नङको रङ कस्तो छ? थाहा हुन्छ धेरै स्वास्थ्य समस्या
![](https://snowberry.prixacdn.net/media/gallery_folder/naang_xfN77YZODt_hszuruc8nwp1iqu4uxiz08pd3zhrbcc8sdccwtye9f1dxzgpstyexjrc3et1.jpg)
नङको हेरचाह स्वास्थ्यको लागि महत्त्वपूर्ण छ। नङले समय अगावै धेरै स्वास्थ्य समस्याहरूको सङ्केत दिन्छ। तसर्थ, नङको रङ र यसमा भएका परिवर्तनहरूमा ध्यान दिन जरुरी छ। नङमा आउने दागहरू तपाईँको शरीरमा हुनसक्ने रोगको सङ्केत समेत हुन सक्छ।
राम्रो कुरा यो हो कि नङमा हुने कुनै पनि परिवर्तनले सधैँ भने गम्भीर स्वास्थ्य समस्यालाई सङ्केत गर्दैन। कहिलेकाहीँ यो यसै पनि हुने गर्छ। छाला रोग विशेषज्ञ भलेरिया जेनेला फ्रान्जेन भन्छिन्, ‘खुट्टाको नङको राम्रो हेरचाह हुँदैन र कहिलेकाहीँ धेरै समस्याहरू निम्त्याउँछ। उदाहरणका लागि, तिनीहरू पहेँलो र मोटो हुन्छन्।’ नङको रङ र त्यसले संकेत गर्न सक्ने सम्भावित रोगहरूको बारेमा चर्चा गर्नेछौँ:
सेतो नङ
यदि कसैलाई आफ्नो नङमा असामान्य परिवर्तन भएको महसुस हुन्छ भने, सबैभन्दा पहिले उसले यसको रङ हेर्नु पर्छ। यदि नङको रङ सेतो जस्तो देखिन्छ भने, यो माइकोसिस, सोरायसिस, निमोनिया र हृदय रोगको सङ्केत हुन सक्छ। पोषक तत्त्वको कमी, प्रोटिनयुक्त खानाको कमीले पनि यस्तो हुन सक्छ।
छाला रोग विशेषज्ञ जुलियाना पिकेट भन्छिन्, ‘नङको रङ्ग रङ्गिन हुनु रक्तअल्पताको लक्षण हुन सक्छ। शरीरमा आइरनको कमीले नङ चम्चाको आकारको र खोक्रो जस्तो देखिन सक्छ।’ ल्युकोनिचिया पनि हुन सक्छ। जसमा नङमा सेतो दाग देखिन्छ। तर यसले कुनै शरीरमा कुनै हानि गर्दैन।
यी अवस्थाहरूको उपचार गर्न, डाक्टरहरूले सामान्यतया बिरामीहरूबाट समस्याको वास्तविक कारण पत्ता लगाउन प्रयास गर्छन्। यदि तपाईँको नङको रङ सेतो देखिन थालेको छ भने छाला विशेषज्ञकहाँ जानुहोस्। र, डाक्टरले भने अनुसार टेस्ट गराउनु पर्छ।
पहेँलो नङ
नङ पहेँलो हुनुमा जेनेटिक कारण वा बुढ्यौली हुन सक्छ। यस्तो अवस्थामा नङ मोटाउन थाल्छ र पहेँलोपन पनि बढ्न थाल्छ। यो फंगल सङ्क्रमणको कारणले पनि हुन सक्छ। साथै,यसले केही गम्भीरसराइअसिस, एचआइभी र मिर्गौला रोगलाई सङ्केत गर्छ। बढी धूम्रपान गर्ने व्यक्तिको चुरोटको प्रत्यक्ष सम्पर्कले नङको रङ पनि पहेँलो देखिन थाल्छ। यस्तो अवस्थामा यो पहेँलोपन औँला र औँलामा बढी महसुस हुन्छ।
नङहरूमा सेतो दागहरू
