मनाङबाट ३२ किलो यार्सागुम्बा निकासी
![](https://snowberry.prixacdn.net/media/gallery_folder/yarsha_UB7go46cQT_i3ij1jargtjnxuoeagvl0tmqugfol81x349jirbsccalfvcieeluekkypc8x_36tWaVlHyi_liqcedqbkhka5qtknb1fuj54s1iamtg3rdbgntw8b4nxxynuuv6zmwojnrhi.jpg)
मनाङ । मनाङको तल्लो क्षेत्रमा यार्सागुम्बा सङ्कलन कार्य सम्पन्न भएको छ । उक्त क्षेत्रबाट ३२ किलो पाँच सय ग्राम यार्सागुम्बा निकासी भएको छ ।
अन्नपूर्ण संरक्षण क्षेत्र आयोजना (एक्याप) इकाई मनाङका प्रमुख ढकबहादुर भुजेलले असार मसान्तसम्ममा सो परिमाणको यार्सागुम्बा सङ्कलन तथा निकासी भएको जानकारी दिए । उक्त परिमाणको यार्सागुम्बा निकासीबाट रु १६ लाख ५७ हजार पाँच सय राजस्व सङ्कलन भएको उनले बताए । यार्सा निकासीका लागि प्रतिकिलो रु ५१ हजार दस्तुर लिने गरिएको छ । निकासी गरिएको दस्तुर रु ५१ हजारमध्येबाट रु १० हजार संरक्षण क्षेत्र व्यवस्थापन समिति तथा रु १० हजार स्थानीय तहलाई उपलब्ध गराइन्छ ।
मनाङमा यार्सागुम्बा सङ्कलन नाम्के खर्कबाट सुरु गरिएको थियो । यहाँका धेरै खर्कमा यार्सागुम्बा पाउने भए पनि नासों गाउँपालिका–८ ताचैस्थित नाम्केबाट सङ्कलन गरिन्छ । गत वैशाख १० गतेदेखि नाम्के खर्कबाट करिब दुई सय जनाले यार्सागुम्बा सङ्कलनको अनुमति लिएका थिए । अनुमतिपत्र बिना औषधीय जडीबुटी सङ्कलन गर्न पाइँदैन । जसले गर्दा अनुमति लिएपछि मात्रै खर्कतर्फ जान दिइने गरिन्छ ।
प्रमुख भुजेलका अनुसार मनाङमा नाम्के खर्क यार्सागुम्बा सङ्कलन गर्ने पहिलो गन्तव्य हो । खर्कबाट यार्सागुम्बा सङ्कलन गर्न अनुमति दिने निर्णयबमोजिम सङ्कलकलाई अनुमति दिइएको संरक्षण क्षेत्र व्यवस्थापन समितिका संयोजक एवं नासों–८ का वडाध्यक्ष याद घलेले जानकारी दिए ।
उनले भने, ‘अन्नपूर्ण संरक्षण क्षेत्र आयोजना (एक्याप) इलाका कार्यालय मनाङको संयोजकत्वमा संरक्षण क्षेत्र व्यवस्थापन समितिले यार्सागुम्बा सङ्कलनका लागि अनुमति दिएपछि मात्रै खर्क जान पाउने प्रावधान छ । सोहीअनुरुप यार्सागुम्बा सङ्कलनका निम्ति नाम्के खर्कमा स्थानीयका साथै बाहिरी जिल्लाबाट आएका व्यक्तिलाई सङ्कलन अनुमति दिइन्छ ।’
मनाङमा वैशाखदेखि असार मसान्तसम्म यार्सागुम्बा सङ्कलन गरिन्छ । यार्सागुम्बा खोज्ने क्रममा २०६६ सालमा नारस्थित नाम्ग्य खर्कमा गोरखाका सात जनाको स्थानीयले हत्या गरेका थिए । त्यसपछि सुरक्षा चुनौतीका कारण मनाङको साविकको ‘नार’ र ‘फु’ गाविमा यार्सागुम्बा सङ्कलन कार्य रोकिएको थियो । नार्पाभूमि गाउँपालिकाका अध्यक्ष कोन्जो तेन्जिङ लामाले यार्सागुम्बा सङ्कलन गर्न अन्य जिल्लाका सङ्कलकलाई अनुमति नदिइएको बताए ।
