गलत तवरले क्रसर उद्योग सञ्चालित : नगरप्रमुख राई

लेटाङ । उत्तरी मोरङको लेटाङ नगरपालिकामा आधा दर्जन बढी खोलाहरुले बर्षेनी ठुलो धनजनको क्षति गर्ने गरेको र त्यसको निराकरणका लागी बाँध लगायत बिभिन्न रोकथामका उपायहरु अपनाईएको नगरप्रमुख शंकर राईले बताएका छन ।

पूर्वेली न्यूजसँग कुराकानी गर्दै राईले चिसाङ लगायतका आधा दर्जन बढी खोलाहरुले बर्षायाममा हरेक बर्ष क्षति पुर्याउने गरेको र त्यसको रोकथामका लागी नगरपालिकाले जलउत्पन्न प्रकोप नियन्त्रण कार्यलय,प्रदेश सरकार लगायत केन्द्रिय योजनामा समेत रोकथामका लागी बिभिन्न पहल गर्न आग्रह गरेको प्रमुख राईले बताए । नगरका बिभिन्न क्षेत्रमा हात्ति लगायत जंगली जनावरको आतंक समेत उत्तिकै हुने गरेको छ । त्यसको रोकथामका लागी समेत हरेक वडाले नियन्त्रणका लागी बिभिन्न कार्यक्रमहरु अघि सारेको उनको दाबी छ ।

चिसाङ खोलामा निर्माणधिन पुल तिब्र गतिमा निर्माण भईरहेका कारण आसपासका स्थानीयलाई आवातजावतमा सहजता हुने उनको भनाई थियो । सोही क्षेत्रमा सञ्चालित क्रसरहरु नियम बिपरित रहेको र क्रसरका बिरुद्ध थुप्रै उजुरीहरु समेत परेका कारण क्रसर उद्योगलाई ब्यबस्थित गरिने समेत उनले बताएका छन ।

क्रसर उद्योगहरु गलत तबरबाट सञ्चालन भईरहेको आफुले पनि बुझेको र यसलाई नियन्त्रण गर्न र क्रसरबाट प्राप्त आम्दानी त्यहि क्षेत्रमा लगानी गर्न स्थानीयको माग अनुसार बहुमत स्थानीयले राय र सुझावका आधारमा आफु अघि बढने समेत उनले बताए । केही जनप्रतिनिधिहरु समेत आफै क्रसर उद्योगको सञ्चालक रहेको र स्थानीय खोलामा चरम दोहन गरिरहेको बेलाबेला स्थानीयले नै आरोप लगाउने गरेका छन ।

स्थानीय सडक कालोपत्रे लगायत बिकास निर्माणलाई तिब्रता दिएको नगरले खेलकुदको बिकासका लागी गोल्डकप आयोजना गर्ने,खेलाडीहरुलाई सम्मान गर्ने लगायतका कार्यक्रम अघि सारिएको समेत उनले बताए ।