घनश्याम भुसाल देखाए एकीकृत समाजवादीका १२ चुनौती
![](https://snowberry.prixacdn.net/media/gallery_folder/Ghanashyam-Bhushal.jpg_GkScqrAK3E_ms8cscqfr4mxteb4ntptf8inuvul53ohajm2pnzxvrupniukiyhkftkhnexo_kj4vVfdQ2R_bvfn9q2xd8xq5m1g0gpgiy2q7httvjbxkxpvgh61cuxdxi8l4qku0tzghzei.jpg)
काठमाडौं / नेकपा एकीकृत समाजवादीका महासचिव घनश्याम भुसालले पार्टी केन्द्रीय कमिटीको आठौँ बैठकमा छलफलका लागि सङ्गठनात्मक प्रतिवेदन पेश गरेका छन् । उनले आफ्नो प्रस्तावमा संगठनमा देखिएका मुख्य समस्यालाई विभिन्न १२ बुँदामा पार्टीको वर्तमान चुनौती पेश गरेका छन् ।
संगठनात्मक प्रस्तावमा उनले एकीकृत समाजवादीको उद्देश्य आजको पुँजीवादी समाजको ठाउँमा समाजवादी समाजको स्थापना गर्नु रहेको उल्लेख गरेका छन् । उनले पुँजीवादलाई आजका समस्त सामाजिक समस्याहरुको जरोका रुपमा चित्रण गरेका छन् ।
चुनौतीहरु:
१- एकै समयमा देशैभरी कमिटीहरु बनाउनु पर्ने अवस्थामा कसलाई कुन जिम्मेवारी दिने भन्ने मापदण्ड बनाउँदा विद्रोहको बेला देखिएको तात्कालिक सक्रियतालाई ध्यान दिनु स्वाभाविक थियो । तर विद्रोहको समयको सक्रियता विचार, सिद्धान्त र राजनीतिक तथा साब्गठानिक योग्यता र अनुभव बिना लामो समय टिकाउन सजिलो हुँदैन । विद्रोहलाई व्यवस्था र विधिमा ढाल्नु पर्ने अवस्थामा ती कमजोरीहरु विभिन्न क्षेत्रमा देखिँदै गएका छन्। त्यसले गर्दा कतिपयमा कमिटीमा नकारात्मक प्रभाव परेका छन् ।
२- नेकपा एमालेमा रहेको गुटबन्दीले किनारामा परेका कार्यकर्ताहरुको ठूलो सब्ख्या हाम्रो पार्टीमा आएको थियो । लामो समयसम्म उपयुक्त जिम्मेवारीमा नहुँदा त्यसमध्ये कैयौँ कमरेडहरुको क्षमताको स्तर वर्षौँ पुरानो छ तर अहिले उहाँहरु पार्टीकोमहत्वपूर्ण जिम्मेवारीमा हुनुहुन्छ । जिम्मेवारी र क्षमतामा तालमेल नहुँदा माथिल्लो पद र हैसियतमा रहेका कैयन्कमरेडहरुले साब्गठानिक जिम्मेवारी पूरा गर्न नसक्ने अवस्था देखिएको छ ।
३- तुलनात्मकरुपले कनिष्ठ तर सक्रिय वा जिम्मेवारी पाउँदा धेरै काम गर्न सक्ने नयाँ तथा नौजवान कमरेडहरु र तुलनात्मक रुपले पुराना तर जिम्मेवारीअनुसार सक्रिय हुन नसकेका कमरेडहरुका बीचमा हुने अन्तरविरोधहरुले पनि माथिदेखि तल्ला कमिटीहरुमा समस्या देखिएका छन् ।
४- हामीले पार्टीको निर्माण माथिबाट गर्नु पर्ने थियो । धेरैजसो कमिटीहरु सम्पूर्णरुपले नयाँ बनाउनु पर्ने थियो । तर कसलाई कुन पद वा जिम्मेवारी दिने वा को कुन कमिटी वा कुन पदमा रहने भन्ने कुनै वस्तुगत आधार उपलब्ध थिएन । जसले गर्दा व्यक्तिको मूल्याब्कन मनोगत हुने अवस्था आयो ।
