भारतले बेच्यो फिलिपिन्सलाइ सुपरसोनिक क्रुज मिसाइल, रक्षा निर्यात ३२.५ प्रतिशतले बृद्दी
![](https://snowberry.prixacdn.net/media/gallery_folder/2024_4image_21_53_36170532900_KfioA7U1Jp_igq5xl8vn6nzquzdyofezhvroy5jjuqzhyutwz1lj34ucvev8e7xid0uzkbo_bn7cXmMM2O_atrxjmqnjnm6wes3jf16ncvswfr0cdmx5fxyrta2ptmddtkz7sdz4s7yvffi.jpg)
नयाँदिल्ली। भारतले शक्तिशाली ब्रह्मोस सुपरसोनिक क्रुज मिसाइलको पहिलो ब्याच फिलिपिन्सलाई हस्तान्तरण गरेको छ । सो निर्यात पछि भारतको रक्षा निर्यातमा ठूलो कदमको रूपमा हेरिएको भारतीय सञ्चारमाध्यमले जनाएका छन् । भारतीय वायुसेनाले विशेष विमानबाट मिसाइलहरू फिलिपिन्समा पुर्याएको देख्न सकिन्छ। यस अवधिमा भारत र फिलिपिन्सका अधिकारीहरूले एकअर्कालाई मिठाई खुवाएका थिए ।
चीनसँग विवाद चलिरहेको बेला फिलिपिन्सले भारतबाट क्रुज मिसाइल प्राप्त गरेको हो । दक्षिण चीन सागरमा फिलिपिन्स र चीनका नौ सेनाहरू दिनहुँ आमनेसामने भइरहेका छन्। यो विश्वास गरिन्छ कि फिलिपिन्सले यी क्षेप्यास्त्रहरू चीनतर्फ तैनाथ गर्न सक्छ, जसले गर्दा उसले आफूलाई चिनियाँ सेनाबाट बचाउन सक्छ। दुई वर्षअघि भारत र फिलिपिन्स बीच क्रुज मिसाइलको सम्झौता भएको थियो । यो सम्झौता ३७५ मिलियन डलरको थियो।
भारतीय वायुसेनाको सी १७ ग्लोबमास्टर कार्गो विमान ब्रह्मोस मिसाइलको पहिलो खेप लिएर शुक्रबार फिलिपिन्स पुगे पछि भारतीय नौ सेनामा खुसीयाली छाएको छ । भारतीय टोलीमा वायुसेना, नौसेना र ब्रह्मोस मिसाइलको टोली समावेश थियो, जुन डिलिवरीका लागि अर्को एसियाली देश पुगेको हो । मिसाइलहरू फिलिपिन्स मरीन कोर्प्सलाई हस्तान्तरण गरिएको थियो। यस क्रममा भारतीय टोलीमा सामेल अधिकारीहरूले फिलिपिन्स मरीन कोरका सैनिकहरूलाई मिठाई खुवाएर मिसाइल प्राप्त गरेकोमा बधाई दिए।
के छ ब्रह्मोसको विशेषता ?
फिलिपिन्सबाहेक अर्जेन्टिना जस्ता देशले पनि ब्रह्मोस मिसाइल खरिद गर्न चासो देखाएका छन् । ब्रह्मोस एरोस्पेस प्राइभेट लिमिटेड, भारत र रुसको संयुक्त उद्यमले ‘ब्रह्मोस सुपरसोनिक क्रुज मिसाइल’ उत्पादन गर्छ। यो मिसाइल पनडुब्बी, जहाज, विमान वा ल्याण्ड प्लेटफर्मबाट प्रक्षेपण गर्न सकिन्छ। ब्रह्मोस मिसाइलको गति २।८ म्याच छ वा यसले आवाजको तीन गुणा गतिमा लक्ष्यमा आक्रमण गर्न सक्छ ।
भारतको रक्षा निर्यात एक वर्षमा ३२.५ प्रतिशतले बृद्दी
भारतको रक्षा निर्यात हरेक वर्ष बढिरहेको छ । आर्थिक वर्ष २०२३–२४ मा भारतले २ अर्ब ६३ करोड डलर अर्थात २१ हजार ८३ करोड रुपैयाँ बराबरको हतियार र रक्षा उपकरण विदेशमा निर्यात गरेको थियो । अघिल्लो वर्षको तुलनामा ३२.५ प्रतिशतले वृद्धि भएको थियो । प्रधानमन्त्री नरेन्द्र मोदीको नेतृत्वमा रहेको सरकारको १० वर्षे कार्यकालमा भारतको रक्षा निर्यात तीव्र गतिमा बढेको छ । आर्थिक वर्ष २०१३–१४ को तुलनामा विगत १० वर्षमा रक्षा निर्यात ३१ गुणा बढेको छ ।
