इटहरीका मेयर चौधरीले भने : चियाको कपमा तुफान आयो (भिडियो सहित)

ईटहरी । सुनसरीको ईटहरीका मेयर द्धारिकलाल चौधरीले पछिल्ला घटनाक्रमलाई चियाको कपमा तुफान आएको बताएका छन । पुर्वेली न्यूज सँग आईतबार आफनै कार्यकक्षका कुराकानी गर्दै मेयर चौधरीले यस्तो बताएका हुन । उनले धैर्यताको बाँध फुटेपछि यो अबस्था आएको बताए । करिब एक घण्टाको कुराकानीका क्रममा उनले गलत नियत भएका पत्रकारहरुका कारण सिंगो पत्रकारिता क्षेत्र बदनाम भएको समेत बताए । आफ्नो स्वार्थ पुरा नभएपछि पत्रकारहरु आफनो पछि परेको र बदनाम गर्न खोजेको उनले गुनासो समेत गरेका छन ।

ईटहरीमा भईरहेका तिब्र बिकासमा कुरा नदेख्ने तर आफुलाई खुईल्याउन हात धोएर लागेको भन्दै केही पत्रकारहरुको आलोचना गरे । टिम नै बनाएर केही नेताहरुको स्वार्थपुर्तिका लागी पत्रकार समेत प्रयोग गरेको उनले खुलासा गरे । उनले भिडियो कुराकानीका क्रममा भ्रष्ट नेता,कर्मचारी र पत्रकारहरुको नाम नै लिएर गलत नियतका साथ आफनो बिरोधमा लागेको बताए ।

जेठ मसान्त भित्रमा भ्रष्ट कर्मचारीले राजीनामा नदिए उनीहरुलाई जनकारबाही गरेर कालोमोसो दल्ने बताए । कस्तो जनकारबाही भन्ने बिषयमा उनले आफु यी यी मानिस भ्रष्टचारी हुन भनेर प्रमाणसहित भन्ने र उनीहरुलाई गाली,कुटपिट गनुभन्दा पनि जनता आफैले कालोमोसो दल्ने बताए । पछिल्लो घटनाक्रमका बिषयमा उनले आफुलाई गलत गरेजस्तो कहिँ कतै नलागेको बरु आफुलृ राम्रो काम गरेको जस्तो लागेको बताए ।

चौधरीले ईटहरीमा आफुहरुले गरिरहेको बिकास निर्माणदेखि समग्र ईटहरीको बिकास निर्माणका कार्यक्रमलाई ओझेल पार्ने गरी हुँदै नभएको कुरालाई बदनाम गर्ने नियत राखी आफुमाथि खनिएको भन्दै उनले रोष प्रकट गरे । आफु मेयर हुनुभन्दा अघि देखि नै ईटहरीमा बिभिन्न शिर्षकमा भ्रष्टचार हुने गरेको र सोही भ्रष्टचार रोक्ने कदम शुरु गरेपछि आफुमाथि खनिएको उनले बताए । भ्रष्टचारमा संलग्न कर्मचारीलाई आफुले भ्रष्टचारका बिषयमा सोधेको र उनले आफनो सबै पोल खुल्ने डरका कारण उनले भ्रष्टचारमा संलग्नलाई बोलाएर आफुलाई तर्साउन खोजेको आरोप लगाए ।

भ्रष्टचारमा संलग्न र केही गलत पत्रकारहरुको समेत मिलेमोतो रहेको भन्दै उनले त्यस्तालाई जसरी पनि जनताको सामु नंग्याएरै छोडने बताए । उनले गलत बिचार बोकेका मानिसहरु आफुलाई सक्न लागेको भन्दै उनले त्यस्तालाई नछोडने समेत बताए ।