सिप मेलाको दोस्रो चरण जेठ ६ गतेदेखि
![](https://snowberry.prixacdn.net/media/gallery_folder/sip.jpg-5_dwFBStG0HW_h6no5tbrh0avwgxlhjbsal6suy0qbi29awlq1kihj1yf601nbq4ta6g75elg_nxOJDcxwxX_noxwbcwfyzbp1xbaomwkvdlrwzucxfb9mdz50xol3gzgem701alg1ko6x5k3.jpg)
काठमाडौँ / काठमाडौँ महानगरपालिकाले टुँडिखेलमा सञ्चालन गरिरहेको ‘सिप मेला’ अन्तर्गत १५ दिन अवधिका तालिमको पहिलो चरण शुक्रबार सकिँदैछ ।
वैशाख १९ गते मेलाको उद्घाटनपछि कक्षाहरु सुरु भएका थिए । यस चरणमा १ हजार ५७७ जनाका लागि तालिमको कोटा थियो । यसमध्ये १ हजार ५०५ जना तालिममा सहभागी भएका छन् । ३० दिन र १५ दिनको तालिम अवधिमध्ये भोलि १५ दिनको अवधि सकिनेछ । आज र भोलि तालिम सम्पन्न भएका प्रशिक्षार्थीहरुको योग्यता परीक्षा र नयाँ प्रशिक्षार्थीका लागि अभिमुखीकरण सञ्चालन भइरहेको छ ।
दोस्रो चरणको कक्षा ज्येष्ठ ६ गते आइतबारबाट सुरु हुनेछ । यसमा १ हजार १३५ जनाको कोटा छ । यसका लागि १ हजार २६५ जनाको नाम सूचीकरण गरेर फोनमार्फत तालिममा आउन अनुरोध गराइएको छ ।
तालिमामा सहभागी हुनेले ९० प्रतिशत हाजिर अनिवार्य छ । तालिम सुरु गरेर कसैले छोड्न नपाउने व्यवस्था छ । तालिम निःशुल्क हो तर कसैले बिचमै छोडेमा तालिम वापतको शुल्क भुक्तानी गर्नुपर्नेछ ।
निःशुल्क सिपमूलक तालिम लिनका लागि ६८ हजार ८६६ जनाको आवेदन परेको छ । यसमध्ये ४३ हजार ५८ जनाले ‘सिप मेला’ बाट तालिम लिनका लागि आवेदन दिनुभएको हो । २०८१ जनालाई तालिम दिने, तालिम दिएकालाई ‘रोजगार’, ‘स्वरोजगार’ र ‘अन द जब टे«निङ्’ उपलब्ध गराउने लक्ष्यसहित आवेदन माग गरिएको थियो ।
वैशाख १९ गते अगाडि अनलाइनबाट आवेदन दिने ७ हजार ३८२ जनालाई पहिलो प्राथमिकतामा राखेको छौँ । उद्घाटनका दिन टुँडिखेलमै फाराम भर्ने ४ हजार १८२ जनालाई दोस्रो प्राथमिकतामा राखेका छौँ । यसपछि सिप मेलामा आएर आवेदन दिने १३ हजार ९९४ जनालाई तेस्रो प्राथमिकतामा राखेका छौँ । प्रशिक्षणमा बोलाउँदा यही मापदण्डका आधारमा बोलाएका हौँ ।
तालिममा समावेश १० क्षेत्र र ३० पेशासँग सम्बन्धित तालिममध्ये अटो इलेक्ट्रिक, इलेक्ट्रिक कार (इभी), डकर्मी, टाइल एण्ड मार्वल फिटिङ्, इलेक्ट्रिसियन, प्लम्बिङ्, रेफ्रिजेरेसन एण्ड एसी टेक्निसियन र आर्ट एण्ड स्कप्चर ३० दिन अवधिका हुन् ।
