एससीसी प्रियिमर कप क्रिकेटमा नेपालको विजयी सुरुआत, मलेसियालाई पाँच विकेटले हरायो
![](https://snowberry.prixacdn.net/media/gallery_folder/nepal-_3lWx3dnAb1_kxwa1hos0ytie1ciqb5k40lutgbagji8nfzs3vdws4ygjocdncntg8lwlmr3_4AYEBQfYvX_w7mezwukf7uxrnao9yqbgtvzan6lfffqy9mb9nryusi4uny1lbrt2ummkq4j.jpg)
काठमाडौँ । ओमानमा जारी एसीसी पुरुष प्रिमियर कप क्रिकेट प्रतियोगितामा नेपालले विजयी सुरुआत गरेको छ । नेपालले शुक्रबार खेलिएको आफ्नो पहिलो खेलमा मलेसियालाई पाँच विकेटले हराएको हो । नेपाल प्रतियोगिताको साविक विजेता पनि हो । टस जिती पहिले ब्याटिङको निर्णय लिएको मलेसियाले निर्धारित ओभरमा तीन विकेट गुमाएर एक सय ४३ रन बनाएको थियो । जवाफी ब्याटिङमा ओर्लिएको नेपालले १९.२ ओभरमा पाँच विकेट गुमाएर विजयलक्ष्य पुरा गरेको हो ।
नेपालको जितमा ओपनर आसिफ शेखले ३२ रनको योगदान गरे । उनले ३५ बलमा चार चौका प्रहार गरे । कप्तान रोहित पौडेलले पनि २८ रन बनाए । उनले २४ बलमा एक छक्का प्रहार गरे । ओपनर कुशल भुर्तेलले २४ रन जोडे । उनले २४ बलमा तीन चौका प्रहार गरे । दीपेन्द्रसिंह ऐरीले पनि टोलीको खातामा २० रन थपे । आक्रामक रुपमा प्रस्तुत भएका दीपेन्द्रले केवल ११ बलमा एक छक्का र दुई चौका प्रहार गरे । गुलसन झाले अविजित १९ रन बनाए । उनले केवल सात बलमा दुई छक्का र एक चौका प्रहार गरे ।
सन्दीप जोरा पनि केवल नौ बलमा अविजित १२ रनको योगदान गरे । कुशल मल्लले पनि सात रन बनाए । नेपालले अतिरिक्त रुपमा केवल दुई रन पाएको थियो । मलेसियाका बलर विरेनदीप सिंहले तीन तथा पवनदीप सिंह र मुहम्मद वाफिकले एक–एक विकेट लिए । पहिले ब्याटिङ गरेको मलेसियाका लागि भने ओपनर ब्याट्सम्यान वीरेनदीप सिंहले अविजित ७२ रनको योगदान गरेका थिए । उनले केवल ५७ बलको सामना गरी चार छक्का र चार चौका पनि हिर्काएका थिए । तेस्रो नम्बरका ब्याट्सम्यान श्रविन मुनियान्डीले पनि टोलीको खातामा ४१ रन थपे ।
श्रविनले केवल ३३ बलको सामना गरी दुई छक्का र तीन चौका हिर्काएका थिए । ओपनर मुहम्मद अमिरले १६ र नजमस सकिबले अविजित तीन रन बनाए । नेपाली टोलीका बलर दीपेन्द्रसिंह ऐरीले दुई र अविनाष बोहराले एक विकेट लिएका थिए । नेपालले पहिलो विकेटका रुपमा ओपनर ब्याट्सम्यान कुशल भुर्तेललाई गुमाएको थियो । कुशल भुर्तेल २४ रन बनाउँदै पेभेलियन फर्किएका थिए । उनले २४ बलको सामना गरी तीन चौका पनि हिर्काएका थिए । उनलाई मलेसियाका बलर पवनदीप सिंहले एलबीडब्लूको धरापमा पारेका थिए । ७.५ ओभरमा कुशल भुर्तेल आउट हुँदा नेपालले ४९ रन बनाएको थियो ।
नेपालले दोस्रो विकेटका रुपमा ओपनर ब्याट्सम्यान आसिफ शेखलाई गुमाएको थियो । विकेटकिपर ब्याट्सम्यान आसिफ शेख ३२ रन बनाउँदै पेभेलियन फर्किएका थिए । उनले ३५ बलको सामना गरी चार चौका पनि हिर्काएका थिए । उनलाई मलेसियाका बलर वीरेनदीप सिंहले विकेटकिपर नजमस सकिबद्वारा स्टम्पिङ गराएका थिए । ११.१ ओभरमा आसिफ शेख आउट हुँदा नेपालले ६४ रन बनाएको थियो ।
