पुर्वका ९ हजार बढी दर्शकले सर्जमिन हेर्नुहुन्छ

पछिल्लो समय पुर्बाञ्चलमा नाटक सर्जमिनको बिशेष चर्चा छ । लेट्स ईन्टरटेन्मेण्टको प्रस्तुति सो नाटक पुर्बका ६ वटा शहरहरुमा प्रर्दशन हुँदैछ । प्रबिण खतिवडाको निर्देशनमा तयार भएकको नाटक यहि पुष २५ गतेदेखि माघ ८ गतेसम्म प्रर्दशन हुँदैछ । नाटक प्रर्दशन र कार्यशालामा नायक दयाहाङ राई,बुद्धि तामाङ लगायतका कलाकारहरुको पुर्ब आउने क्रम समेत शुरु भएको छ । सोही नाटक र कार्यशालाका बिषयमा ब्यबस्थापक बिकास बढाथोकी सँग गरिएको कुराकानीका अंशहरु :

सर्जमिन के हो ?

यो हाम्रो समाजको बास्तविक यथार्थ हो । यस्लाई नाटक मार्फत दर्शकहरुलाई बुझाउने कोशिष गरिएको छ । गरिबि र अभावको पिडामा मानिस कति सम्म दासी बन्न बाध्य हुन्छ भन्ने कुराको यथार्थ चित्रण हो ।

पुर्वमै किन नाटक र कार्यशाला ?

हामीले यसअघि पनि पहिलो पुर्बाञ्चल नाटययात्रा गरिसकेका छौँ । त्यसमा पुर्बका दर्शकहरुले देखाएको माया र सदभावका कारण हामीले पुर्बमै नाटक प्रर्दशन गर्ने सोच बनायौँ । साथै हामी पनि पुर्वकै भएका कारण पनि पुर्व हाम्रा लागी बिशेष बनेको छ । अर्को कुरा नाटकमा रुचि राख्नेहरु धेरै छन पुर्वमा,उनीहरुको मागलाई मध्यनजर गरी हामीले कार्यशाला राखेका हौँ ।

कहाँकहाँ प्रर्दशन हुन्छ नाटक ?

हाम्रो नाटक ईटहरीमा २५ गते,लेटाङमा २६ गते,बेलबारीमा २७,२८ र २९ गते धुलाबारीमा ३० र माघ १ गते चुलाचुलीमा २ गते झोराहाटमा ३ र ४ गते रमाईलोमा ५ गते बिराटनगरमा ६,७ र ८ गते हुँदैछ ।

किन नाटक सर्जमिन हेर्नुपर्छ ?

नाटक सर्जमिन समाजको बास्तविक यथार्थ चित्रण गरिएको नाटक हो । यो समाजको बास्तविकता थाहा पाऊन र राष्ट्रिय रुपमै ख्याती कमाएका कलाकारहरुको बजोड अभिनय हेर्न पनि यो नाटक हेर्नैपर्छ ।

प्रर्दशनको तयारी कस्तो छ ?

सम्पुर्ण तयारी पुरा भईसकेको छ । कलाकारहरु पनि पुर्ब आउने क्रम जारी छ । हामी टिकट बिक्री गरिरहेका छौँ । उल्लेख्य रुपमा टिकट बिक्री समेत भईरहेको छ ।

कति दर्शकले नाटक अवलोकन गर्लान ?

यो नाटक ९ हजार बढी दर्शकहरुले अबलोकन गर्ने हामीले अनुमान गरेका छौँ । बेलबारी बिराटनगर जस्ता ठाँउहरुमा दैनिक २ देखि ३ शो सम्म सञ्चालन गर्ने अबस्था आईरहेको छ । तसर्थ यो दर्शक संख्या अझै बढने अनुमान छ ।