इटहरीमा खोला पैनीमा बनेको अबैध संरचना भत्काउन सुरु: मेयर हेमकर्ण पौडेलले भने कुनै हालतमा खोलाको संरचना भत्काईन्छ
![](https://snowberry.prixacdn.net/media/gallery_folder/ebfa1ba6-faf3-4cd4-8014-f82d8f1b701f_g5mxXb4hrE_zu3n5jrywgvsppgnrgyh496msuauqvdc7c0jrv4ewxcuyvybqkj9jbiykh0v_QyAvAl9O41_athfjeprqxohswc949zind2mjfg2uhbt0auvarvqtog929fizppnctpjpdkz.jpg)
इटहरी / इटहरी उपमहानगरपालिकाले खोला, पैनी मिचेर बनाएको भौतिक संरचना भत्काउन सुरु गरेको छ। बर्षेनी इटहरीमा बाढीले दुख दिएको भन्दै अतिक्रमित क्षेत्रमा उपमहानगरले डोजर चलाएको हो । आजबाट इटहरीस्थित टेंग्रा खोलाको सिरानबाट खोलामा डोजर चलाउन सुरु गरेको मेयर हेमकर्ण पौडेलले जनाए ।क्षेत्राधिकारभित्रको जग्गा खाली गर्न मेयर ।पौडेल डोजर लिएर खोला पैनी पुगेका थिए । मेयर पौडेलले बारम्वार सुचना जारी गर्दा पनि नभत्काए पछि उपमहानगर आफैले भत्काउन सुरु गरेका हौ मेयर पौडेलले भने । कुनै पनि हालतमा अतिक्रमित संरचना हटाएरै छाड्ने मेयर पौडेलको भनाइ छ। टेंग्रा खोला, खेती खोला र सुकुमारी पैनीको दुवै किनारबाट ६/६ मिटर छाडेर भवन संरचना बनाउनुपर्ने प्रचलित कानुनलाई आधार मान्दै मेयर पौडेलले उक्त खोला पैनीको दुवैतर्फ ६/६ मिटर नछोडिकन बनेका भवन संरचना हटाउन सुरु गरेको हो । बर्खाको बेला सामान्य पानी पर्दा पनि इटहरी डुबानमा पर्ने गरेको छ।
ठूलो पानी पर्दा त इटहरीमा भयावह स्थिती सिर्जना हुने खतरा रहन्छ। जसले गर्दा हरेक बर्खाको बेला खोलाको तटीय क्षेत्रमा बसोबास गर्ने त्रसित हुने गरेका छन्। अब आउँदो बर्खामा इटहरीमा खोलाको तटीय वस्तीमा बस्नेलाई जोगाउँन इटहरी उप–महानगरपालिकाले अवैध संरचना हटाउन सुरु गरेको हो मेयर पौडेल भन्छन । इटहरी उपमहानगरपालिका भित्र २० वटा वडा रहेका छन्। तीमध्ये बाढीबाट प्रभावित पर्ने इटहरीका विशेष गरी ३, ४, ९, १०, ११ र १२ नम्बर वडा छन्। २०७४ मा आएको बाढीका कारण ९ जनाको मृत्यु भएको थियो।
अघिल्लो वर्षको बाढीले ४ जनाको मृत्यु भएको थियो। अरु थुप्रै अन्नबाली र भौतिक पूर्वाधारमा क्षती पुगेको थियो। इटहरीमा २०७४ र २०७८ कात्र्तिक बाहेक २०४३ सालमा आएको बाढीले टेङ्ग्रा खोलाको सतह पुरि दिएको थियो। त्यसबाट साविक इटहरी १, ४ र ८ नं. वडाको भू–भागको जमिन कम्तिमा १० फुटसम्म डुवानमा परेको थियो। यस्तै, २०५३ सालमा आएको बाढीले पुनः इटहरी क्षेत्र डुबान गरेको थियो। त्यति बेला पनि इटहरीमा दुई फुुटसम्म जमिन पाङे माटोले पुरेको थियो। विसं २०७० भदौ २१ गते इटहरी क्षेत्रमा पानी परेन्।
