प्रहरीले पाएकाे गाेप्य सुचना : ५२ केजी गाँजा बाेकेकाे एम्बुलेन्स धरान छिर्नै पाएन
तराइमा अभियान चलाउँदा पहाड उक्लियो गिरोह
![](https://snowberry.prixacdn.net/media/gallery_folder/WhatsApp%2520Image%25202024-02-24%2520at%252018.19.18%2520(1)%2520(1)_pEev7IoKwy_einqe2hxy7qiqfd9chugqa7j8cxeuimzjuya3uqbfqoyycagejcxtauoryfo_DuToqfNcSQ_rf28cero0h2mexebngnnjgocvsbqcpf4wctiibcpaoawjyubchkh8nupqtyv.jpeg)
इटहरी । धनकुटाको साँगुरीगढी गाउँपालिका ६ भेडेटारस्थित ड्युटीमा खटिएका प्रहरीलाई एम्बुलेन्स भित्र गाँजा रहेको पहिल्यै सूचना आइसकेको थियो । प्रहरीले एम्बुलेन्सको नम्बर भने पत्ता लगाउन सकेको थिएन । बिरामी बोक्न प्रयोग हुने एम्बुलेन्स भित्र गाँजा हुन्छ भन्ने अनुमान कस्लाइ थियो र ? साइरन बजाउँदै राजमार्गमा गुड्ने एम्बुलेन्सलाई रोक्ने कुरा पनि आउँदैन ।
उल्टै आपतकालिन सेवा भनेर बाटो खालि गराउने काम हुन्छ । तर शनिवार यस्तै दृश्य भेडेटारमा पनि देखियो ।अगाडी साइरन बजाउँदै आएको एम्बुलेन्स भित्र बिरामी मान्छे कोही नभएपछि शङ्का लागेर चालकमाथि केरकार गर्दा ५२ केजी गाँजा बरामद भयो । इलाका प्रहरी कार्यालय भेडेटारका प्रहरी नायव निरीक्षक जीवन कार्कीका अनुसार एम्बुलेन्समा गाँजा रहेको सूचना पाए पनि गाडी नम्बर र रुट जानकारी थिएन ।
नम्बर पत्ता लगाउन धरान धनकुटा राजमार्गमा शुक्रवार र शनिवार गुडेको एम्बुलेन्सहरूका डाटा चेकजाँच गरियो जम्मा २१ वटा एम्बुलेन्स गुडेको रेकर्ड भेटिए पनि एउटा एम्बुलेन्स फर्किएको रेकर्ड देखिएन र सोहीको पर्खाइमा बस्दा सफलता प्राप्त भएको प्रहरी नायव निरीक्षक कार्कीले बताए । प्रहरी नायव निरीक्षक कार्कीका अनुसार धनकुटाबाट धरान तर्फ आउँदै गरेको मे १ च २०३२ नम्बरको एम्बुलेन्सलाई रोकेर चेकजाँच गर्दा शनिवार बिहान १० बजे ५२ केजी गाँजा बरामद भएको हो ।
ठिक सोही क्षेत्रबाट गत फागुन ८ गते तेल बोक्ने ट्याङ्करमा ६०० केजी गाँजा बरामद भएको थियो ।गाँजा बरामद गर्ने टोलीको नेतृत्व पनि उनै प्रहरी नायव निरीक्षक कार्की नै थिए । धरानबाट धनकुटा तेल लिएर गएको को १ ख ७३२२ नम्बरको ट्याङ्कर केही समय पछि नै फर्किएपछि शङ्का लागेर हेर्दा भित्र ६ सय केजी गाँजा बरामद भएको प्रहरी नायव निरीक्षक जीवन कार्कीले बताए । खाली भएको टयांकरको आवाज र भरी भएको आवाज नै फरक हुन्छ त्यही आवाजलाई मध्यनजर गरेर चेकजाँच गरेको नसोचेको सफलता हात पर्याे कार्कीले भने ।