नेपालले तेस्रो विकेटका रुपमा कुशल मल्ललाई गुमाएको थियो । चौथो नम्बरमा क्रिज समाल्न आएका कुशल मल्ल ६ बलमा एक चौकाको मद्दतले सात रन बनाउँदै आउट भएका थिए । उनलाई मलेसियाका बलर मुहम्मद वाफिकले परिवर्तित खेलाडी जुबैदीद्वारा क्याच गराएका थिए । १३.२ ओभरमा कुशल मल्ल आउट हुँदा नेपालले ८३ रन बनाएको थियो ।
नेपालले चौथो विकेटका रुपमा कप्तान रोहित पौडेललाई गुमाएको थियो । तेस्रो नम्बरमा क्रिज समाल्न आएका रोहित २८ रन बनाउँदै आउट भएका थिए । रोहितले २४ बलमा एक छक्का पनि हिर्काएका थिए । उनलाई मलेसियाका बलर विरेनदीप सिंहले मुनियान्डीद्वारा क्याच गराएका थिए । १६.१ ओभरमा रोहित आउट हुँदा नेपालले १०७ रन बनाएको थियो ।
त्यसलगत्तै नेपालले पाँचौँ विकेटका रुपमा दीपेन्द्रसिंह ऐरीलाई गुमाएको थियो । पाँचौँ नम्बरमा क्रिज समाल्न आएका दीपेन्द्र २० रन बनाउँदै आउट भएका थिए । उनले केवल ११ बलको सामना गरी एक छक्का र दुई चौका पनि हिर्काएका थिए । उनलाई मलेसियाका बलर विरेनदीपले मुनियान्डीद्वारा क्याच गराएका थिए । १७औँ ओभरको अन्तिम बलमा दीपेन्द्र आउट हुँदा नेपालले ११४ रन बनाएको थियो ।
त्यसअघि पहिले ब्याटिङ गरेको मलेलियाको पहिलो विकेट नेपाली टोलीका बलर दीपेन्द्रसिंह ऐरीले लिएका थिए । दीपेन्द्रले मलेसियाका ओपनर मुहम्मद अमिरलाई १६ रनको ब्यक्तिगत स्कोरमा आउट गराएका थिए । दीपेन्द्रले आफ्नो बलिङमा अमिरको क्याच आफैले लिएका थिए । पेभेलियन फर्किनुअघि अमिरले १८ बलमा तीन चौका पनि हिर्काएका थिए । ५.१ ओभरमा अमिर आउट हुँदा मलेसियाले ३५ रन बनाएको थियो ।
मलेसियाको दोस्रो विकेट अविनाष बोहराले लिएका थिए । उनले मेलियाका तेस्रो नम्बरका ब्याट्सम्यान श्रविन मुनियान्डीलाई बोल्ड गरेका थिए । पेभेलियन फर्किनुअघि श्रविनले ४१ रन बनाएका थिए । उनले केवल ३३ बलको सामना गरी दुई छक्का र तीन चौका पनि हिर्काएका थिए । १६.१ ओभरमा श्रविन आउट हुँदा मलेसियाले एक सय १७ रन बनाइसकेको थियो ।
मलेसियाको तेस्रो विकेट दीपेन्द्रसिंह ऐरीले लिएका थिए । उनले मलेसियाका चौथो नम्बरका ब्याट्सम्यान सइद अजिजलाई कुशल मल्लद्वारा क्याच गराएका थिए । पेभेलियन फर्किनुअघि अजिजले सात बलमा एक चौकाको मद्दतले ६ रन बनाएका थिए । दीपेन्द्रले ब्यक्तिगत रुपमा लिएको यो दोस्रो विकेट थियो । १७.५ ओभरमा अजिज आउट हुँदा मलेसियाले एक सय २६ रन बनाएको थियो । मलेसियाले टस जिती पहिले ब्याटिङको निर्णय लिएको हो ।
वैशाख ९ गतेसम्म सञ्चालन हुने प्रिमियर कपको दोस्रो संस्करणमा १० टोलीको सहभागिता रहेको छ । प्रिमियर कपको पहिलो संस्करणको उपाधि नेपालले जितेको थियो । अघिल्लो वर्ष घरेलु मैदानमा आयोजित प्रिमियर कपको फाइनलमा नेपालले संयुक्त अरब इमिरेट्स (यूएई) लाई सात विकेटले हराएको थियो ।
