मोबाइलमा कार्टुन हेर्दा हेर्दै पाँच वर्षीय बालिकाको हृदयघातबाट मृत्यु !
![](https://snowberry.prixacdn.net/media/gallery_folder/balika_sE8nGuIsAM_vwdvss9mnw11jwhav7x22vsvbkhytynviopeagduxg2dqqn4errdogaos7pc_eNoVv0gBzf_qf4obfzs0euedsocqrbjc7djms79asqguwxo6dumqhjt7bo4v489c5vxtvgh.jpg)
एजेन्सी । भारतको उत्तरप्रदेश राज्यको अमरोहामा मोबाइल हेर्दाहेर्दै पाँच वर्षीय एक बालिकाको मृत्यु भएको छ । हसनपुर क्षेत्रको हथियाखेडा गाउँ निवासी ती बालिका मोबाइलमा कार्टुन हेरिरहेकी थिइन् । मोबाइल अचानक हातबाट खसेर बालिका ढलेपछि परिवारजनले उनलाई गाउँकै एक चिकित्सककहाँ लगेका थिए ।
चिकित्सकले ती बालिकालाई मृत घोषित गरे । शनिबार बिहान ती बालिकाको अन्तिम संस्कार गरिएको भारतीय सञ्चारमाध्यमले जनाएका छन् । मृतक बालिकाकी आमालाई उद्धृत गर्दै भारतीय सञ्चारमाध्यमले जनाए अनुसार ३० जनवरीमा ती बालिकाको पाँचौँ जन्मोत्सव मनाइएको थियो ।
बालिकाकी आमाका अनुसार उनकी छोरीलाई कुनै प्रकारको शारीरिक समस्या देखिएको थिएन । यद्यपि, पोस्टमार्टम नगरिएका कारण बालिकाको मृत्युको ठोस कारण यही नै हो भनेर किटान गर्न कठिन हुने मुख्य चिकित्सा अधिक्षक डा. सत्यपाल सिंहले जनाएका छन् । परिवारजनले सुनाएको विवरण अनुसार हृदयघातकै कारण मृत्यु भएको हुन सक्ने उनको भनाइ छ ।
प्रतिक्रिया