ढल्केबर–इनरुवा प्रसारण लाइन अन्तिम चरणमा
इटहरी । ढल्केर–इनरुवा चार सय किलोभोल्ट प्रसारण लाइन निर्माण अन्तिम चरणमा पुगेको छ । माथिल्लो तामाकोशी जलविद्युत् आयोजनालगायत अन्य आयोजनाबाट उत्पादित बिजुली देशका पूर्वी भेगमा प्रवाह गर्ने हेटौँडा–ढल्केर–इनरुवा प्रसारण लाइनको काम अन्तिम चरणमा पुगेको आयोजनाका प्रमुख श्याम यादवले बताए ।
‘पूर्वी खण्डको काम सम्पन्न हुने चरणमा छ। ढल्केर पश्चिम खण्डमा भने विभिन्न स्थानमा अझै पनि अवरोध छ । अवरोध हटाएर आयोजना सम्पन्न गर्न हामी लागिपरेका छौँ’, उनले भने । देशभित्रको विद्युत् प्रसारण प्रणाली सुदृढीकरण र नेपाल–भारतबीचको विद्युत् व्यापारका लागि निर्माणाधीन हेटौँडा–ढल्केर–इनरुवा ४०० केभी डबल सर्किट प्रसारण लाइन आयोजना शुरू गरिए पनि स्थानीयको अवरोध, वन क्षेत्रको जग्गा प्रयोगलगायत समस्याका कारण रुग्ण बन्दै आएको छ ।
पूर्वी खण्डको काम सम्पन्न भएपछि माथिल्लो तामाकोशीलगायत आयोजनाको बिजुली पूर्वी भागका औद्योगिक क्षेत्रमा मागअनुसार आपूर्ति गर्न सहज हुनेछ । मकवानपुरको हेटौँडा उपमहानगरपालिका–११ स्थित थानाभर्याङबाट शुरू भई धनुषाको ढल्केर हुँदै सुनसरीको भोक्राहा नरसिंह गाउँपालिका–४ स्थित इनरुवा सबस्टेसनसम्मको प्रसारण लाइनको लम्बाइ दुई सय ८८ किलोमिटर छ। पूर्वी खण्डको काम प्रायः पूरा भएकाले उद्घाटनको तयारी भएको तथा त्यसका निम्ति ऊर्जा जलस्रोत तथा सिँचाइ मन्त्रालयलाई अनुरोध गरिएको नेपाल विद्युत् प्राधिकरणले जनाएको छ ।
प्रसारण लाइनलाई हेटौँडा–ढल्केर १३४ किलोमिटर र ढल्केर–इनरुवा १५४ किलोमिटरलाई दुई खण्डमा विभाजन गरी विगत ११ वर्षदेखि काम जारी छ । पहाडी, शिवालिक चुरे र तराई क्षेत्रमा पर्ने प्रसारण लाइनका लागि ७९२ वटा टावर निर्माण गर्नुपर्छ । धेरै जसो टावरको काम भए पनि स्थानीयले प्रसारण लाइनको मार्ग स्थानान्तरण गरिदिन माग गर्दै अवरोध गरेका कारण बाँकी ३५ वटा टावरको काम नै रोकिएको छ ।
मोरङ–सुनसारी औद्योगिक करिडोरलगायत समग्र पूर्वी नेपालको माग धान्नका लागि भारतबाट थप विद्युत् आयात तथा वर्षा याममा देशभित्र खपत गरी बचत भएको विद्युत् निर्यात गर्न यो प्रसारण लाइन जतिसक्दो चाँडो सम्पन्न गर्नुपर्ने दबाबमा प्राधिकरण छ । प्राधिकरणका कार्यकारी निर्देशक घिसिङले रणनीतिक महत्वका हेटौँडा–ढल्केर–इनरुवा प्रसारण लाइन सम्पन्न गर्न राज्यको सम्पूर्ण संयन्त्रले सहयोग नगर्ने हो ठूलो विपत् आउन सक्ने बताए । कुल ४००-२२० केभी क्षमताका तीनवटा सबस्टेसन निर्माण सम्पन्न भइसकेको छ ।
