इटहरीमा अवैध म्यानपावर छ्यापछ्याप्ती : कार्वाहीमा परेका शाखाहरूकै रजगज ,ठगिदै सर्वसाधरण
कता हरायाे फि भिसा र फ्रि टिकट याेजना ?
इटहरी । सम्बन्धित सरोकारवालाहरूले नियमित अनुगमन र चासो नराख्दा इटहरीमा अवैध म्यानपावरहरू खुल्ने क्रम बढ्दो छ । २०७७ ।७८ मा इटहरी भित्र ७३ वटा म्यानपावरका शाखाहरू सञ्चालनमा थिए भने सो सङ्ख्या ८०।८१ मा आइपुग्दा दुई गुणा बढेको पाइएको छ । वैदेशिक रोजगार सङ्घ सुनसरीका अनुसार हाल इटहरीमा २१५ वटा भन्दा बढी म्यानपावरहरू सञ्चालित छन् ।
तर सबै शाखाहरू नियम सङ्गत छैनन् । इटहरीको धरान रोडमा मात्रै ४२ वटा वैदेशिक रोजगार कम्पनीका शाखाहरू सञ्चालनमा छन् । गएको ८० वैशाख दोस्रो साता वैदेशिक रोजगार विभाग ,श्रम कार्यालय विराटनगर , जिल्ला प्रशासन कार्यालय सुनसरी लगायतले संयुक्त अनुगमन गर्दा इटहरीमा अधिकांश म्यानपावर अवैध ठहरिएका थिए । ९ वटा अनुगमन गर्दा ५ वटा अवैध भेटिनुकासाथै ३ वटामा सिल नै गरिएको थियो ।
वैदेशिक रोजगार विभागका निर्देशक कृष्ण प्रसाद भुसालको नेतृत्वमा भएको अनुगमनमा इटहरीको धरान रोड , विराटनगर लाइन , टेङ्ग्रा पारी , गोरखा गल्ली लगायतका स्थानमा सञ्चालित म्यानपावरका शाखाहरूमा अनुगमन गरिएको थियो । अनुगमनकै क्रममा महेश थापाद्वारा सञ्चालित एडभान्स म्यानपावर , विदुर गुरुङको वर्ल्ड एन्ड वर्ल्ड म्यानपावर , टिकाराम घिमिरेले सञ्चालन गरेको डिलक्स परि म्यानपावर , त्यसै गरी मोभिरा एच आर ओभरसिज र ब्रिज स्काइ इन्टरनेशनलमा ताला लगाइएको थियो ।
जसमा मोभिरा एच आर र ब्रिज स्काइ इन्टरनेश्नललाइ सिल नै गरिएको थियो । त्यस्तै गएको ७८ असारमा अनुगमन हुँदा पनि मोभिरालाइ ताला लगाएर विभाग बोलाइएको थियो । एक वर्ष अघि सिल भएका यी म्यानपावर कम्पनीहरू अहिले निर्बाध रूपमा सञ्चालन भइरहेका छन् । अनुगमन आउँदा ताला लगाएर जान्छ त्यसको भोलिपल्टै उहाँहरूले फुटाएर पहिले जस्तै सञ्चालन गर्नुहुन्छ एक म्यानपावर व्यवसायीले आफ्नो नाम नबताउने सर्तमा बताए ।
यता वैदेशिक रोजगार सङ्घ सुनसरीका अध्यक्ष दुर्गा थापाका अनुसार इटहरीमा अवैध म्यानपावरका कारण आफूहरूलाई पनि काम गर्न अफ्ठेरो भइरहेको बताउँछन् । यस अघि सङ्घमा भक्त लामा अध्यक्ष थिए । लामा इटहरी ४ का वडाध्यक्षमा निर्वाचित भएपछि थापालाई सङ्घको जिम्मेवार दिएका थिए । उनै थापालाई सम्पर्क गर्दा पटक पटक अनुगमन गर्दा पनि नसुध्रिने व्यवसायीहरूलाई समातेर कानुन सम्मत सजाय दिलाइनुपर्ने बताए । उनले अवैधानिक मेन पावरका कारण वैधानिक पाएका म्यानपावरका शाखाहरू बदनाम हुने गरेको बताउँदै त्यस्ता गैर कानुनी व्यवसाय गर्नेहरूलाई राज्यले छानी छानी कानुनको दायरामा ल्याउनुपर्ने बताए ।