यस्तै बारिस्ता, फास्ट फुड कुक, बेकरी, बार टेन्डिङ्, वेटर, डिजिटल मार्केटिङ्, कम्प्युटर हार्डवेयर एण्ड नेट वर्किङ्, सीसीटिभी क्यामरा, मोवाइल रिपेयरिङ्, वेल्डिङ्, टेलरिङ्÷डे«स मेकिङ्, फेसन डिजाइनिङ्, नेल आर्ट, मेक अप आर्ट एण्ड आइलेस, आइलेस आर्ट एक्सटेन्सन, हेयर कट एण्ड स्टायल, सैलुन, स्क्रीन प्रिन्टिङ्, ज्योतिष र ज्योतिष पुरोहित १५ दिन अवधिका तालिम हुन् ।
हरेक वडाबाट १ सय जनालाई सहभागी गराउन फाराम पठाइएको थियो । यसको विवरण अद्यावधिक भइरहेको छ । कार्यक्रम शुभारम्भका दिन (वैशाख १९) टुँडिखेलमा आउनु भएका सहभागीहरूको ठुलो संख्याले प्रशिक्षणको अवसरका लागि माग गर्नुभएपछि त्यहीँबाट पनि फाराम भर्ने अवसर दिइएको थियो । त्यो एक दिनमा ४ हजार १८२ जनाले फाराम भर्नुभयो । त्यसदिनभन्दा अगाडि ७ हजार ३८२ जनाको आवेदन प्राप्त भइसकेको थियो । वैशाख २० गतेदेखि ३० गतेसम्म दिइएको फाराम भर्ने अवसरमा १४ हजार ३ सय जनाले फाराम भर्नुभयो । यस्तै अनलाइनबाट १३ हजार ९९४ जनाको आवेदन प्राप्त भएको छ ।
यससँगै समय समयमा विभिन्न पेशा (जुत्ता बनाउने, डकर्मी, मालीलगायत) सँग सम्बन्धित तालिमका लागि गरिएको आव्हानका क्रममा ५ हजार ६८९ जनाले आवेदन दिएका छन् ।
‘रोजगारी र आय वृद्धि, काठमाडौँको समृद्धि’ कार्यक्रमअन्तर्गत ११ हजार २६४ जनाले आवेदन दिएका छन् । यसअघि आयोजना गरेको साइबर सेक्युरिटी तालिमका लागि आव्हान गरिएको फाराममा ८ हजार ८८५ जनाले आवेदन दिए । जसमध्ये ६ हजार ६९४ जनाले साइबर सेक्युरिटीकै लागि आवेदन दिएका थिए ।
‘शिक्षालाई सिपसँग’, ‘सिपलाई श्रमसँग’ र ‘श्रमलाई उत्पादनसँग’ जोडेर सिप नहुनेलाई सिपयुक्त बनाउनु, सिप भएकालाई रोजगार तथा स्वरोजगार बनाउनु, रोजगारमा भएका तर सिप नभएकाहरूको व्यावसायिक स्तर वृद्धि गराएर आयमा वृद्धि गराउनु तालिम सञ्चालनको मुख्य उद्देश्य हो ।
![‘प्रतिभा नक्षत्र २०२४’ को पाँचौं संस्करण भदौ १० गते हुँदै](https://snowberry.prixacdn.net/media/gallery_folder/pratibha.jpg_7MJ5HlPSQj_oxvsbbzxdkrwis6uhzf2hg7emqtz8ycjjk6fa1rlwekhkbmpr3ye0itdak5a_TQFL49OUen_x2xkmbfpa5u45zpcg2fmkdjfnzbjstcktsalslnve4cthukbf73ns8s1qpp0.jpg)
‘प्रतिभा नक्षत्र २०२४’ को पाँचौं संस्करण भदौ १० गते हुँदै
![परराष्ट्रमन्त्री राणा र जयशंकरबीच भेटवार्ता](https://snowberry.prixacdn.net/media/gallery_folder/Arzu.jpg-3_LyFWkss96J_ti2rx7q5ddejndttorxrvvbl7hzqztlugvyoggbaj4ecbjdinqusd3qbktjl_LaDNFnJqBL_yxj6hcy4pgmrzagvmtev3mlledb3scbngebul90vwxqzhqzgh5gwdl24bcyn.jpg)
