मलेसियामा १६२ नेपाली तीन महिना देखिअलपत्र : एजेन्टले धाेका दिएपछि न काम न दाम
![](https://snowberry.prixacdn.net/media/gallery_folder/malesiya_p7AAO9eqBr_chipjaqqnxfojixoju4ufetet4xm4rvlpzobfpipieus9vqfoomcfvtohggo_PbQSyJe28U_6ygbfkgtvstxxngmpdvfc0gozcms6tdzgdlqgl6qndpp2u3h0yikfzi0oxm3.jpg)
काठमाडौं । वैदेशिक रोजगारीका लागि मलेसिया पुगेका १६२ जना नेपाली कामदार करिब तीन महिनादेखि अलपत्र परेका छन् । काठमाडौंमा रहेको रिडियन्स, जेपीलगायत विभिन्न म्यानपावरबाट मलेसिया पुगेका उनीहरू सम्झौतानुसारको काम र दाम नपाएपछि अलपत्र परेका हुन् ।
म्यानपावर कम्पनीलाई प्रतिव्यक्ति ३ देखि साढे ४ लाख रुपैयाँ बुझाएर मलेसिया पुगेका उनीहरू अहिले एउटा कोठामा बन्दीसरह बस्न विवश छन् । अलपत्र परेको झन्डै तीन महिना पुग्न लाग्दा पनि रोजगारदाता कम्पनी तथा म्यानपावरले कुनै वास्ता नगरेपछि उद्धारका लागि हारगुहार गर्नुपरेको राजकुमार दाहालले जानकारी दिए ।
दाहालले भने, ‘राम्रो सेवा सुविधा र काम भनेर म्यानपावरले पठाए पनि भनेजस्तो काम पनि पाइएन, दामको त कुरै भएन, तीन महिनादेखि हामी अलपत्र छौं ।’
म्यानपावरले नेपालबाट क्लिनरको काममा भनेर पठाएको र एक महिना बसेपछि मात्र काम दिने भनेको भए पनि तीन महिना हुन लाग्दा पनि काम नदिएपछि अलपत्र अवस्थामा बस्नुपरेको उनीहरूले बताएका छन् ।
सप्तरीका मनोजकुमार झाले पनि एजेन्टको प्रलोभनमा परेर ४ लाख ५० हजार रुपैयाँ बुझाएका थिए । उनलाई पठाउने एजेन्टले सुपर मार्केटको काम र २२ सय मलेसियन रिंगेट तलब पाउने आश्वासन दिएर पठाएको भए पनि अहिले काम पाउनु त परको कुरा खान बस्न पनि समस्या भएको उनले बताए ।
‘दलालको प्रलोभनमा परेर मसहित १ सय ६२ नेपाली युवाको अवस्था हरिबिजोग भयो,’ उनले भने, ‘हामीलाई जसरी भए पनि घर फर्काइदिनुहोस्, अब हामी यहाँ बस्न सक्दैनौं, न कम्पनीले काम दिएको छ, न त राम्रोसँग खानै पाएका छौं ।’
आफूहरूलाई काम नदिएको ’bout पठाउने म्यानपावर तथा एजेन्टलाई सम्पर्क गर्दा हुन्छहुन्छ भन्ने गरेको र पछिल्लो समय आफूहरूको नम्बर ब्लक लिस्टमा राखिदिएका कारण सम्पर्क गर्न समस्या भएको उनीहरूले बताएका छन् । खाने, बस्ने र सुत्ने स्थानको समेत प्रबन्ध नभएको भन्दै आफूहरूलाई उद्धार गरेर सहयोग गर्न उनीहरूले आग्रह गरेका छन् ।
आफूहरू बसिरहेको क्याम्पमा सुत्ने ठाउँ पनि नभएकाले कतिपय साथीहरूले बाहिरै रात कटाउने गरेको तथा पिउने पानीको पनि समस्या हुँदा बाथरुमको पानी पिउन बाध्य भएको उनीहरूको भनाइ छ ।
मलेसियास्थित नेपाली दूतावासलाई पनि पटक–पटक आफूहरू समस्यामा परेको भन्दै दूतावासले उपलब्ध गराएको नम्बरमा फोन र ह्वाट्सएपमा म्यासेज गर्दै उद्धारको अपिल गर्दा पनि कुनै सुनुवाइ नभएको उनीहरूको गुनासो छ । चार–चारपटक दूतावास पुग्दा पनि झुक्याउने काम मात्र गरेको उनीहरूले आरोप लगाएका छन् ।
