भाैतिक पूर्वाधार संगै गुणस्तरीय शिक्षामा अब्बल इटहरीस्थित पाथीभरा स्कुल

इटहरी / इटहरीको सबैभन्दा पुरानो स्कुलको रूपमा चिनिएको पाथीभरा सेकेन्डरी स्कुल भाैतिक पूर्वाधार संगै गुणस्तरीय शिक्षामा पनि अब्बल देखिएको छ । २०४८ सालमा स्थापना भएको यो स्कुलले पछिल्लो समय प्रविधिमैत्री शिक्षालाई जोड दिँदै आएको छ । 

हरेक कुरालाई प्रविधि सँग जोडेर विद्यार्थीहरूलाई संस्कार सहितको गुणस्तरीय शिक्षा प्रदान गर्नेमा पाथीभरा पहिलो नम्बरमा आउने गर्दछ । पछिल्लो ५ वर्ष यता भौतिक पूर्वाधारमा उल्लेखनीय फड्काे मारेको यस स्कुलले विद्यार्थीहरू संगै अभिभावकहरूको पनि मन जित्दै लगेको छ । २०४८ सालमा स्थापना भएको यो निजी स्कुलले २०७३ सालबाट नयाँ व्यवस्थापन आएपछि छुट्टै पहिचान बनाउन सफल भएको हो ।

हाल विद्यालयमा ८ सय भन्दा धेरै विद्यार्थीहरू अध्ययनरत छन् । पछिल्लो व्यवस्थापन आएसँगै शैक्षिक तथा पूर्वाधार विकासमा पनि विद्यालयले उल्लेख्य प्रगति गरिरहेको छ ।नयाँ व्यवस्थापनबाट चल्नासाथ विद्यालयले नयाँ ढंगले सिकाई प्रणालीलाई विकास गर्न विद्यालयले अन्तर्राष्ट्रिय शिक्षण पद्धति बुझेका प्रधानाध्यापक गोपाल श्रेष्ठलाई विद्यालयमा भित्राएपछि स्तरोन्नति संगै एकाएक फड्काे मारेको हो । 

भारतको नयाँ दिल्लीमा अध्ययन गरेका श्रेष्ठ नर्वे र खाडीको विकसित राष्ट्र दुबईमा अमेरिकन कलेजमा अध्यापन गराएर इटहरीमै अन्तर्राष्ट्रिय स्तरको शिक्षा दिन आइपुगेका हुन । अहिले विद्यालयमा ७ वटा बसहरू सञ्चालन छन् । यो शैक्षिक सत्र २०८१ देखि सङ्ख्या बढाएर १० वटा बनाउने योजना रहेको पाथीभरा स्कुलका अध्यक्ष निर्मल रिजालले बताए । कसरी हुन्छ विद्यार्थीहरूलाई किताबको ज्ञान संगै व्यवहारिक ज्ञान दिएर सामाजिक तथा अन्य क्षेत्रमा पनि अब्बल बनाउँदै लैजाने यस विद्यालयको उद्देश्य रहेको अध्यक्ष निर्मल रिजालले बताए ।

यो सँगसँगै विद्यालयले हप्ताको एक दिन शुक्रवार बुकलेस कार्यक्रम राखेर विद्यार्थीहरूलाई विभिन्न व्यवहारिक ज्ञान र सिपमूलक शिक्षा प्रदान गर्दै आएको अध्यक्ष रिजाल बताउँछन् । संगै विद्यालयमा यसै वर्षदेखि फुटबल , भलिबल , बास्केटबल , क्रिकेट , ब्याडमिन्टन लगायतका प्रक्षिकहरू राखेर विद्यार्थीहरूलाई खेल क्षेत्रमा पनि त्यतिकै अब्बल बनाउने योजना रहेको अध्यक्ष रिजाल बताउँछन् । 

यता विद्यालयका प्रधानाध्यापक डा. गाेपाल श्रेष्ठले विद्यालय उत्कृष्ट हुनलाई भिजन भएर मात्रै पनि नहुने बताए । शिक्षकहरू पनि उत्तिकै उत्कृष्ट र शिक्षणप्रति उत्तरदायी हुन जरुरी छ । “हामीले मन्टेश्वरीमा हरेक हप्ता टिचर ट्रेनिङ आयोजना गर्ने गरेका छौँ । हरेक शिक्षकले विद्यालयमै बसेर लेसन प्लान बनाउनुहुन्छ । उहाँहरूको लागि प्लानर बुक व्यवस्था गरिदिएका छौँ । ” प्रधानाध्यापक श्रेष्ठ भन्छन् । मन्टेश्वरी देखिनै बालबालिकाले खोजे अनुसारको वातावरण प्रदान गरिएको प्रिन्सिपल डाक्टर गोपाल श्रेष्ठले जानकारी दिए । उनका अनुसार मन्टेश्वरीका बालबालिकालाई खेल्दै पढ्न सक्ने र संस्कार सिकाउने विषयमा पाथीभराले कुनै कसर बाँकी राखेको छैन । पुस्तकको औपचारिक शिक्षाले भन्दा पनि प्रविधि सँग सम्बन्धित सिकाइ बढी प्रभावकारी हुने डाक्टर श्रेष्ठको बुझाइ छ ।

प्रतिक्रिया

सम्बन्धित

अतिक्रमित सयौं बिघा जमिन खाली गराउन सुदूरपश्चिम विश्वविद्यालयले चाल्याे यस्ताे कदम

अतिक्रमित सयौं बिघा जमिन खाली गराउन सुदूरपश्चिम विश्वविद्यालयले चाल्याे यस्ताे…

पाथीभरा स्कुलमा कक्षा ६ का बिद्यार्थीहरूलाई स्टिम एजुकेसन

पाथीभरा स्कुलमा कक्षा ६ का बिद्यार्थीहरूलाई स्टिम एजुकेसन

विश्व वातावरण दिवसमा पिसजाेनका विद्यार्थीहरूले गरे नगर सरसफाइ सँगै वृक्षारोपण (तस्विरहरू)

विश्व वातावरण दिवसमा पिसजाेनका विद्यार्थीहरूले गरे नगर सरसफाइ सँगै वृक्षारोप…

विश्व वातावरण दिवशमा पाथीभरा स्कुलका बिद्यार्थीहरूले गाैशाला पुगेर गरे वृक्षाराेपण र डस्टविन बितरण

विश्व वातावरण दिवशमा पाथीभरा स्कुलका बिद्यार्थीहरूले गाैशाला पुगेर गरे वृक्षा…

इटहरीको शिक्षा सुधार गर्न ३६ सामुदायिक विद्यालयको एउटै संकल्प

इटहरीको शिक्षा सुधार गर्न ३६ सामुदायिक विद्यालयको एउटै संकल्प

विश्व वातावरण दिवसमा सिबि स्कुलका विद्यार्थीहरूले गरे नगर सरसफाइ

विश्व वातावरण दिवसमा सिबि स्कुलका विद्यार्थीहरूले गरे नगर सरसफाइ

हिसानकाे बुद्धिचाल प्रतियोगितामा ग्रिन पिसका विशेष प्रथम

हिसानकाे बुद्धिचाल प्रतियोगितामा ग्रिन पिसका विशेष प्रथम

बिद्यार्थी नेतृत्वकाेलागि पिसजाेनमा ११ गते निर्वाचन हुने : १२ पदकालागि ५१ जनाकाे उम्मेद्वारी

बिद्यार्थी नेतृत्वकाेलागि पिसजाेनमा ११ गते निर्वाचन हुने : १२ पदकालागि ५१ जन…