एम्बुलेन्सको हकमा भने त्यस्तो देखिएको थिएन । साइरन बजाए पनि भित्र बिरामी कोही नभएपछि चालकलाई बाहिर निकालेर सामान्य सोधपुछ गर्दा सुरुमा १ केजी मात्रै छ भनेर सिट मुनीबाट निकालेको प्रहरी नायव निरीक्षक कार्कीले बताए । पछि अन्य प्रहरीले एम्बुलेन्स भित्रै पसेर खोजतलास गरेपछि टुल बक्स राख्ने स्थानमा १ किलोको दरले प्याकेजिङ गरेको अवस्थामा ५२ वटा पोका भेटिएपछि एम्बुलेन्स सहित चालक विराटनगर महानगरपालिका ८ का ४८ वर्षीय जयदेव चेललाइ पनि नियन्त्रणमा लिएको थियो । पक्राउ एम्बुलेन्स प्रहरीले नियन्त्रणमा लिइएको छ भने चालकलाई हिरासतमा राखी थप अनुसन्धान गरिरहेको इलाका प्रहरी कार्यालय भेडेटारले जनाएको छ ।
तराइमा अभियान चलाउँदा पहाड उक्लियो गिरोह
कोसी प्रदेश प्रहरी कार्यालय विराटनगरका अनुसार तराइका विभिन्न जिल्लाहरूमा प्रहरीले गाँजा खेती नष्ट गर्ने अभियान चलाइरहेको छ । सुनसरी , मोरङ , झापा , धनकुटा , तेह्रथुम , सङ्खुवासभा , सिरहा , सप्तरी , लगायतका जिल्लाहरूमा प्रहरीले गाँजा खेती नष्ट गर्ने अभियान अहिले पनि जारी राखेको छ । सुगम क्षेत्रमा पहुँच पुग्ने सवालमा प्रहरीले स्थानीयको वाली प्रवेश गरी लगाएको गाँजा खेती नष्ट गर्ने गरेको छ ।
नेपालमा सरकारद्वारा प्रतिबन्ध लगाइएको गाँजाको खेती हुन थालेपछि प्रहरीले अभियान नै सञ्चालन गरेर नष्ट गर्दै आएको छ । समुदाय–प्रहरी साझेदारी अभियान अन्तरगत कोसी प्रदेशको विभिन्न जिल्लामा यो अभियान हाल पनि सञ्चालनमा छन् । प्रहरीले हाल सम्म कति गाँजा खेती नष्ट गर्याे त्यो यकिन नभए पनि २६ बिगाहा भन्दा बढी जमिनमा लगाएको गाँजा खेती नष्ट गरिसकेको कोसी प्रदेश प्रहरी कार्यालय विराटनगरले जनाएको छ । तराईमा खेती मासिँदा प्रहरी र प्रशासनलाई त्यस क्षेत्रबाट गाँजा हराएको भान भएको थियो तर, त्यो पहाडतिर ‘सिफ्ट’ भएको भने हालसालै जानकारी प्राप्त भएको प्रहरी श्रोत नै बताउँछ ।
सुगम जिल्लालाई मात्र टार्गेट गरेर अभियान चलाइरहँदा गाँजा कारोबारीहरूले सतर्कता अपनाउँदै पहाडी भेग छिरेको अनुमान प्रहरी सँग छ । धनकुटाबाटै आएको तेलको ट्याङ्करबाट र एम्बुलेन्सबाट भारी मात्रामा गाँजा बरामद भएपछि पहाडी क्षेत्रमा अझै पनि गाँजा खेती चलायमान रहेको प्रहरी दाबी छ । तराइमा गाँजा खेती नष्ट हुन थालेपछि कारोबार गर्ने मुख्य गिरोहहरू पहाडी भेग उक्लिएको कोसी प्रदेश प्रहरी कार्यालय विराटनगरका प्रहरी प्रवक्ता एसपी सुमन कुमार तिम्सिनाले बताए ।