छाला विशेषज्ञ डाक्टरहरूले यसलाई ‘पिटिङ्ग’ पनि भन्ने गरेका छन्। यो अवस्थामा हरेक नङहरूमा एउटा एउटा साना दागहरू जस्तै देखिन्छन्। यो एटोपिक डर्मेटाइटिस (एक प्रकारको एक्जिमा), सोरायसिस वा अन्य कुनै छाला वा कपालको समस्यासँग सम्बन्धित हुन सक्छ। फेडरल युनिभर्सिटी अफ सो पाउलोकी छाला विशेषज्ञ जुलियाना टोमा भन्छिन्, ‘यदि नङमा सेतो भाग देखिन्छ भने, यो एलोपेसिया एरियाटा (अचानक कपाल झर्ने) सँग सम्बन्धित हुन सक्छ। उपचार गर्नुपर्छ।’ कुनै कुनै केसहरूमा, यो सिफिलिस भनिने यौन सम्बन्धी रोगको सङ्केत पनि हुन सक्छ।
नीलो नङ
नीलो नङ धेरै मानिसहरूमा देखिन्छ। यो केही औषधिहरूको प्रयोगको कारणले हुन सक्छ। डन्डीफोर वा मलेरियाको औषधि प्रयोग गर्ने मानिसहरूको नङमा यो समस्या देखिन्छ। नङको रङ निलो भएमा डाक्टरलाई देखाउनु पर्छ।
नङमा बारम्बार हुने फंगल सङ्क्रमण
यो समस्या माइकोसिस फङ्गल सङ्क्रमणको कारणले हुन्छ। यदि यसलाई राम्रोसँग ख्याल गरिएन भने, यो बारम्बार पुनः उत्पन्न हुन सक्छ। यो समस्या प्राय खुट्टाको नङमा हुने गर्छ। यसको उपचार एक पटक सुरु गरेपछि ६ महिनासम्म निरन्तरता दिनुपर्ने चिकित्सकहरू बताउँछन्। हातमा यस्तो भयो भने तीनदेखि चार महिनासम्म उपचार गर्नुपर्छ। बिरामीले समयमै औषधि खानुपर्छ र चिकित्सकले भनेपछि मात्रै आवश्यक सावधानी अपनाउन बन्द गर्नुपर्छ। यसका साथै टाइट र तातो जुत्ताको प्रयोग, स्विमिङ पुल र सङ्क्रमण हुन सक्ने ठाउँहरूमा जानबाट जोगिनु पर्छ।
नङहरूमा रेखाहरू
यसलाई ‘बाइज लाइनहरू’ पनि भनिन्छ। तिनीहरू नङमा तेर्सो रेखाहरूको रूपमा देखा पर्दछन्।यो सामान्यतया उच्च ज्वरो वा केमोथेरापीको उपचार पछि देखिन्छ।जब यी रेखाहरू गाढा रङमा देखिन्छन् र एक औँलामा मात्र देखिन्छन्, यो मेलानोमाको सङ्केत हुन सक्छ।मेलानोमा छालाको क्यान्सरको एक प्रकार हो।
नङको कोमलता
विज्ञहरूका अनुसार कुनै पनि रासायनिक पदार्थको सम्पर्कमा आएमा नङ भाँचिने, झर्ने वा हदसम्म सुख्खा हुने हुन्छ।यस्तो भएमा चिकित्सकको सल्लाहमा शरीरको त्यो भागमा क्रिम इत्यादिको माध्यमबाट नरम कायम राख्नुपर्छ।
खानामा प्रोटिन, बायोटिन (बि ७) र अन्य बिभिटामिनको कमी जस्ता अन्य कारणले पनि नङ कमजोर हुन सक्छ।शाकाहारीहरूले भिटामिन बी १२ र अन्य पोषक तत्त्वहरूको पर्याप्त मात्रामा सेवन गरेमा नङ भाँचिनबाट जोगिन सक्छन्। (बीबीसीबाट)
![लौकाको जुस: यी रोगहरूका लागि वरदान](https://snowberry.prixacdn.net/media/gallery_folder/lauki%2520ko%2520juice_Y8rw96IodM_vkasfpfyzdzyawocbnzpjh1xqr1b2taugoyemv9pir9iqosvvzesbnli6opj_9LrzW1lxe5_tfqwut5avcrsud0avrigvx1rpaxmrjt7bodfpo19cuh2vtsuy6sstt4etsoy.jpg)
लौकाको जुस: यी रोगहरूका लागि वरदान
