सुनसरी टेक्निकल कलेज सबैभन्दा बढी बिषय पढाई हुने नेपालकै पहिलो कलेज हो : लेखी सुब्बा

धरान । सुनसरीको धरानमा सञ्चालित सुनसरी टेक्निकल कलेज एकैठाँउमा सबैभन्दा बढी टेक्निकल बिषय पढाई हुने नेपालकै पहिलो कलेजका रुपमा परिचित रहेको छ ।
बिभिन्न लेभलमा गरी २२ भन्दा बढी टेक्निकल बिषय पढाई हुने सो बिद्यालयले हजारौँ दक्ष जनशत्ति उत्पादन गरिसकेको छ । देश तथा बिदेशमा समेत सो कलेजबाट उत्पादन भएका जनशत्तिले आफनो क्षमता प्रर्दशन गरिरहेका छन ।

लामो समयको अध्यायन र अनुसन्धानपछि बि.स २०५२ सालमा धरानका लेखी सुब्बाले सो कलेज स्थापना गर्नुभएको हो । हरेक बर्ष नयाँ बिषय थप गर्दै अहिलेको अबस्था सम्म आउन उहाँले थुप्रै चुनौतिको सामना गर्नुपरेको छ । उहाँले कलेजलाई यो स्थान सम्म ल्याउनका लागी धेरैपटक फलामको च्यूरा चपाउनुपरेको छ । कलेजको स्थापना,बिगत,बर्तमान र आगामी योजनका बारेमा कलेजका अध्यक्ष लेखी सुब्बा सँग गरिएको भिडियो कुराकानी :