५- निर्वाचनमा उम्मेदवारी र राजनीतिक नियुक्तिमा माथिल्लो कमिटीमा रहेकाहरुले प्राथमिकता पाउने परिपाटी सबैजसो पार्टीमा छ, जुन एक हिसाबले स्वाभाविक पनि हो । त्यसको समाधान लोकतान्त्रिक पद्धतिको अभ्यास र त्यस क्रममा स्थापित मापदण्डबाट हुन्छ । तर हाम्रो पार्टीले त्यस्तो अभ्यास शून्यबाट सुरु गर्नु पर्ने भएको हुँदा माथिल्लो कमिटी वा पदमा पुग्नका लागि हुनेप्रतिस्पर्धालाई अझै व्यवस्थित गर्न सकिएको छैन ।
६ - पार्टी स्थापनाको समयको राजनीतिक तथा संवैधानिक आवश्यकताले हामी चुनावसम्मै जानेगरी गठबन्धन सरकारमा सामेल भयौँ । उक्त गठबन्धनमा बढि निर्भरता हुँदा पार्टी निर्माणको काम ओझेलमा पर्ने अवस्था आयो । स्थानीय र संघीय निर्वाचनमा हामीले अपेक्षित उपलब्धी हासील गर्न सकेनौँ ।
७- पार्टीमा उर्जा र आकर्षण कम हुँदै गयो । त्यसलाई चिरेर नयाँ उर्जा सिर्जना गर्न अझै धेरै परिश्रम गर्नु पर्नेछ ।
८- पार्टीको निर्माण माथिबाट गरिएको हुँदा समस्याको जरो पनि माथि नै थियो । सब्गठनको माथिल्लो तहमा नै समस्या भएपछि तल्ला कमिटीहरुलाई जनवादी केन्द्रियताअनुसार सञ्चालन गर्न कठिनाइहरु छन् ।
९- एउटा राम्रो पार्टी अनेकौँ कामहरुको एउटा सिब्गो प्रणाली हो । प्रणाली सुचारु नहुँदासम्म कमिटीमा व्यक्ति हावी हुने अवस्था आउँछ । हाम्रो पार्टी प्रणाली निर्माणकै क्रममा छ । त्यसैले कमिटी र पद्धतिमाथि व्यक्ति र तदर्थवाद हावी हुने अवस्था अझैसम्म कायम छ ।
१०- पार्टीमा रहेका उपरोक्त समस्याहरुको नकारात्मक प्रभाव जनसब्गठनमा पर्नु स्वाभाविक छ । केहि जनसब्गठनहरुले सन्तोषजनक काम गरेका छन्, केहि औपचारिकरुपमा चलेका छन् भने अरु समस्याग्रस्त छन्। सबैभन्दा चलायमान युवा र विद्यार्थीलाई जुन महत्वका साथ सञ्चालन गर्नु पर्थ्यो त्यो सकिएको छैन । आजको राजनीति र समाजका जटीलतालाई बुझ्न र चिर्न सक्ने युवा तथा विद्यार्थीहरुको राष्ट्रव्यापी परिचालन बिना पार्टीलाई अगाडि बढाउन असम्भवजस्तै कुरा हो । यसमा हाम्रा गम्भीर कमजोरी रहेका छन्।
११- संसद र संविधानको रक्षाका लागि उभिएको हुँदा राजनीतिक चेतना भएको जमात र सञ्चारमाध्यममा हाम्रो पार्टीप्रति पर्याप्त आकर्षण थियो । तर पार्टीमा विद्यमान साब्गठानिक तथा राजनीतिक कमजोरीहरुले गर्दा त्यो आकर्षण क्रमशः कमजोर हुँदै गएको छ ।
१२- सरकार र संसदमा हाम्रो उपस्थितिलाई मुलुकले एउटा क्रान्तिकारी विद्रोही पार्टीको रुपमा हेरेको थियो । यसबारे पार्टी नेतृत्वमा बेलाबेलामा गम्भीरतापूर्वक छलफल भएका छन्। तर संसद र सरकारमा पार्टीको अपेक्षित भूमिकालाई हामीले अझैसम्म स्थापित गर्न सकेका छैनौँ ।
![यस्तो छ आजको मौसम पूर्वानुमान](https://snowberry.prixacdn.net/media/gallery_folder/weather_2.jpg-6_4GA9YuaOFz_uzcuhoakewybcrrwxcrittubmtnqdzj0rqu3wprovniarlipun9nwsoetpgn_d4dw2j1z4r_glfeat2jok7oyouy6pwioc1qhocbudwcb9ekfwxad4m4vbgoiwo1wvityc9y.jpg)