समस्यामा परेका नेपालीलाई सहयोग गर्न खोलिएको दूतावास आफूहरू समस्यामा पर्दा पनि मूकदर्शक भएर बसेको उनीहरूको भनाइ छ । यता, रिडियन्स म्यानपावरका प्रतिनिधिले भने उनीहरू अलपत्र परेको ’bout जानकार रहेको र चाँडै समस्या समाधान गर्ने बताए ।आजकाे राजधानी दैनिकमा खबर छ ।
![एकीकृत समाजवादीका अध्यक्ष माधवकुमार नेपाल नेपाल स्वदेश फिर्ता](https://snowberry.prixacdn.net/media/gallery_folder/madhav-rusa-1725692720.jpg_FaAwx6KdW6_cw033bhxru6vuarwnxcoems68hogq83wy5qluu7dn5sqp3htgi6it5dvh3cj_fEXQNjNDDb_dxhfyaofcuvd7gzj3unevof2te341tyx1kmlbmf0zy5hgh1ixxudkak7jveu.jpg)
एकीकृत समाजवादीका अध्यक्ष माधवकुमार नेपाल नेपाल स्वदेश फिर्ता
![नेवारी सभ्यता समाजवादसँग मिल्दोजुल्दो छ- प्रचण्ड](https://snowberry.prixacdn.net/media/gallery_folder/WhatsApp-Imagpg_684TToIBaQ_mcbqvzbid9doheng0o7pic442w3jvhy556qltmr0uqgfefdiyxsuvwexzsnq_5aWjnYeTTN_vqrzns474mbz5byvdufatzxip3es6wibsnjbrhycgpnmb9vuvethtvuru6cz.jpg)
नेवारी सभ्यता समाजवादसँग मिल्दोजुल्दो छ- प्रचण्ड
![जब मोबाइलमा आफ्नै अश्लील भिडियो आयो…](https://snowberry.prixacdn.net/media/gallery_folder/mobile-phone_iwJrw4rHwh_ygqbcwydxwwwbupmgzmv3jvovmrjjwy63kisuatlsbh6pes5dh4g6sutpt0p_6tRMMR7xFH_53gthjwewkqi3wfeta6wu8krhix81jueqonc9shg7lapfebrexkcie6mxa3n.jpg)
जब मोबाइलमा आफ्नै अश्लील भिडियो आयो…
![पोलाइन्ड नामक लागुपदार्थ सहित एक जना पक्राउ](https://snowberry.prixacdn.net/media/gallery_folder/polind-laguausadh_Sh9NZuGG6R_wceni4veckjougm4dl33tp1x9tcnjwesmcp4eie929svicbaow09ug5inkab_Asmp6247hH_wdqsxnxrzpwhtym9bmir7gacxldvdiujwo8xutcwl9wniaq9avvw1vbekrjs.jpg)
पोलाइन्ड नामक लागुपदार्थ सहित एक जना पक्राउ
![फेसबुकले माग्यो माफी, फर्कायो बालेनको पोस्ट](https://snowberry.prixacdn.net/media/gallery_folder/Balen-sta_M7PkZoJxkr_w2qwqctymflxt54h5ua8typdjlziyiqzsih1v8qejor40qcqruseieqqrdhy_n3uN1qwbM4_idjli13bzx51jkylkq37iegmnaeqcjm6bvoxzpo060odestcaiy04vss5hqb.jpg)
फेसबुकले माग्यो माफी, फर्कायो बालेनको पोस्ट
![राजनीतिक परिवर्तनप्रति कर्मचारीहरुको योगदान प्रशंसायोग्य : प्रधानमन्त्री](https://snowberry.prixacdn.net/media/gallery_folder/kp%2520oli_wMGZq3unrL_1zdnqgrtka8szgjkd9gpt9azlvyei8e5fgvbrkmup843a62wmhgdmyzlfu7o_J9jpfbQKU8_scdza3dmxqcqjkze7ahh4cepdfpy0b1pvamftpw4rcxflcxrvbxyscmmkl01.jpg)
राजनीतिक परिवर्तनप्रति कर्मचारीहरुको योगदान प्रशंसायोग्य : प्रधानमन्त्री
मुस्ताङमा वन्यजन्तुसँगै रमाउँछन् पर्यटक
![ससुराली हिंडेका युवकलाई खोलाले बगाउँदा बेपत्ता](https://snowberry.prixacdn.net/media/gallery_folder/khol_l5C8gvn6r9_7qo3qbizlrstaglixv0if7uglnwmbkof7oojk9vbfwrkhsnkacahxjcgleme_3r9M1xXdGi_rhsjipi1izrrtwj6xfjai8y3h3sm31ezolh7cgm6fdxayk3pcmmh0xecqa3x.jpg)
प्रतिक्रिया