आन्तरिक रोजगारीलाई बढावा दिन सातै प्रदेशमा 'श्रमाधान रोजगार मेला'
![](https://snowberry.prixacdn.net/media/gallery_folder/shram%2520mantralaya%2520(1)_llveNuoXrd_kzbieycm486l7zkujlwcz5fq7nz1h8qlqffizb31lvtgtqxuuoqvrfoldz7r_ayqQZ6KYNb_vrwwoshvtpigllcibtxms1a30ueh9k2auqjiqtrkv8nu8hy3z27kg5dl96fd.jpg)
काठमाडौं । आन्तरिक रोजगारीलाई बढवा दिन सातै प्रदेशमा 'श्रमाधान रोजगार मेला' आयोजना गरिएको सरकारले जनाएको छ । श्रम, रोजगार तथा सामाजिक सुरक्षा मन्त्रालयका सहसचिव एवं प्रवक्ता गोविन्द रिजालले दीर्घकालीन रूपमा आन्तरिक रोजगारीलाई बढावा दिन श्रमाधान रोजगार मेला आयोजना गरिएको बताएका हुन् ।
युवाले देशभित्रै काम पाउने वातावरण निर्माण गर्ने उदेश्यले मेला आयोजना गरिएको उनले बताए । 'मेलाको मुख्य उदेश्य भनेको रोजगारी सिर्जनाका लागि सरकारी र निजी क्षेत्रबीचको साझेदारीलाई प्रवर्धन गरेर लैजाने हो । त्यस्तै सीप तथा क्षमता विकासका सम्भावना र त्यसका उपयोगको बारेमा तालमेल गर्ने र समग्रमा हामीले परिकल्पना गरेको आर्थिक समृद्धि हासिल गर्नका लागि भूमिका खेल्ने उद्देश्य हो,' उनले भने ।
मेला कामको खोजीमा रहेका युवा र रोजगारदाताको मिलनबिन्दु हुने अपेक्षा मन्त्रालयको छ । 'यसपटकको रोजगार मेलामा जति कामको खोजीमा रहेका युवा आउनुहुन्छ सबैले अपेक्षाअनुसारको रोजगारी पाउनुहुन्छ भन्ने सोचेका छैनौं । मेलाले पक्कै केही रोजगारी सिर्जनामा सघाउँछ । आगामी दिनमा यो मेला रोजगारदाता र रोजगारी खोजिरहेकाहरूका लागि मिलनबिन्दु हुनसक्छ भन्ने अपेक्षा छ,' उनले भने ।
मेलामा श्रमिकहरू तथा सरोकारवालाले रोजगारीसँग जोडिएका गुनासा पनि राख्न सक्ने छन् । यससँग सम्बन्धित निकायले रोजगारीका क्षेत्रमा देखिएका समस्या तथा आएका गुनासा सुनेर समाधानका लागि उपाय निकाल्ने वातावरण बन्ने उनको भनाइ छ । मेलाको उदेश्य आन्तरिक रोजगारी प्रवर्द्धनसँगै वैदेशिक रोजगारी व्यवस्थित गर्नु पनि भएको सहसचिव रिजालले उल्लेख गरे ।
'वैदेशिक रोजगारीको सन्दर्भमा कतिपय कुरा तल्लो तहसम्म पुर्याउन पनि नसकेको होला त्यो खालको सूचना सन्देश हामीले सम्प्रेषण गर्छौं । ठगी भइरहेका छन् भने त्यसको गुनासो पनि संकलन गर्ने काम मेलाबाटै गर्छौं । कहाँनेर सुधार गर्नुपर्ने छ पत्ता लागिसकेपछि समाधानमा पनि सहज हुन्छ,' उनले थपे ।
यसका लागि वैदेशिक रोजगार बोर्ड, सामाजिक सुरक्षा कोष विभिन्न म्यानपावर कम्पनीका छाता संगठनले पनि मेलामा स्टल राख्ने उनको भनाइ छ ।
मेलामा श्रम मन्त्रालय र मातहतका सबै निकाय, विभिन्न तालिम प्रदायक संस्थाहरूको उपस्थिति रहनेछ । सामी परियोजना, रेमी योजना, नेपाल उद्योग वाणिज्य महासंघ, नेपाल उद्योग परिसंघ, नेपाल चेम्बर अफ कमर्स, नेपाल तालिम तथा रोजगार व्यवसायी महासंघ, होटल संघ नेपाललगायतले मेलामा स्टल राख्नेछन् ।
मेला हरेक प्रदेशमा दुई दिन चल्नेछ । जेठ १७ गते कोशी प्रदेशबाट सुरू हुने यो मेला बागमती प्रदेशमा जेठ ३० गते समापन हुनेछ । कोशी प्रदेशको विराटनगरमा जेठ १७ र १८ गते मेला चल्नेछ ।
मधेश प्रदेशको जनकपुरमा जेठ १९ र २० गते मेला आयोजना हुनेछ । गण्डकीको पोखरामा २१ र २२ गते, लुम्बिनी प्रदेशको बुटवलमा २३ र २४ गते, कर्णालीको सुर्खेतमा २५ र २६ गते, सुदूरपश्चिम प्रदेशको धनगढीमा २७ र २८ गते त्यस्तै बागमतीको ललितपुरमा २९ र ३० गते मेला आयोजना हुनेछ ।
