सिराहामा मामाका छोराले चिर्पटले हान्दा फुपूका छोराको मृत्यु

सिरहा । सिराहामा मामाको छोराले चिर्पटले हान्दा फुपूका छोराको मृत्यु भएको छ। गोलबजार नगरपालिका- १० धर्मपुरका २८ वर्षीय संजय सदाले आफ्नै फुपूका छोरा ४० वर्षीय गेनी सदामाथि चिर्पट प्रहार गरेको प्रहरीले जनाएको छ। समान्य विवादमा बुधबार राति संजयले गेनीलाई  चिर्पटले हान्दा उनी गम्भीर घाइते भएका थिए। 

गेनीको उपचारको क्रममा बुधबार स्थानीय अस्पतालमा मृत्यु भएको इलाका प्रहरी कार्यालय गोलबजारका प्रहरी निरीक्षक (इन्सपेक्टर) शुनिल कार्कीले जानकारी दिए।उनीहरु दुबैले मदिरा खाएपछि मातेका थिए। त्यही क्रममा विवाद सुरु भएको थियो। चिर्पट प्रहार गर्ने संजयलाई प्रहरीले नियन्त्रणमा लिएको छ।