![भीषण आगलागीका कारण क्यानडाको ऐतिहासिक सहर ज्यास्पर आधा ध्वस्त](https://snowberry.prixacdn.net/media/gallery_folder/canada-aaglagi_NTYr0r4CcI_2tyaieqima07dmqcj4fr9mhrnx4n0agbfc8tzosukkds70oexrhruesrartg_sowHPsSgvH_n6fd92rf9gawjpmyv8anypfhzerdkvfrhlpy8efnyk5kulwikls2lxr4rnec.jpg)
भीषण आगलागीका कारण क्यानडाको ऐतिहासिक सहर ज्यास्पर आधा ध्वस्त
![कमला ह्यारिसलाई ओबामाको समर्थन](https://snowberry.prixacdn.net/media/gallery_folder/Kamala.jpg_1fGqk7Z67r_bnj5sbj6852pn0uhbctu8j8vnmdzk8pjzszvlrc0xc8c02gtzjtkcla0xvhn_q5eW4sOqSc_r3jejtgtydxm4zyor8cl0b4gpddop6iun9bk0s9f2bycaq4rhdwk2cobc7wk.jpg)
कमला ह्यारिसलाई ओबामाको समर्थन
![गाजामा पाँच बन्धक मृत भेटिए](https://snowberry.prixacdn.net/media/gallery_folder/gaja-five_nj8wT1JIcN_rrdwdyi7etob81rgjgpieskovvztiaxfm6t3qaqsmlpdfiziasrccewodh7a_akWIWDfesU_ot4uos4h8c6bixvxgvpuwrgy0pahfg3pzdlwbpep5ncbjfanqvsqckbrvjrt.png)
गाजामा पाँच बन्धक मृत भेटिए
![मौरिटानियामा आप्रवासी चढेको जहाज दुर्घटना: २५ जनाको मृत्यु, १९० बेपत्ता](https://snowberry.prixacdn.net/media/gallery_folder/Boat.jpg_mDvE6MiPlg_lsxr6sippzt1pkopziceqrxiez6y94eyxstpjgsoaycfz90f50uk0y4ibsxy_DicK8blx74_1z1zvidrgqe9yyjxopmdnsjcdxrjdgrbjvghdvu1xzvv0yea3wtwycqauzom.jpg)
मौरिटानियामा आप्रवासी चढेको जहाज दुर्घटना: २५ जनाको मृत्यु, १९० बेपत्ता
![‘कमला ह्यारिसको गाउँ’, जहाँका बासिन्दा उनलाई जिताउन गरिरहेका छन् पूजापाठ](https://snowberry.prixacdn.net/media/gallery_folder/67_KXIWAfueUp_yakmddkbrip0cvr5gdsazdimly2zkmbiseik1rglbbanojlwagrkfupngkce_TpXOU2XWIW_rxaupoxl4q7fyoz8da50ahomtaszfois9od4hilvdibs1midl9h5trc3sioc.jpg)
‘कमला ह्यारिसको गाउँ’, जहाँका बासिन्दा उनलाई जिताउन गरिरहेका छन् पूजापाठ
![ट्रम्पलाई कडा चुनौती दिदै ह्यारिस, सर्वेक्षणमा अगाडी](https://snowberry.prixacdn.net/media/gallery_folder/Kamala_Trump_1.jpg_BTppK0GMbR_oemch8ahitqvx4y4tlai7vhcyakr65ibxx84jmspvdx3vbdr9xtutzmk5t3i_HPcObRQs89_ydkbvnphdijrm784r5cj5wdhvefw7exx8cbxer9ipvvu6dfrvkfv1tjooo2c.jpg)
ट्रम्पलाई कडा चुनौती दिदै ह्यारिस, सर्वेक्षणमा अगाडी
![इथियोपियामा भीषण पहिरो, अहिलेसम्म २२९ शव निकालियो](https://snowberry.prixacdn.net/media/gallery_folder/Ethiopia_BRHI4ayQem_3rypowwgsmpx1wmrtllxmzjorwjxihbkdbbst8rvcpmj92bfku458hlalm0e_n2Km8BO5t5_mwjohonpquu6vadzcwutt1wztfazsp9fdtxxvl8aa9tysiqvj8vtqaaloha5.jpg)
प्रतिक्रिया