हेटौँडा उपमहानगरपालिका वडाहरू १५, १६ तथा १७ स्थिति हटिया र सर्लाहीको लालबन्दी नगरपालिकाको जियाजोर क्षेत्रमा करिब ६ वर्षदेखि निर्माणमा अवरोध छ । हटिया क्षेत्रमा १४, हेटौँडा–११ स्थित थानाभर्याङमा दुई र जियाजोर क्षेत्रमा आठ वटा टावर निर्माणमा अवरोध छ । थानाभर्याङमा रहेको सबस्टेसनमा लाइन जडानका लागि दुई वटा टावर निर्माण गर्नु पर्नेछ । यसबाट ऐलानी जग्गामा बनेका ४६ वटाभन्दा बढी घर प्रभावित हुनेछन् ।
स्थानीयको अवरोध अन्त्य गर्न प्राधिकरणको निरन्तर प्रयास जारी छ। यद्यपि यसमा सफलता प्राप्त भएको छैन । प्रसारण लाइन मकवानपुरबाट बारा–रौतहट, सर्लाही–महोत्तरी–धनुषा–सिराहा–उदयपुर–सप्तरी हुँदै सुनसरीको इनरुवासम्म निर्माण हुनेछ । प्रसारण लाइनको मार्ग परिवर्तनको माग गर्दै निर्माणमा स्थानीयको अवरोध, सर्वोच्च अदालतको अन्तरिम आदेश, वन क्षेत्रको जग्गा प्रयोग तथा रूख कटान स्वीकृतिको प्रक्रियागत उल्झन, ठेकेदारको कमजोर कार्यसम्पादनलगायत कारणले निर्माण प्रभावित भएको छ । कुल ३० महिनामा निर्माण सम्पन्न गर्ने २०६९ माघमा ठेक्का सम्झौता भएको थियो ।
हेटौँडा–ढल्केर–इनरुवा ४४० केभी प्रसारण लाइन विद्यमान १३२ केभी प्रसारण लाइन र पूर्व–पश्चिम राजमार्गको नजिक र प्रायः समानान्तर छ । प्रसारण लाइनको मार्गाधिकार क्षेत्र प्रसारण लाइनको केन्द्र विन्दुबाट दायाँ बायाँ २३ मिटर हुनेछ । आयोजनाले ५१८ हेक्टर वन क्षेत्रमा रहेका रूखहरू काट्नुपर्ने र ३० हेक्टर निजी कृषियोग्य जमिन अधिग्रहण गर्नुपर्नेछ । मार्गाधिकारमा ४७५ हेक्टर निजी जग्गा र १७१ वटा घर तथा अन्य संरचना प्रभावित हुनेछन् ।
कुल १७ करोड अमेरिकी डलर अनुमानित लागतको आयोजनामा नेपाल सरकार, विद्युत् प्राधिकरणको लगानी छ । यसअघि सो आयोजनाका लागि विश्व बैंकले सहुलियतपूर्ण ऋण उपलब्ध गराएको थियो। विश्व बैंकले आयोजनाबाट हात झिकेपछिको ऋण प्रवाह रोकिएसँगै बाँकी काम सरकार र प्राधिकरणले पूरा गर्नुपर्नेछ ।
![एकीकृत समाजवादीका अध्यक्ष माधवकुमार नेपाल नेपाल स्वदेश फिर्ता](https://snowberry.prixacdn.net/media/gallery_folder/madhav-rusa-1725692720.jpg_FaAwx6KdW6_cw033bhxru6vuarwnxcoems68hogq83wy5qluu7dn5sqp3htgi6it5dvh3cj_83KLuroC6n_sngm17no1yhizfrh3pbwepsj152op8fvo19rwyj5jl3tr3ptpur8y3b1sn9g.jpg)
