स्थानीय तहलाई बजेट बनाउन भ्याइ नभ्याई : बिपद व्यवस्थापनमा प्रशासनकै भर
जिल्लामा ५ महिना टिक्दैनन् सिडिओ
![](https://snowberry.prixacdn.net/media/gallery_folder/badi-pahiro_HQdEll5RKE_wgyz0kbrdeudskiqziomvkzvixmunv6bs0vqt35qfv4hmbk3saqoxk8ehpv3_RrSdRU8DJk_wlvtwsmohwo38zfkb9mwvrfjj8ipqzvj6w021hthrkvmeoxk1odj9rabawnl.jpg)
इटहरी । २०७४ साल साउनमा आएको बाढीले इटहरीमा ९ जनाको ज्यान लियो भने अर्बौंको क्षति भयो । चार हजारभन्दा बढी स्थानीयहरू विस्थापित भए । तीमध्ये केही अहिले पनि खुला आकाशमुनि बस्न बाध्य छन् । यो वर्ष पनि मनसुन भित्रिने तयारी छ । मौसम विभागले जेठ ३१ गतेदेखि कोशी प्रदेशबाट मनसुन सक्रिय हुने र अन्य वर्षको तुलनामा यो वर्ष अत्यधिक वर्षा हुने भनी अग्रिम जानकारी गराइसकेको छ । तर सुनसरीमा भने विपद् व्यवस्थापनका लागि कुनै गृहकार्य भएको देखिएको छैन ।
विभागले कोशी प्रदेशमा करिब पाँच लाख मानिसहरू प्रत्यक्ष प्रभावित हुने र अगाडि नै विपद् व्यवस्थापनमा जुट्न स्थानीय तहलाई चेतावनीसमेत दिइसकेको छ । तर, स्थानीय तहहरू भने हाल बजेट बनाउन र बचेको रकम असार मसान्तसम्ममा सिध्याउन विभिन्न कोठे कार्यक्रमहरूमा व्यस्त छन् । स्थानीय तहहरू आगामी असार १० गतेभित्रै बजेट ल्याउने तयारीमा जुटिरहँदा प्राकृतिक प्रकोप बाढी पहिरोबाट बच्न र बचाउन नगरवासीहरूमा सूचनासमेत प्रवाह गर्न सकेका छैनन् । जिल्लामा विपद् व्यवस्थापनका लागि स्थानीय तहहरू प्रशासन कार्यालयकै भर परेर बसेका छन् ।
सुनसरीको रामधुनी नगरपालिकाका प्रमुख शङ्कलाल चौधरी बाढीबाट नगरलाई जोगाउन र नगरवासीमा सचेतना जगाउन यसअघि नै सूचना प्रवाह गरिसकेको र जिल्ला प्रशासन कार्यालयसँगै प्रहरी प्रशासनसँग पनि सहकार्य गरिरहेको दाबी गर्छन् । गतवर्ष आएको बाढीले रामधुनीमा ६० लाख बढीको क्षति पु¥याएको थियो भने ५ हजार बढी स्थानीयवासी प्रत्यक्ष प्रभावित बनेका थिए । त्यस्तै सुनसरीको इटहरी उपमहानगरमा नगर प्रहरीदेखि स्थानीय प्रहरी प्रशासनसम्म हाइअलर्टमा रहेको दाबी गरेका छन् । बाढीबाट सबैभन्दा बढी पीडित इटहरी १ का बासिन्दा हुन् । यो वर्ष टेङ्ग्रा खोला सफाइ अभियानले स्थानीयमा केही राहत मिल्ने उपमहानगरका नगर प्रमुख हेमकर्ण पौडेलले दाबी गरिरहँदा स्थानीयहरूले भने असन्तुष्टि जनाउँदै आएका छन् ।
जहाँ बाढीले धेरै क्षति पु¥याउँछ, सोही स्थानमा खोला सफाइ रोकिएको बताउँदै यो वर्ष झन् धेरै नगरवासीहरू बाढीबाट प्रभावित हुने इटहरी–७ का गोपाल भण्डारी बताउँछन् । इटहरीको नमुना कलेजअगाडिबाट खोला सफाइ अभियान रोकिएको छ भने कुनै ठाउँमा फराकिलो बनाइएको उनको भनाइ छ । टेङ्ग्रा खोला बर्खाको बेला इटहरीलाई सबैभन्दा बढी दुःख दिने खोला मानिन्छ । मनसुन सक्रिय हुन अब केही दिनमात्रै बाँकी रहँदा इटहरीमा विपद् व्यवस्थापनसम्बन्धी कुनै तयारी भएको देखिएको छैन । इटहरी उपमहानगरका प्रमुख हेमकर्ण पौडेल नगर क्षेत्रमा रहेका सबै संयन्त्रहरूलाई तयारी अवस्थामा रहन निर्देशन दिइसकेको बताउँछन् । तर, बाढीबाट स्थानीयलाई जोगाउन आवश्यक उपकरण उपमहानगरसँग छैन ।
यता जिल्ला प्रशासन कार्यालय सुनसरीका सहायक प्रमुख जिल्ला अधिकारी वेदराज फुयालसँग सम्पर्क गर्दा उनले जिल्लामा विपद् व्यवस्थापनसम्बन्धी उद्धार र राहतमा जुट्न चार हजार सुरक्षाकर्मीलाई तयारी अवस्थामा राखिएको बताए । बाढीबाट प्रभावित क्षेत्रहरूमा हाइअलर्ट अवस्थामा रहन सुरक्षाकर्मीहरूलाई निर्देशनसमेत दिइसकेको बताए । योसँगै जिल्लामा रहेका नेपाल प्रहरी, सशस्त्र प्रहरी, जनपद, ट्राफिक प्रहरीसमेतलाई विपद् व्यवस्थापनको काममा जुट्न निर्देशन जारी गरिसकेको बताए ।
