राम्राे अनुभव छ । त्यही अनुभवकाे आधारमा नयाँ जोस जागर मिसाएर केही नयाँ गर्ने साेच राखेकी छु ।   त्यसैले  व्यवसायीहरूले मलाई मतदान गर्नुहुन्छ भन्नेमा विश्वस्त रहेकी छु ।

अन्त्यमा आम व्यावासयी मतदाताहरूलाई के भन्न चाहानुहुन्छ ?

यसअधिको कार्यकालमा केही कमजाेरी भए हाेलान्, केही राम्रा काम पनि गरेका छौँ , केही अझै गर्नु छ , नयाँ धेरै एजेन्डा हरू छन्, व्यवसायीहरूका निम्ति धेरै गर्नु छ। अन्त्यमा,  म लगायत सम्पुर्ण टिमलाई अत्याधिक बहुमतले बिजय गराउन आम व्यावासयीहरू सँग आग्रह गर्दछु ।