हैदरावादको अन्नपूर्ण स्टुडियोमा बिहे गर्दैछन् नागा चैतन्य र शोभिता धुलिपला

नयाँ दिल्ली । दक्षिण भारतीय अभिनेता नागा चैतन्य र अभिनेत्री शोभिता धुलिपला छिट्टै विवाह बन्धनमा बाँधिदैछन् । 

बिहेका लागि यो जोडीले नागा चैतन्यको घर नजिकै रहेको ठाउँ रोजेका छन् । त्यो ठाउँ हैदराबादको अन्नपूर्ण स्टुडियो हो । जोडीले यो ठाउँ रोज्नुको कारण पनि बताएका छन् । 

इन्डिया टुडेमा छापिएको खबरका अनुसार उनीहरूले यही ठाउँमा विवाह गर्नुको कारण बताएका छन् । शोभिता र नागा चैतन्यले पारिवारिक सम्पदाको सम्मान गर्न यो ठाउँ रोजेका भनेका छन् । यो स्टुडियो अभिनेताका हजुरबुवाले सुरु गरेका थिए । 

अभिनेता अक्किनेनी नागेश्वर रावले यो स्टुडियो सुरु गरेका थिए र उनी आफ्नो परिवारको कार्यक्रम यहाँ आयोजना गर्न चाहन्थे । यो ठाउँ नागा चैतन्यको मुटुको एकदमै नजिक छ, उनी आफ्नो हजुरबुवाले बनाएको यो ठाउँमा विवाह गरेर यो दिनलाई अझ विशेष बनाउन चाहन्छन् ।

यो दिन हुनेछ बिहे 

नागा चैतन्य र शोभिता धुलिपाला डिसेम्बर ४ मा हैदरावादमा विवाह बन्धनमा बाँधिदैछन् । शोभिताले विवाहअघिको एउटा समारोहको तस्बिर पनि सामाजिक सञ्जालमा सेयर गरेकी थिइन्, जसमा शोभिता धुलिपलाले आफ्नो विवाह समारोह ‘पसुप्पु दञ्चदम’मा हरियो बोर्डर भएको सुन्तला रंगको साडी लगाएकी थिइन् । अर्को तस्बिरमा उनी बेसार कुटिरहेको देखिएकी छिन् । अर्को फोटोमा उनी हातमा कमल समातेर बसिरहेकी देखिएकी छिन् । परिवार र साथीभाइसँग बिहेका समारोहमा रमाइरहेको तस्बिर पनि बाहिर आएका छन् । यो समारोहसँगै विवाहको तयारी पनि सुरु भएको छ ।