पाँच महिना टिक्दैनन् सिडिओ
मुलुकमा राजनीतिक तरलता र व्यक्तिगत ‘इगो’ का कारण सुनसरीमा कार्यभार सम्हालेको ५ महिना नबित्दै प्रमुख जिल्ला अधिकारीहरूको व्यापक हेरफेर हुने गरेको छ ।
सामान्यतया एक जिल्लामा सिडिओको कार्यकाल एक वर्ष हुने गरेको छ तर सुनसरीमा गएको डेढ वर्षयता तीनजना प्रमुख जिल्ला अधिकारीहरू फेरिइसकेका छन् । २०७९ पुसमा कार्यभार सम्हालेकी प्रमुख जिल्ला अधिकारी हुमकला पाण्डे ९ महिना नबित्दै अन्यत्रै सरुवा हुन पुगिन् । उनी २०८० कात्तिकमा सरुवा भएर अन्यत्रै गएकी छन् । यसअघि उनको स्थानमा इन्द्रदेव यादव प्रमुख जिल्ला अधिकारी रहेका थिए । यादवको पनि गत २०८० पुसमा अन्यत्रै सरुवा भइसकेको छ ।
जिल्लामा पाण्डेको सट्टा प्रमुख जिल्ला अधिकारी भएर आएका जयनारायण आचार्य ५ महिना पनि टिकेनन् । उनको यही जेठ १७ गते नै सरुवा भई सुनसरीबाट बिदा भइसकेका छन् । अहिले उनको सट्टा रामचन्द्र तिवारीलाई जिल्लामा खटाइएको छ । यसरी पाँच महिना पनि नबित्दै सुनसरीबाट प्रमुख जिल्ला अधिकारीहरू सरुवा हुन थालेपछि जिल्लाको शान्ति सुरक्षादेखि विभिन्न योजनाहरू कार्यान्वयनमा समस्या भइरहेको प्रशासन कार्यालयभित्रकै कर्मचारीहरू बताउँछन् ।
![कैलालीमा मोटरसाइकल दुर्घटना हुँदा एक जनाको मृत्यु](https://snowberry.prixacdn.net/media/purbelinews%20default%20image_2fya97kmeqwss7fvvmthgneqefcqea9swfuyxpqcfrw7bxkdijnsy9uhjjf3.jpg)
कैलालीमा मोटरसाइकल दुर्घटना हुँदा एक जनाको मृत्यु
![चेपाङ समुदायले आज आज छोनाम मनाउँदै, यी तीन जिल्लामा सार्वजनिक बिदा](https://snowberry.prixacdn.net/media/gallery_folder/sarbajanik%2520b_CjsWKPu0eG_yce6ltsenl08vf5kugez8wuyiy1fsnvujoi4thjd0wjx0icobynhqtx7apdz_XBkDGU1Nph_vrc9u53aq9rrvjtme5m2u7ysd7qh9ag2vmprydjwflutxsesq411jvenisqs.jpg)
चेपाङ समुदायले आज आज छोनाम मनाउँदै, यी तीन जिल्लामा सार्वजनिक बिदा
![माछा मार्न गएका दुई युवक राप्ती नदीमा बेपत्ता](https://snowberry.prixacdn.net/media/gallery_folder/1697109001-PObne_fh5hLlsgJv_gra5jnlakmxnwtguuxhdj7ldvvkhjpnwcjskyfrch0dteyhjz3alzflvtwzt_ahaX9n4FQC_sczt23ddeso142ax8bgagwzaurw17uzlg2ely6tmd9le5yrcj4iuq2wozfrh.jpg)
माछा मार्न गएका दुई युवक राप्ती नदीमा बेपत्ता
दसैं नजिकिए सँगै धरानकाे कृषि बजारमा खसी–बोकाको व्यापार बढ्यो
![मधेसमा पहिलो पटक सरकारीस्तरमा एमबिबिएसको पढाइ हुने](https://snowberry.prixacdn.net/media/gallery_folder/madhesh-he_mMIiS8uoaz_urwwl6pxpm80ausplwje9qef5vo5pejpjwip8g2jsfzpqufvwdhyzvrra92m_yDJBNrhPuu_f0wjcdprwmvxsfomkb1fbecwcwo8opamdx11svpgww777bdfszms8qcur8tk.jpeg)
मधेसमा पहिलो पटक सरकारीस्तरमा एमबिबिएसको पढाइ हुने
![भोजपुरमा प्रभावकारी बन्दै आयुर्वेद उपचार सेवा](https://snowberry.prixacdn.net/media/gallery_folder/ayurbadhik_upchar_IfakfasAO5_5depg9adjex1zp5zqplbeoalafieerbyosvbba00fhif3kiteyzbntntmfrl_jiZ0pePh0G_svqrkpdsqscgc5kzean1rfry5j3car9sbgdecinsxxfkom5lmpuvjcaocgx2.jpg)
भोजपुरमा प्रभावकारी बन्दै आयुर्वेद उपचार सेवा
![इटहरीकाे तालतलैयामा चक्कु देखाएर ल्रटियाे २ लाख नगद , ७ जना पक्राउपछि सार्वजनीक](https://snowberry.prixacdn.net/media/gallery_folder/pakrau_ys6S8uIglU_hkjkekv4w7aiugvfl4yu6ykaxypitco6p1uwj6gzuypmltcrxk88yvsgivs0_Bead7eL11R_jqi3mtgl903es1ktbpksjvz2wck9savgw2blrtqcg6ylogztqvowcid2jfif.jpg)
प्रतिक्रिया