![शाहरुखलाई मोतियाबिन्दुको समस्या, उपचारका लागि अमेरिका जाँदै](https://snowberry.prixacdn.net/media/gallery_folder/Saharukh-khan_XbIKYdGVsG_imaa9vtvps7w1khb3q6s3lffzbu0obundgqgxtksro7ox1fwzl9sguzb9lqn_2eMsmFUaVF_yytbiyq4oxckpl0rffhvryxlmw0xdw4hql63jlhluujdhcwhkrxq1miorrww.jpg)
शाहरुखलाई मोतियाबिन्दुको समस्या, उपचारका लागि अमेरिका जाँदै
![अस्वस्थ्यकर म:मको अचार दिने कलंकीको वर्गर हाउसलाई २ लाख जरिवाना](https://snowberry.prixacdn.net/media/gallery_folder/KMC.jpg-25_5NZgfdqlaL_rxrkxgpr3ksmn8qz9suxmedarbub0edt3f2hzlzjsmnjynlgrk4rsedluqcl_KxrA1HBSLB_srllrridtd9r0eygia6ykmt4sjdbyc5u3tyqcyhnm4nse1vo8vvjc3ktwc8k.jpg)
अस्वस्थ्यकर म:मको अचार दिने कलंकीको वर्गर हाउसलाई २ लाख जरिवाना
![जनसंख्या घटेपछि जापानको सरकारले शुरु गर्यो डेटिङ एप](https://snowberry.prixacdn.net/media/gallery_folder/Dating-App.jpg_srUVFe6KIm_b6dnpsncotvaxkyetoywxe6nhld5zr4srlgp8w6flhedhztteflsqutgycjq_99W4Vy8dzo_s6wqlyvjqjklutduymcumdckk7gqyn0lg2svwhy2w9wxcserrenougrqgywq.jpg)
जनसंख्या घटेपछि जापानको सरकारले शुरु गर्यो डेटिङ एप
![विश्वकै सबैभन्दा वृद्ध व्यक्तिको निधन](https://snowberry.prixacdn.net/media/gallery_folder/Old.jpg_dYegGKxQFb_2wywsjjeuglkj1ht3t7njkyygxs6er3cnxs60ashhey0v6rznagk1aolarvp_sdjKqBvBkS_hicd01ijzba7pmupo1kqboqignnw9jtzezrihvtmeprzu0axeta5ds2ul9av.jpg)
विश्वकै सबैभन्दा वृद्ध व्यक्तिको निधन
![माघे सङ्क्रान्ति: तरुल र चाकु खानुको फाइदा यस्तो छ](https://snowberry.prixacdn.net/media/gallery_folder/20210114_090328_JzkcGLVHV7_5gnltxvmfpydbyhhcddirnfjp6vombn13gr8y0e7nzab7quaoxmz2b3uyjfo_zfSXJzN0zR_2dvm0h96f9yvp3rcprjdabingg8wg7etbwh2jng0of9eyeiq4iosbeylwknw.jpg)
माघे सङ्क्रान्ति: तरुल र चाकु खानुको फाइदा यस्तो छ
![नियमित लसुन प्रयोग गर्नुपर्ने १५ कारण](https://snowberry.prixacdn.net/media/gallery_folder/Garlic_y6d7O2ml4W_xnoglkcn4xlkthtqluidc6gip1am9glxbbtqtva3iwj50bxnzyprix0fwviw_JuLCCDPfm4_01tzmxnegcry1tliagazri9xbzyaoydqzsdmsmt29q0rmamabt8hu4oaa1co.jpg)
नियमित लसुन प्रयोग गर्नुपर्ने १५ कारण
![सुन्दर बन्न चाहनुहुन्छ,यी काम गर्नुस](https://snowberry.prixacdn.net/media/gallery_folder/beautiful-face_9eb2tCAYfo_zcpt8frqbf9apddzod8dflcu6bxpdhdxb6fu5q6qg7mftshslys1ojcrxj1b_T3JHJKVh2e_dbr44nch8mbe1yh1p60abqimveochmr3qnrx7nyhemzwggz1g1iybbcvb35g.jpg)
प्रतिक्रिया