उनले भने, ‘सुरक्षाको चुनौतीकै कारण बाह्य जिल्लाबाट आउने यार्सागुम्बा सङ्कलकलाई रोक लगाएका छौँ । विगतका जस्ता घटना दोहोरिनु हुँदैन भनेर स्थानीयलाई मात्र सङ्कलनको अनुमति दिँदै आएका छौँ ।’ यार्सागुम्बा सङ्कलनका लागि अनुमति लिन प्रतिव्यक्ति रु ३५ हजार शुल्क तोकिएको छ । उनले पहिले जस्तै नार र फु मा अन्य जिल्लाबाट आउने सङ्कलकलाई यार्सागुम्बा सङ्कलनमा रोक लगाइएको बताए ।
नार्पाभूमिको नार र फु संरक्षित र निषेधित दुवै क्षेत्र भएकाले सुरक्षाका हिसाबले पनि विगतको जस्तो अवस्था सिर्जना नहोस् भनी निर्णय गरिएको हो । अन्नपूर्ण संरक्षण क्षेत्र आयोजना (एक्याप) इलाका कार्यालय मनाङले यार्सागुम्बा सङ्कलनका लागि स्वीकृति दिएपछि मात्रै सङ्कलन गर्न खर्क पस्न पाउँछन् । मनाङसँगै लमजुङ, गोरखा र धादिङका स्थानीय यार्सागुम्बा सङ्कलन गर्न मनाङका लेक पुग्छन् । नार घटनापछि एक्याप मनाङले यार्सागुम्बा सङ्कलनलाई व्यवस्थित बनाउँदै लगेको छ ।
जिल्ला समन्वय प्रमुख, पालिकाका अध्यक्ष, सुरक्षा निकायका प्रमुख र संरक्षण समितिका पदाधिकारीसहितको बैठकपछि मात्रै यार्सागुम्बा सङ्लकनका लागि खुलाउने प्रावधान छ । संयुक्त बैठकले निर्णय गरेबमोजिम पुर्जी काटेर सङ्कलन अनुमति दिइन्छ । पुर्जी काटिसकेपछि मात्रै स्थानीय तथा बाह्य जिल्लाबाट आउने सङ्कलकलाई खर्क जान अनुमति दिइने संरक्षण व्यवस्थापन समितिले जनाएको छ ।
चार वटा स्थानीय तह रहेको मनाङमा धारापानी र थोँचेबाहेक सबै लेकमा यार्सागुम्बा पाइन्छ । मनाङमा यार्सागुम्बा पाइने क्षेत्रमा सङ्कलन गर्न जाने सङ्कलकले १० यार्सागुम्बा टिपेपछि एउटा सोही स्थानमा छाड्नुपर्ने प्रावधान छ । मनाङको नाम्ग्य खर्क, किन्चो लेक, याक खर्क, पिसाङ लेक, फु लेकलगायतका खर्कमा यार्सागुम्बा बढी पाइने स्थान हुन् । यार्सागुम्बा सङ्कलन कार्य नाम्ग्य खर्कबाट सुरु भई नार, फु र माथिल्लो मनाङको खाङ्सार खर्कमा सकिन्छ ।
![एकीकृत समाजवादीका अध्यक्ष माधवकुमार नेपाल नेपाल स्वदेश फिर्ता](https://snowberry.prixacdn.net/media/gallery_folder/madhav-rusa-1725692720.jpg_FaAwx6KdW6_cw033bhxru6vuarwnxcoems68hogq83wy5qluu7dn5sqp3htgi6it5dvh3cj_G1KMIiyAq0_soupwmdj1kr6vwfq8qpbvqxh9ktdfty431pcrfazicmiy4iebksvfolhpq4b.jpg)