![युइएफए नेसन्स लिग: इटालीको उत्कृष्ट प्रदर्शन, फ्रान्सलाई ३-१ ले पराजित](https://snowberry.prixacdn.net/media/gallery_folder/Italy.jpg-2_rhZi5rSiVY_bddopog500qpjr0fmghbsy00bklrzvpd097iunrzwdojosecvcw7swk6kukh_0QcM0fFsfU_q6ouxqu8rbhzjefyec1hpgkjdwtbpfyc4vewloof580cb7wydphkatdnzuap.jpg)
युइएफए नेसन्स लिग: इटालीको उत्कृष्ट प्रदर्शन, फ्रान्सलाई ३-१ ले पराजित
![श्रीलंका डेभलपमेन्ट स्क्वाडसँग नेपाल पराजित](https://snowberry.prixacdn.net/media/gallery_folder/Can_1.png-2_7y4XYp1wQ9_rvyfb36puv7vjufodnrebsu5tr6yjcwtmgkqdnrczwmc4ka11kz8mbbrruvn_xmB8hdQFbQ_iraaog3urdijn0pzvww5ffriwnrcremdkkh9xurv9zl64a3om7cykooxjf9a.png)
श्रीलंका डेभलपमेन्ट स्क्वाडसँग नेपाल पराजित
पलेशालाई प्रचण्डको सम्मान
![रोनाल्डो बने ९०० गोल पूरा गर्ने पहिलो खेलाडी, पोर्चुगल विजयी](https://snowberry.prixacdn.net/media/gallery_folder/Ro_GH4BqtHGm1_irizvysvhkgfrkgxw32ksogmpziwnehzq8zmiwjns3xbfct7uge5wliu19ai_vg3n9hD5Yt_smxfoam6ihmujphui48io0xrmmbnqmpu5kokb0dlwfan4h3j5ogawzq4lckd.png)
रोनाल्डो बने ९०० गोल पूरा गर्ने पहिलो खेलाडी, पोर्चुगल विजयी
![क्रोसियामाथि पोर्चुगलको सहज जित, रोनाल्डोले पुरा गरे ९०० गोल](https://snowberry.prixacdn.net/media/gallery_folder/Portugal.jpg-3_MmABFil5a2_6o8gvtqzjrek7d44gd3mq891kp8svyvepkpozot4qflpyph4mi07ahkmgmcw_zKQkGOJ1tG_8fndwok5kbp3vdtxkux5wq9zdsefiig8rahtsowyycybovbsg0lvbkgjfy0l.jpg)
क्रोसियामाथि पोर्चुगलको सहज जित, रोनाल्डोले पुरा गरे ९०० गोल
![क्रोसियामाथि पोर्चुगलको सहज जित, रोनाल्डोले पुरा गरे ९०० गोल](https://snowberry.prixacdn.net/media/gallery_folder/Portugal.jpg-3_MmABFil5a2_6o8gvtqzjrek7d44gd3mq891kp8svyvepkpozot4qflpyph4mi07ahkmgmcw_OMjQWIMcv2_skthqeyifcspkhs2l8k3g9laa7s8dttpri996seidxz6pgh6wskuz9axlx4c.jpg)
क्रोसियामाथि पोर्चुगलको सहज जित, रोनाल्डोले पुरा गरे ९०० गोल
![श्रीलंकामा नेपाली राष्ट्रिय क्रिकेट टिमले अभ्यास खेल खेल्दै](https://snowberry.prixacdn.net/media/gallery_folder/New_nepali_cricket_Team_krar4DWMSN_7pbn0kzx3y1ctvzzw1tqnk8bvojrqbfxudfbopjnbg9lquivhk1k30lzkvya_DHRgePZfGG_qp0jllaezxn4tcjruyvog48nhiebkzo5idwa82ybdy3ovph5vasyaiadosrw.jpg)
श्रीलंकामा नेपाली राष्ट्रिय क्रिकेट टिमले अभ्यास खेल खेल्दै
![विश्व फुटबलमा रोनाल्डो र मेसीको 'इरा' सकिएको हो ?](https://snowberry.prixacdn.net/media/gallery_folder/Messi_ronaldo.png_EZZlWvzKGy_blh1ey35pkfgr3qxqq64li4yyi3qteseukfirfmwkkhkn4nqjnuo5qaqg8cg_DXuPMKZs1x_8zufreur8zpq7ynyarvhmszc4ctlu04dffctosszja5laoq7r0rsygxws4n1.png)
प्रतिक्रिया