तर, त्यस दिन इटहरीका मानववस्तीमा बाढी प्रवेश गरेको थियो। २०४० को दशकमा इटहरीको भूगोलमा मानववस्ती पातलो थियो। यहाँको सम्पूर्ण जमिन खेतीमा प्रयोग हुन्थे। जताततै खोला पैनी वा पानी बग्ने निकाशका ठाउँहरु खुला थिए। जसले गर्दा सहजै पानी निकास हुने गथ्र्याे। जुन ठाउँबाट इटहरीमा बाढी पस्छ, त्यस ठाउँमा दिर्घकालीन योजना बनाएर सदाँका लागि तटबन्ध नलगाउनु जस्ता कारणले पनि इटहरीका बासीन्दा पीडित हुँदै आएका छन्।
![भगवती मावि बेलबारीका शिक्षक कोईराला पक्राउ](https://snowberry.prixacdn.net/media/gallery_folder/458303836_941677141323223_6251341178433368286_n_sPmoW1q5hX_5tgqqr5sfgv07miqvuswvssxetty9tqck5c4ebf9vsr3kiqsrliutu7htwxf_Teo5E2zFpG_s3ziopza4pv10simxnwtpayhgeitz4slqnkaceqqbof8kmt68znaskqlyel9.jpg)
भगवती मावि बेलबारीका शिक्षक कोईराला पक्राउ
![संसदमा भ्रष्टाचारको आरोप लगाउने दुई सासंदलाई मेयर पौडेलको खुल्ला चुनौती : भ्रष्टाचार प्रमाणित गरे सासंदको घरमा घरेलु कामदार भएर बस्छु](https://snowberry.prixacdn.net/media/gallery_folder/Hemkarna-Poudal_congress-1024x683_gxwHFUUDQG_dusiygik8og7pumg0hvbiz5xfzglcndmctphbmpzwxoitjvgdrrys9uhzn1a_xKlByWXaIH_riijvoq1cxueau7zdya6zpsue7krnlztdkciooxmbhmpxbmwyejgwdrbntnh.jpg)
संसदमा भ्रष्टाचारको आरोप लगाउने दुई सासंदलाई मेयर पौडेलको खुल्ला चुनौती : …
सुनसरीमा चट्याङ लागेर एकको मृत्यु
इटहरीमा जंगली हात्तीको आतङ्क: दुई घर भत्कायो, स्थानीय त्रसित
लागुऔषध विरुद्ध इटहरीका बिद्यार्थीहरूलाई सचेतना कार्यक्रम
![इटहरीको ३ अर्ब ५७ करोड ८४ लाख ५० हजारको बजेट बहुमतले पारित](https://snowberry.prixacdn.net/media/gallery_folder/056846_n_hMTe1DcYfv_7glwpebz1egukoifcmqgsnwywxhxcmilfptipsqro2c07atizfzmipwjyju4_AC9IUOKShy_aqfjiacyybkiqtj0vjyyhiav7inz4d2qr3n9yubnqahboxvo27obx37r7xvx.jpg)
इटहरीको ३ अर्ब ५७ करोड ८४ लाख ५० हजारको बजेट बहुमतले पारित
इटहरीमा २० दिने कफि मेकिङ्ग वारिस्टा तालिम सम्पन्न
![एमालेका जनप्रतिनिधीको कारण उपभोक्ताले भुक्तानी नपाएको मेयर पौडेलको आरोप](https://snowberry.prixacdn.net/media/gallery_folder/meyar-of-itahari_55kebVBjk5_vespnpgoenc77zha7yixg5jow6zd1ftsbxj9sgsdicwcna0efqeiq6wmi0ql_GDWaFQvrER_yx1tzy3etmvoaaed7hlz4vuxcatizlggsixdsl9oozhki751xuwceog5biog.jpg)
प्रतिक्रिया