आगामी वर्षहरूमा यो मेलालाई धेरै तयारी गरेर थप व्यवस्थित गर्ने गरी मन्त्रालयले योजना बनाएको सहसचिव रिजालले बताए । 'आगामी वर्षको बजेटमा पनि हामीले यो कार्यक्रम प्रस्ताव गरेका छौं । हाम्रो परिकल्पना सबै स्थानीय तहसम्म यो कार्यक्रम पुर्याउनुपर्छ भन्ने हो,' उनले भने ।
![सुनको मुल्यमा अर्काे किर्तीमान , तोलाकै पुग्याे १ लाख ५३ हजार ३ सय रूपैया](https://snowberry.prixacdn.net/media/gallery_folder/gol_mhdrukmB4B_rhozsmkupg8hvzrzvoo4bgvt8eqfhyd2bgj9selghk6ogfubbw2mntgkqf45_0IH0m8obja_lq8qjds1wnzi9b7jzygfmypb5xphba0kytua5nakyeubckwsbldc8ljjfihg.png)
सुनको मुल्यमा अर्काे किर्तीमान , तोलाकै पुग्याे १ लाख ५३ हजार ३ सय रूपैया
![नेप्से १२ अंकले घट्यो, ९ अर्बको कारोबार](https://snowberry.prixacdn.net/media/gallery_folder/Share.png-4_oLbTT1c4A6_uenrtzinyxgf2ctacvp7hvrsyzzem1bvfos9t3h4ky0r4e3g9osdsmvlp9b8_IsaXOHLyHG_esgcnx9kcpxxrpxopbxmpexjhualaoocs4fgknycelaj2shfjhpef639cqap.png)
नेप्से १२ अंकले घट्यो, ९ अर्बको कारोबार
![सुनको मुल्य स्थिर चाँदीको बढ्यो](https://snowberry.prixacdn.net/media/gallery_folder/Gold_and_Silver_62hEElNa7T_grlqapesklgrdk3zo8boznsvhuihbwpyfzjlgwec13o36ok8suaavyunyd4x_s3a6aUu1il_kkgxlyfrggv1dsommo75xwtqyfqbi6dvopw9aeui2j2ydzo6vpfjxmdgudxv.jpg)
सुनको मुल्य स्थिर चाँदीको बढ्यो
![नेप्सेमा ९० अंकको गिरावट, १२ अर्बको कारोबार](https://snowberry.prixacdn.net/media/gallery_folder/Share.png-3_hJtVNiKEKF_fo3jtuwxqktqaft57ifvlpeyo6s4ioloz66z89sfpwcqlo7q7gaiw427m5vd_A5nclGEI63_ctkky0zftytlirg0doch1vbsetbcslkoghpnckihb3bcpfmsptpmowpzrwx1.png)
नेप्सेमा ९० अंकको गिरावट, १२ अर्बको कारोबार
![नेपाली बजारमा आज कति छ सुनचाँदीको मुल्य ?](https://snowberry.prixacdn.net/media/gallery_folder/Gold_and_Silver_YIpG9pPIhh_or0ci7e11r45hxiosj2x071s2zporsdmdk0ublcf6cdyfilpq2vvcpi4hybn_i79bE9ovnl_rkquaqh4rrxlqlgs7zvupewvhbhmdvfijtuy9petf1glahwgzkprfnlu42gc.jpg)
नेपाली बजारमा आज कति छ सुनचाँदीको मुल्य ?
![सेयर बजार २८३० अंकमा पुग्यो ,साढे १३ अर्बको काराेवार](https://snowberry.prixacdn.net/media/gallery_folder/1550486105nepse_nkQu1CbvCQ_foxlqf7dxnbrwaxqvulriy30lxkmcgr5t8jynib1mx52tfrs7tjsuijtrf8z_QheBJisuj8_grby3lbbtrsllkkhcshhucjpijahtzcasuj6mcy2bngdtjp9cpggaarwj5p4.jpg)
सेयर बजार २८३० अंकमा पुग्यो ,साढे १३ अर्बको काराेवार
![नीतिगत सुधारमा सरकार प्रतिबद्ध छ- अर्थमन्त्री पौडेल](https://snowberry.prixacdn.net/media/gallery_folder/Bishnu.png-1_iih8sWneEq_omcsvnpfh6iinqkdqb8uaoer2aaaycotnkclmkaairi4attokiai2oypggj1_v2UtKlCMb2_7yejuqojjrxukyhtkhksxafgb42iecwhimlo6bo4nqjnthpvrihlkmqre4pp.png)
नीतिगत सुधारमा सरकार प्रतिबद्ध छ- अर्थमन्त्री पौडेल
![५ अर्बको अग्राधिकार सेयर जारी गर्दै नबिल बैंक](https://snowberry.prixacdn.net/media/gallery_folder/nabil_bishesh__MQI0WO3MDq_tgu9niozbtcy8abp6q4adds1zrgmclshyrr0mzwdswfsuc5qr2slnypjytch_8uzD8nWoGR_stewswagrilu1iuyv5udw9djkfodrbokvq7f87vvampffisslmy41iwyftxd.jpg)
प्रतिक्रिया