यता वैदेशिक रोजगार विभागका अनुगमन अधिकृत चक्रबहादुर श्रेष्ठ सँग सम्पर्क गर्दा उनले इटहरी मात्र नभई कोशी प्रदेशमै यस्तो गुनासो आइरहेको बताए । उनले अनुगमन गर्ने विषयमा आफुहरू सतर्क साथसाथै नियमित गर्ने बताए । कोसी प्रदेशमा मात्र गएको ७९ ।८० मा २६३ भन्दा बढी म्यानपावर कम्पनीका शाखाहरूलाई कार्वाहि गरिसकेको उनले बताए । अधिकृत श्रेष्ठले इटहरीको हकमा सिल गरिसकेको म्यानपावरका शाखा सञ्चालन भएको पाइए कानुन अनुसारको सजाय भोग्न तयार रहनुपर्ने चेतावनी दिए ।
ठगिँदै सर्वसाधारण
इटहरीमा बाहिर एउटा बोर्ड राखेर भित्र अर्कै नाममा सञ्चालन हुने म्यानपावरका शाखाहरू पनि थुप्रै रहेका छन् । यस्ता म्यानपावरहरूका कारण वर्षेनी २६ हजार युवा युवतीहरू ठगिने क्रम बढ्दो रहेको श्रम कार्यालयको तथ्याङ्कमा उल्लेख गरिएको छ । इटहरी चारैतिरको सङ्गम स्थल भएकै कारण विशेष गरी पहाडी भेगबाट आएका युवा युवतीहरू ठगिने गरेको तथ्याङ्कमा उल्लेख छ । अनुगमनकै क्रममा अधिकांश शाखाहरूले हुँदै नभएको अरू विदेशी कम्पनीको डिमान्ड चोरी गरी सूचना निकाल्दै सर्वसाधारणलाई ठग्ने गरेको भेटिएको थियो ।
वैदेशिक रोजगार सङ्घ सुनसरीका पूर्व अध्यक्ष तथा इटहरी ४ का वडाध्यक्ष भक्त लामाका अनुसार राज्यबाटै वैदेशिक रोजगार ब्यवसायहरूकालागि ठोस कानुन निर्धारित नहुँदा यो समस्या देखिएको बताए । अवैध म्यानपावर इटहरीमा छैन भन्दिन तर तिनीहरूलाई पटक पटक अनुगमन गर्दै छाडने काम विभागबाटै हुने गरेको छ उनले भने ।
फ्री भिसा फ्री टिकट कार्यान्वयन छैन
इटहरीमा सञ्चालित म्यानपावर शाखाहरूले सरकारले विभिन्न ७ मुलुकहरूमा फ्री भिसा र टिकटमा नेपाली कामदार पठाउने निर्णय गरे पनि अहिलेसम्म सो निर्णय कार्यान्वयन गर्न सकेका छैनन् । निर्णय कार्यान्वयन नगर्दा चर्को मूल्य तिर्नु परिरहेको सर्वसाधारणले गुनासो गरेका छन् ।सरकारले खाडी मुलुकहरू साउदी , कतार , मलेसिया, लगायतमा फ्री भिसा ,फ्री टिकटको घोषणा गरेको थियो ।
![चार प्रदेशमा आज भारी वर्षा हुने, काेशीमा के हुन्छ ?](https://snowberry.prixacdn.net/media/gallery_folder/mausam_qpkhJJYT1p_nlmv73msyc1if5bsuledcztio6gsrswnftdednrwsuhzabvfhaumzgvpir1h_2ewkqRs2wo_psllzpquosztcoi5oyyevgxyzgipe6urbyavm3j8mftn5vhntaijs2p1tgbm_iUd4NngCT0_8zegayhf47e3whooejyvg5mogswvhmdjvvxdc3oi5z2l6bylam9wgfjehdff_xVosOErlrh_e8rlnxgcxfgemgbitbd6cethyqziydw8wb3axmjyaqcjggvmaodry4znlnd5.jpg)
चार प्रदेशमा आज भारी वर्षा हुने, काेशीमा के हुन्छ ?