एकीकृत समाजवादीका अध्यक्ष माधवकुमार नेपाल नेपाल स्वदेश फिर्ता
![नेवारी सभ्यता समाजवादसँग मिल्दोजुल्दो छ- प्रचण्ड](https://snowberry.prixacdn.net/media/gallery_folder/WhatsApp-Imagpg_684TToIBaQ_mcbqvzbid9doheng0o7pic442w3jvhy556qltmr0uqgfefdiyxsuvwexzsnq_Nqx0yhzGEK_bgy3foup3vtuj1lwd3ulw6qr9b3jk1c7dzxqyamsiccwxza1mg8wdq2lpsiv.jpg)
नेवारी सभ्यता समाजवादसँग मिल्दोजुल्दो छ- प्रचण्ड
![जब मोबाइलमा आफ्नै अश्लील भिडियो आयो…](https://snowberry.prixacdn.net/media/gallery_folder/mobile-phone_iwJrw4rHwh_ygqbcwydxwwwbupmgzmv3jvovmrjjwy63kisuatlsbh6pes5dh4g6sutpt0p_JOv4KSNJVL_mtyt0rglyuyjnkvedazkmpkgrxkvgmxqeyducl4qhp1lwitjzpjjytqp7wad.jpg)
जब मोबाइलमा आफ्नै अश्लील भिडियो आयो…
![पोलाइन्ड नामक लागुपदार्थ सहित एक जना पक्राउ](https://snowberry.prixacdn.net/media/gallery_folder/polind-laguausadh_Sh9NZuGG6R_wceni4veckjougm4dl33tp1x9tcnjwesmcp4eie929svicbaow09ug5inkab_Fql2hupODN_khovzlhpngus1a9hlahv2hfgbqhtmieymaph4dazqrfquftxeelsmbqdpnso.jpg)
पोलाइन्ड नामक लागुपदार्थ सहित एक जना पक्राउ
![फेसबुकले माग्यो माफी, फर्कायो बालेनको पोस्ट](https://snowberry.prixacdn.net/media/gallery_folder/Balen-sta_M7PkZoJxkr_w2qwqctymflxt54h5ua8typdjlziyiqzsih1v8qejor40qcqruseieqqrdhy_kHelRsa9xG_yoizbdc3499g2of9jd6chjj1nbhkb3zfbiivmm4unrka02f4lvse9egjvwk8.jpg)
फेसबुकले माग्यो माफी, फर्कायो बालेनको पोस्ट
![राजनीतिक परिवर्तनप्रति कर्मचारीहरुको योगदान प्रशंसायोग्य : प्रधानमन्त्री](https://snowberry.prixacdn.net/media/gallery_folder/kp%2520oli_wMGZq3unrL_1zdnqgrtka8szgjkd9gpt9azlvyei8e5fgvbrkmup843a62wmhgdmyzlfu7o_e6tDPHCTCD_5b7ekzpuzukegko8bvlzjrfyjy5tdurehexyyytic8zepvwpoaishtscbfte.jpg)
राजनीतिक परिवर्तनप्रति कर्मचारीहरुको योगदान प्रशंसायोग्य : प्रधानमन्त्री
मुस्ताङमा वन्यजन्तुसँगै रमाउँछन् पर्यटक
![ससुराली हिंडेका युवकलाई खोलाले बगाउँदा बेपत्ता](https://snowberry.prixacdn.net/media/gallery_folder/khol_l5C8gvn6r9_7qo3qbizlrstaglixv0if7uglnwmbkof7oojk9vbfwrkhsnkacahxjcgleme_thb5W5tIoT_6rotb9r9voviw1ljufejgismsxz2m3eolklus0bcfuhmustrhlemux5amndz.jpg)
प्रतिक्रिया