खोलाको बगरमा गोकुलम रिसोर्टको सपना बुन्दा सबैले पागल भन्थे : राधेश्याम पौडेल / भिडियाे कुराकानी

इटहरी / बुढी खोलाको किनारामा रहेको बगरको बालुवामा गोकुलम रिसोर्टको सपना देख्दा करिब ६ बर्षअघि राधेश्याम पौडेललाई पागलको संज्ञा दिनेहरु थुप्रै थिए । भत्तपुरबाट मोरङ आएर यहि हुर्किएका उनी सुन्दर गोकुलमको सपना देख्थे तर उनलाई स्थानीयहरु साथ दिनु त परै जाओस राधेश्याम बहुलायो भनेर नानाथरी कुरा काट्थे । आज त्यहि बगरमा उनले प्रदेश नम्बर १ कै पहिलो र सुन्दर रिसोर्ट सञ्चालन गरेर गतिलो जवाफ फर्काउन सफल भएका छन ।

उनकै कारण कारण केही समय अघिसम्म खोलाको बगरका रुपमा परिचित सो क्षेत्र बलिया क्षेत्रकै आकर्षक र महंगो बन्न पुगेको छ । सो क्षेत्रमा अहिले १ दर्जन बढी सुबिधासम्पन्न होटलहरु सञ्चालनमा आएका छन । गोकुलम रिसोर्टमा सञ्चालनमा आएका फन पार्कदेखि, धरहरा, ताजमहल, मन्दिर लगायत बालबालिकादेखि बृद्धसम्मलाई समेटने गरी निर्माण गरिएका संरचनाका कारण सो रिसोर्टका दैनिक १ हजार बढी आन्तरिक र बाह्य पर्यटक भित्रिने गरेका छन ।

काठमाण्डौ लगायतका साथीहरु आँउदा ईटहरी र आसपासका क्षेत्रमा एउटा पनि राम्रो होटल, रिसोर्ट नभएका कारण पाहुनालाई समेत भेडेटार र अन्यत्रका होटलहरुमा लगेर राख्नुपर्ने बाध्यता खेपेका उनलाई पटक पटक उनका साथी र शुभचिन्तकहरुले समेत रिसोर्ट सञ्चालन गर्ने सल्लाह दिए । सबैको सल्लाहमा उनले रिसोर्टको अबधारणा ल्याए । शुरुमा लगानी देखि भौतिक निर्माणमा निकै ठुुलो संघर्ष गर्नुपर्यो । अहिले सम्म करिब ५० प्रतिशत मात्र योजना अनुरुप काम भएको र १५ करोड भन्दा बढी लगानी भईसकेको उनी बताउँछन ।

पछिल्लो समय बिभिन्न क्षेत्रमा रिसोर्टको अबधारणा शुरु भएको छ । उनी सँग सल्लाह लिन आउनेको संख्या समेत बढ्न थालेको छ । मानिसहरुलाई रिसोर्ट भित्र छिरेपछि कुनै कुराको कमी महशुस नहोस भन्ने उद्धेश्यका साथ सम्पुर्ण सुबिधाहरु रिसोर्ट भित्रै निर्माण गर्ने तयारीमा छन ।

भिडियाे