मोरङको पथरीमा दुर्घटना, दुई जनाको मृत्यु

मोरङ  /  मोरङको पथरीशनिश्चरेमा भएको सडक दुर्घटनामा परी पथरीशनिश्चरे -७ का १८ वर्षिय निश्चल आङ्देम्बे र पथरीशनिश्चरे-२ का ४२ बर्षिया प्रितम गौतमको मृत्यु भएको छ। निर्माणधीन पूर्व पश्चिम महेन्द्र राजमार्गअन्तर्गत पथरीशनिश्चरे –२ सुनझोडा पुलमा दिउँसो २ः३० बजेतिर पूर्वबाट पश्चिम दिशातर्फ आउँदै गरेको बा. प्रदेश ०३–००१ ख २९२८ नम्बरको टिपरले पश्चिमबाट पूर्वतर्फ जाँदै गरेको को २० प ६०७ नम्बरको मोटरसाइकललाई ठक्कर दिएको थियो ।

घट्ना पछि गम्भिर घाईते भएका दुवै जनाको उपचारकै क्रममा उर्लाबारी स्थित मंगलबारेको मदन भण्डारी ट्रमा सेन्टरमा दिउसो करिव ३ः२० बजे मृत्यु भएको थियो ।