यस्तो छ आजको मौसम पूर्वानुमान
![जीवनोपयोगी शिक्षाका अवसर जुटाउने विषय सरकारको प्राथमिकतामा छ- प्रधानमन्त्री ओली](https://snowberry.prixacdn.net/media/gallery_folder/Oli_1.jpg-11_VerMq6R9Zc_zukpi18wro73m95ba4rp0x1ioa61gy8sfrgrq3jingci9r8u1silrg5z95jb_Sjzkm4JHrz_qhaffngeabdnijcvv9sellctwyfbb3zypgetgz14qeliymjgrho8tboucaan.jpg)
जीवनोपयोगी शिक्षाका अवसर जुटाउने विषय सरकारको प्राथमिकतामा छ- प्रधानमन्त्री ओ…
![अर्थ समितिको बैठक बस्दै](https://snowberry.prixacdn.net/media/gallery_folder/Arth-samiti.jpg%2520(1)_kuAS03Re0W_v5rvetjpsbhh3e7vrrikdup1wna2zfycwrlnrh3lfiq7koehmohhnvo6bpms_TkOPHIlZGN_dwl8vykqrd2avsab3gg8o4jqfobq3s0xihtpgtka2yd2d8q3coomy5xwblma.jpg)
अर्थ समितिको बैठक बस्दै
![एकीकृत समाजवादीका अध्यक्ष माधवकुमार नेपाल नेपाल स्वदेश फिर्ता](https://snowberry.prixacdn.net/media/gallery_folder/madhav-rusa-1725692720.jpg_FaAwx6KdW6_cw033bhxru6vuarwnxcoems68hogq83wy5qluu7dn5sqp3htgi6it5dvh3cj_yITDJMcxYi_gvs3ocnfsche3zwahtjvzhatedieb9yssjhdbsfzgztjmsbn9tfxo4urpfa5.jpg)
एकीकृत समाजवादीका अध्यक्ष माधवकुमार नेपाल नेपाल स्वदेश फिर्ता
![नेवारी सभ्यता समाजवादसँग मिल्दोजुल्दो छ- प्रचण्ड](https://snowberry.prixacdn.net/media/gallery_folder/WhatsApp-Imagpg_684TToIBaQ_mcbqvzbid9doheng0o7pic442w3jvhy556qltmr0uqgfefdiyxsuvwexzsnq_uBL79lZUgd_rnzwq8mvw3ikuyovz2uk2en1xod5azqnka0vq5msvgqu1m3jhwngmmshbprx.jpg)
नेवारी सभ्यता समाजवादसँग मिल्दोजुल्दो छ- प्रचण्ड
![जब मोबाइलमा आफ्नै अश्लील भिडियो आयो…](https://snowberry.prixacdn.net/media/gallery_folder/mobile-phone_iwJrw4rHwh_ygqbcwydxwwwbupmgzmv3jvovmrjjwy63kisuatlsbh6pes5dh4g6sutpt0p_kZ4dQmkzZc_cieqzlsljzj1xxaciscbithgiai8esnkicerp8wxvwyuzbqhegt2aeuo8uug.jpg)
जब मोबाइलमा आफ्नै अश्लील भिडियो आयो…
![पोलाइन्ड नामक लागुपदार्थ सहित एक जना पक्राउ](https://snowberry.prixacdn.net/media/gallery_folder/polind-laguausadh_Sh9NZuGG6R_wceni4veckjougm4dl33tp1x9tcnjwesmcp4eie929svicbaow09ug5inkab_Fql2hupODN_khovzlhpngus1a9hlahv2hfgbqhtmieymaph4dazqrfquftxeelsmbqdpnso.jpg)
पोलाइन्ड नामक लागुपदार्थ सहित एक जना पक्राउ
![फेसबुकले माग्यो माफी, फर्कायो बालेनको पोस्ट](https://snowberry.prixacdn.net/media/gallery_folder/Balen-sta_M7PkZoJxkr_w2qwqctymflxt54h5ua8typdjlziyiqzsih1v8qejor40qcqruseieqqrdhy_kHelRsa9xG_yoizbdc3499g2of9jd6chjj1nbhkb3zfbiivmm4unrka02f4lvse9egjvwk8.jpg)
प्रतिक्रिया