![भेडेटारमा बन्याे काेशी प्रदेशकै ठुलाे स्काइवाक : उदघाटनकाे दिननै पर्यटककाे घुइचाे](https://snowberry.prixacdn.net/media/gallery_folder/vedetaar_66WjsonL6u_w0s0ppftmwxtx6iuzews5nmaj8vytzkpfgqj0e5zsjvkl2px0keupxnpoqmn_8ITTC1WPPK_al1skseq5zdkxxic85dqaq7slapavthjnqhsbo8eu2vr7ls92mvdlagjh4cu.jpg)
भेडेटारमा बन्याे काेशी प्रदेशकै ठुलाे स्काइवाक : उदघाटनकाे दिननै पर्यटककाे घ…
![कोशी सरकारबाट बाहिरियो माओवादी](https://snowberry.prixacdn.net/media/gallery_folder/indra%2520aangbo_aVDkywiBtl_eamgmvnmknk5hcrij7eve3yflxnbcham6qewjmagg4g98opxinq73ouzgkvd_rsc5Co83bt_6ijyd8gbfyboswdsfw80m4xhdeqvx2nv1zswbygcpieqmq59s2u82wsc5n1k.jpg)
कोशी सरकारबाट बाहिरियो माओवादी
![धरानमा बचतकर्ताको ६९ करोड बढी हिनामिना गरी सहकारीका अध्यक्ष–सदस्य रहेका बाबु–छोरा बेपत्ता](https://snowberry.prixacdn.net/media/gallery_folder/sahakari_DXD8pomjL2_smmbnp86ywrv2dutqrq0aossl7f3l6hqtqypmze7mxhs1bkdhfwpwc22etk9_jzFABgQCZZ_rhvionjpkpfgcbulbdgteralcqktgjfcmclj4rjmohxuhubb3myjdcw1mowz.jpg)
धरानमा बचतकर्ताको ६९ करोड बढी हिनामिना गरी सहकारीका अध्यक्ष–सदस्य रहेका बाब…
![झापाका ९४० जनाले पाए ७६ दिने रोजगारी](https://snowberry.prixacdn.net/media/gallery_folder/kaligandaki-majdur_22teRGNFng_aiixyscuisb8w2cohl9ys8eigtccfn4xyf80130izh5m9ewwikkyeitg7dbi_CHOUpjnC69_zxhxqvfcwyk8yqaf419sknkdlxlsqeu1r49pn6bky70yerevulf8lqgifpbz.jpg)
झापाका ९४० जनाले पाए ७६ दिने रोजगारी
![बीपी स्मृति दिवसका अवसरमा धरानमा ‘ग्रिन एन्ड क्लिन’ अभियान](https://snowberry.prixacdn.net/media/gallery_folder/bp_QiPzBPQDvV_j4birayywdowws8isnztac5dy5kz19kr0rmslqjnvbwyazbrbihzwcrshopt_boK3Mjjuu4_xpdso0ottxlirjaw40spsvwidwlmuo46oeilpk7ppkor2h0njcgq4iqmebaq.jpg)
बीपी स्मृति दिवसका अवसरमा धरानमा ‘ग्रिन एन्ड क्लिन’ अभियान
![इनरूवाका मेनपावर व्यवसायी राजीव फुयाँल बिराटनगरकाे हाेटलमा मृत भेटिए](https://snowberry.prixacdn.net/media/gallery_folder/hotel_CFdupDY07y_cp81fxhkt03gfwgwb16olnddxbro0pryjudhj4z5mqahmhrfso0vusxo2dgz_vzimDlugHh_jvzaqqe8ja9cfslntpvqfmsqelbim9xsji8lcttu7qpw3muyfkji7mk234qf.jpg)
इनरूवाका मेनपावर व्यवसायी राजीव फुयाँल बिराटनगरकाे हाेटलमा मृत भेटिए
![स्थानीयले जग्गा दिएपछि खाेटाङकाे पेलुङमा बन्यो अस्थायी प्रहरी चौकी](https://snowberry.prixacdn.net/media/gallery_folder/police%2520post-khotang_xpcZfKePNx_f70etkj9irdsdaybxvtiajmheklokqhnq9eyb2fcnxfntnk39iyccutqgy91_XwUa6qwK50_oa2nxyz4tktpjjgv5revuiilq1dbx3llthiavkx1vxrwtenr3m7ppor5oyzp.jpg)
प्रतिक्रिया