बेलबारीकी १३ बर्षिया सुस्मिनाको दुर्घटनामा परी मृत्यु

बेलबारी । शनिबार दिउसो माेरङकाे मिक्लाजुङ गाउपालिका वडा नम्बर १ झण्डे डाडाको घुमाउरोमा बा २७ प १८३५ नम्बरको मोटरसाईकल अनियन्त्रीत भई दुर्घटना हुदा बेलबारी नगरपालिका वडा नम्बर १ का ३७ वर्षिय सुनिल कुमार धिमाल, उनकी ३५ वर्षीया श्रीमती चन्द्रमाया धिमाल र १३ वर्षिय छोरी सुस्मिना धिमाल घाईते भएकोमा उपचारकाे क्रममा सुस्मिनाको ज्यान गयेको छ ।

प्रहरीकाअनुसार सुस्मिनाको दाहिने हातको कोखमा गम्भिर चोट लागेकोले उनको उपचारको क्रममा दिउसो ३.४५ बजे निधन भएको हो । यता सुस्मिनाको बुबाआमा दुवैको अरनिको अस्पतालमा उपचार भैरहेको प्रहरीले जनाएको छ । उनीहरु दुवैको अवस्था मध्यम रहेको प्रहरिले जनाएको छ । मोटरसाईकल अनियन्त्रीत भई बाटोभन्दा अन्दाजी ७० मिटर तल झरेको इलाका प्रहरी कार्यालय उर्लाबारीका प्रमुख प्रहरी निरिक्षक देवेन्द्र दासले बताए ।