एकीकृत समाजवादीका अध्यक्ष माधवकुमार नेपाल नेपाल स्वदेश फिर्ता
![नेवारी सभ्यता समाजवादसँग मिल्दोजुल्दो छ- प्रचण्ड](https://snowberry.prixacdn.net/media/gallery_folder/WhatsApp-Imagpg_684TToIBaQ_mcbqvzbid9doheng0o7pic442w3jvhy556qltmr0uqgfefdiyxsuvwexzsnq_TuJ86rfYxU_s9sdf0kqjxod0mx137pe9xyrfsndb1mbev07ei1mqg9eza38he8cafwausud.jpg)
नेवारी सभ्यता समाजवादसँग मिल्दोजुल्दो छ- प्रचण्ड
![जब मोबाइलमा आफ्नै अश्लील भिडियो आयो…](https://snowberry.prixacdn.net/media/gallery_folder/mobile-phone_iwJrw4rHwh_ygqbcwydxwwwbupmgzmv3jvovmrjjwy63kisuatlsbh6pes5dh4g6sutpt0p_XuibjNn0Eb_an8rateos69oyjkwmoaazj7nved4vcnql65ns0upaw1mwta87z8vy7pxkil6.jpg)
जब मोबाइलमा आफ्नै अश्लील भिडियो आयो…
![पोलाइन्ड नामक लागुपदार्थ सहित एक जना पक्राउ](https://snowberry.prixacdn.net/media/gallery_folder/polind-laguausadh_Sh9NZuGG6R_wceni4veckjougm4dl33tp1x9tcnjwesmcp4eie929svicbaow09ug5inkab_bezaMnEFBb_yk7aq3qfyhks1xehlyqrygessow6c9v2l9h7gicavikuzocyeiwm8eicyss1.jpg)
पोलाइन्ड नामक लागुपदार्थ सहित एक जना पक्राउ
![फेसबुकले माग्यो माफी, फर्कायो बालेनको पोस्ट](https://snowberry.prixacdn.net/media/gallery_folder/Balen-sta_M7PkZoJxkr_w2qwqctymflxt54h5ua8typdjlziyiqzsih1v8qejor40qcqruseieqqrdhy_gWf0eCwT6g_vtyffwt3ktg8haiyqkb1vklsgufdxj4e2vaaoe3s4eg2zuiqgcbjyetqhcbn.jpg)
फेसबुकले माग्यो माफी, फर्कायो बालेनको पोस्ट
![राजनीतिक परिवर्तनप्रति कर्मचारीहरुको योगदान प्रशंसायोग्य : प्रधानमन्त्री](https://snowberry.prixacdn.net/media/gallery_folder/kp%2520oli_wMGZq3unrL_1zdnqgrtka8szgjkd9gpt9azlvyei8e5fgvbrkmup843a62wmhgdmyzlfu7o_J9jpfbQKU8_scdza3dmxqcqjkze7ahh4cepdfpy0b1pvamftpw4rcxflcxrvbxyscmmkl01.jpg)
राजनीतिक परिवर्तनप्रति कर्मचारीहरुको योगदान प्रशंसायोग्य : प्रधानमन्त्री
मुस्ताङमा वन्यजन्तुसँगै रमाउँछन् पर्यटक
![ससुराली हिंडेका युवकलाई खोलाले बगाउँदा बेपत्ता](https://snowberry.prixacdn.net/media/gallery_folder/khol_l5C8gvn6r9_7qo3qbizlrstaglixv0if7uglnwmbkof7oojk9vbfwrkhsnkacahxjcgleme_XN16v3UVxJ_panp6gfr5k04cjir2llnuwvdwz1ajgkeni6mrc7kpuvl5gpx7f0sqoolfk2e.jpg)
प्रतिक्रिया