तेलको ट्याङ्करबाट गाँजा बरामद भए लगत्तै सम्बन्धित प्रहरी कार्यालयहरूलाई पहाडी भेगमा गाँजा खेती बारे जानकारी गराइसकिएको र पहाडको दुर्गम क्षेत्रमा पनि पुगेर गाँजा नष्ट गर्ने तयारी भइरहेको एसपी तिम्सिनाले बताए । गाँजालाई अफिम बनाउन भारत माहिर छ ।भारतमा यसको माग धान्न गाह्रो परेकै कारण त्यताका व्यापारीहरू पर्यटक बनेर नेपाल भित्रिने र पहाडी भेगहरूबाट गाँजा ल्याउने गरेको तथ्य हालै सार्वजनिक भइसकेको छ । नेपाली बजारमा प्रति किलो १५ देखि २० हजारले बिक्री हुने गाँजा भारतको बजारमा ४० हजार सम्म बिक्री हुने गरेको प्रहरी भनाइ छ ।
![कैलालीमा मोटरसाइकल दुर्घटना हुँदा एक जनाको मृत्यु](https://snowberry.prixacdn.net/media/purbelinews%20default%20image_2fya97kmeqwss7fvvmthgneqefcqea9swfuyxpqcfrw7bxkdijnsy9uhjjf3.jpg)
कैलालीमा मोटरसाइकल दुर्घटना हुँदा एक जनाको मृत्यु
![चेपाङ समुदायले आज आज छोनाम मनाउँदै, यी तीन जिल्लामा सार्वजनिक बिदा](https://snowberry.prixacdn.net/media/gallery_folder/sarbajanik%2520b_CjsWKPu0eG_yce6ltsenl08vf5kugez8wuyiy1fsnvujoi4thjd0wjx0icobynhqtx7apdz_XBkDGU1Nph_vrc9u53aq9rrvjtme5m2u7ysd7qh9ag2vmprydjwflutxsesq411jvenisqs.jpg)
चेपाङ समुदायले आज आज छोनाम मनाउँदै, यी तीन जिल्लामा सार्वजनिक बिदा
![माछा मार्न गएका दुई युवक राप्ती नदीमा बेपत्ता](https://snowberry.prixacdn.net/media/gallery_folder/1697109001-PObne_fh5hLlsgJv_gra5jnlakmxnwtguuxhdj7ldvvkhjpnwcjskyfrch0dteyhjz3alzflvtwzt_ahaX9n4FQC_sczt23ddeso142ax8bgagwzaurw17uzlg2ely6tmd9le5yrcj4iuq2wozfrh.jpg)
माछा मार्न गएका दुई युवक राप्ती नदीमा बेपत्ता
दसैं नजिकिए सँगै धरानकाे कृषि बजारमा खसी–बोकाको व्यापार बढ्यो
![मधेसमा पहिलो पटक सरकारीस्तरमा एमबिबिएसको पढाइ हुने](https://snowberry.prixacdn.net/media/gallery_folder/madhesh-he_mMIiS8uoaz_urwwl6pxpm80ausplwje9qef5vo5pejpjwip8g2jsfzpqufvwdhyzvrra92m_yDJBNrhPuu_f0wjcdprwmvxsfomkb1fbecwcwo8opamdx11svpgww777bdfszms8qcur8tk.jpeg)
मधेसमा पहिलो पटक सरकारीस्तरमा एमबिबिएसको पढाइ हुने
![भोजपुरमा प्रभावकारी बन्दै आयुर्वेद उपचार सेवा](https://snowberry.prixacdn.net/media/gallery_folder/ayurbadhik_upchar_IfakfasAO5_5depg9adjex1zp5zqplbeoalafieerbyosvbba00fhif3kiteyzbntntmfrl_jiZ0pePh0G_svqrkpdsqscgc5kzean1rfry5j3car9sbgdecinsxxfkom5lmpuvjcaocgx2.jpg)
भोजपुरमा प्रभावकारी बन्दै आयुर्वेद उपचार सेवा
![इटहरीकाे तालतलैयामा चक्कु देखाएर ल्रटियाे २ लाख नगद , ७ जना पक्राउपछि सार्वजनीक](https://snowberry.prixacdn.net/media/gallery_folder/pakrau_ys6S8uIglU_hkjkekv4w7aiugvfl4yu6ykaxypitco6p1uwj6gzuypmltcrxk88yvsgivs0_Bead7eL11R_jqi3mtgl903es1ktbpksjvz2wck9savgw2blrtqcg6ylogztqvowcid2jfif.jpg)
प्रतिक्रिया