परराष्ट्रमन्त्री राणा र जयशंकरबीच भेटवार्ता
![परराष्ट्रमन्त्री राणा भारत प्रस्थान](https://snowberry.prixacdn.net/media/gallery_folder/arju-rana-india_0ZhI1nVo4N_xluhcoelusg5gfgizfcje7z6mnknpxj7p79ucnxdzb4dawmwms9ty3r9dthr_H1Uk2xVfCX_nfcnmfy3lszepe7w4llytsuec7znis24ujhcpkykdx8ncrjgrf7yqzqnpggf.jpg)
परराष्ट्रमन्त्री राणा भारत प्रस्थान
![बाढी, पहिरो लगायतका विपद्मा परी हालसम्म १५० जनाको मृत्यु](https://snowberry.prixacdn.net/media/purbelinews%20default%20image_2fya97kmeqwss7fvvmthgneqefcqea9swfuyxpqcfrw7bxkdijnsy9uhjjf3.jpg)
बाढी, पहिरो लगायतका विपद्मा परी हालसम्म १५० जनाको मृत्यु
![टिकटकको मुख्यालयका ६० कर्मचारीलाई फुड प्वाइजन](https://snowberry.prixacdn.net/media/gallery_folder/Byte.png_AeL2JZGx0y_ovdqpqtaajabaflhtjuaqy1rlesnlucqiivcquadrps3xogybutzrruqfmu0_6X87hH49um_rpbwen0qbjv2oik6befv9onzysihd10ita9muvn4aixzru31to17nwazilpr.png)
टिकटकको मुख्यालयका ६० कर्मचारीलाई फुड प्वाइजन
![मिस माल्टासहितको टोलीलाई विमानस्थलमा ढाका टोपी र पञ्चेबाजाको स्वागत](https://snowberry.prixacdn.net/media/gallery_folder/malta.jpg_baVJaw5ajY_yyepe6wtkdbcxm1wd4mjijanqrtyvshvsxwgtwhmhmmjx8tqsebdeu82evyp_Zq6HFMbWxc_jhobwc9godihz0qx4vamh5wk5d9owhicdmnwayrls7sblx9mnnru10hiobbn.jpg)
मिस माल्टासहितको टोलीलाई विमानस्थलमा ढाका टोपी र पञ्चेबाजाको स्वागत
![काठमाडौँ दरबार क्षेत्रका अवैध संरचना ७ दिन भित्र हटाउन महानगरको निर्देशन](https://snowberry.prixacdn.net/media/gallery_folder/KMC_1.jpg_LlpZZpO7cO_myobjy8hy7y3r8x6n1khqzmu1fveduedqalsuol4ywtsmdlwtrmclwum0jgt_eq6zZsaKF1_o2p91xwzsk7rrprkiy1cnkh3v0jhdviaalehg38bmkshzlnm3ceqs1ozxxfg.jpg)
काठमाडौँ दरबार क्षेत्रका अवैध संरचना ७ दिन भित्र हटाउन महानगरको निर्देशन
![ललितपुर महानगरले मर्मतपछि सञ्चालनमा ल्यायो १०६ वर्ष पुरानो डेनिस दमकल](https://snowberry.prixacdn.net/media/gallery_folder/denis.jpg_mcqnCI6Y2n_oazfp7ghdlx3we0yt9k1s3h5mdr23y9yr4z0rz3scesurj0ri4gkipdvumqc_A8pTib3qol_pyus9qgeqhttfomh8bv3dyqqomw33pxhybtaka0e9jnyotx78sjmxwsa5osp.jpg)
प्रतिक्रिया