म व्यावसयीको हक, हितकालागि काम गर्न सक्छु भन्ने साहस र हिम्मतका साथ चुनावी मैदानमा आएकाे हुँ : जीवन पराजुली

नजिकिँदै गरेकाे इटहरी उद्योग वाणिज्य संघको चुनावमा भीमबहादुर पौडेलको प्यानलबाट वाणिज्यतर्फ सदस्यमा उमेद्धार जिवन पराजुलीले उम्मेदवारी दिएका छन् । इटहरी संगित चाेक स्थित होटल इन टुसरस्ट प्यालेसका संचालक  समेत रहेका पराजुली बिभिन्न संघ संस्थाहरूमा कार्यरत रहेका पराजुली  होटल व्यवशायी संघको अध्यक्ष समेत रहेका छन् । यही असार १४ मा हुने इटहरी उद्योग वाणिज्य संघकाे चुनावका बिषयमा पूर्वेली न्यूजका लागि पवन सुवेदीले गरेको संक्षिप्त कुराकानी ।

चुनावको तयारी कसरी गरिरहनु भएको छ ?

म एउटा व्यावसायी प्रतिनिधित्व गरेर चुनावमा जादैछु । व्यवसायीक हक हितका लागि काम गर्न र व्यावसयीका समस्या समाधान गर्न सक्छु भनेर मैले उमेद्धारी दिएको हो । चुनौती, अवसर र अनुभवको आधारमा म चुनाव लड्दै छु । म व्यावसयीको हक हितमा काम गर्न सक्छु भन्ने साहस र हिम्मतका साथ चुनावको तयारी गर्दै छु ।

तपाईले चुनाव जितेपछि व्यावसयीक बिकासका लागि कस्ता काम गर्नु हुन्छ ?

पहिलो काम म करको समस्या समाधान गर्छु। सरकाले लगाएको करको बिषयमा कतिपयले व्यावसायी थाहा नपाएको अवस्था छ । त्यो सम्बन्धी विज्ञ ल्याएर तालिम गराउने मेरो सोँच छ । उद्योग वाणिज्य संघको चुनाव जिते लगत्तै व्यवसायीका लागी बिशेष तालिमको व्यवस्था गराउँछु ।

व्यावसयीहरूले तपाँइलाई नै मतदान गर्नु पर्ने खास कारण ?

व्यावसयीक हकहित का लागि काम गरेको छु । बिभिन्न संघ संस्थामा लामाे समय रहेर काम गरेको अनुभब छ । मैले काम गर्न सक्छु भन्ने कुरामा व्यावसायीहरु आसावादी हुनुहुन्छ त्यसैले मलाई मतदान गर्नुहुन्छ भन्नेमा विश्वस्त रहेकाे छु ।

अन्य प्रतिस्पर्धी भन्दा तपाई के कुरामा अब्वल हुनुहुन्छ ?

म जुन काम गर्छु त्यसको रिजल्ट चाहान्छु । म आफै पनि एक व्यवसायी हुँ । त्यसले गर्दा जुन कुरा मलाई थाहा छ त्यो कुरा राम्राे संग कार्यानयन गर्न सक्छु । मैले जे काम गर्छु त्यसमा म आफ्नो स्वार्थ हर्दिन बिशुद्ध व्यावसयीक हितका लागि काम गर्छु । त्यसैले प्रतिस्पर्धी भन्दा म नै व्यावसयीका लागि उपयुक्त छु भन्ने लागेकाे छ ।

अन्त्यमा आम व्यावासयीलाई के भन्न चाहानुहुन्छ ?

तीन वर्षे अवधिमा हामी आम व्यवसायीहरुले महसुस गर्नै गरी काम गर्छाै। तपाईहरुले हामिलाई त्यो मौका दिनु हुन्छ भन्ने कुरामा बिश्वस्त रहेकाे छु । अन्त्यमा म अध्यक्ष पदका उम्मेदवार भीम बहादुर पाैडेल लगायत यस प्यानलाई अत्याधिक बहुमतले बिजय गराउन सबै व्यवसायीहरू सँग आग्रह गर्दछु ।