प्राधिकरणसंग उल्टै विद्युत् पोल उपयोग गरेबापतकाे भाडा माग्दै दमक नगरपालिका
![](https://snowberry.prixacdn.net/media/gallery_folder/Damak_hvxYeHOXJB_fyuktbnqhecf89q2exppnzm0m4llg3mckph5wpowb5c1zcolqv3oa81dkpvy_awh3P5v4Id_h9schztbymjr0ldbwsa7bipnisszoqulv3mvvnmiiymonh0ky2uly7nb3ysw.jpg)
दमक । दमक नगरपालिकाले नेपाल विद्युत प्राधिकरणसँग विद्युत् पोल र ‘ट्रान्सफर्मर’ राखेबापतको भाडा लिने भएको छ । प्राधिकरणले विद्युत् महसुलको बक्यौता असुल्न गर्न ताकेता गरेपछि नगरपालिकाले सो निर्णय गरेको हो ।
नगरभित्र गाडिएका विद्युत् पोल र विद्युत् ट्रान्सफर्मर बापत प्राधिकरणसँग जग्गाको भाडाबापत हालसम्मकै भाडा असुल्ने निर्णय नगरपालिकाले गरेको छ । नगरपालिकाको १३ औँ नगरसभाले स्वीकृत गरेको दर रेटमा भाडाबापतको रकम असुल गर्ने निर्णय गरेको नगरपालिकाको बैठक व्यवस्थापन शाखाले जनाएको छ ।
नगरपालिकाको गत माघ ९ मा बसेको कार्यपालिका बैठकमा नगरपालिकाको नाममा यसअघि जडान भएका कूल एक सय ७० विद्युत् मिटरमा उठेको महसुल बापतको बक्यौता रु छ करोड ९३ लाख ६१ हजार तिर्न विद्युत् प्राधिकरण दमक वितरण केन्द्रले गरेको पत्राचारबारे छलफलसमेत भएको जनाइएको छ ।
नगर प्रमुख रामकुमार थापाले छलफलपछि कार्यपालिका बैठकले यसअघि नगरपालिकाले विभिन्न टोलमा जडान गर्न लगाएका सडक बत्तीबापतको विद्युत् महसुलका कारण नगरपालिकाका नाममा विद्युत् महसुलको बक्यौता देखिएको ठहर गरेको बताए । अब उप्रान्त कुनै पनि टोलमा नगरपालिकाका नाममा विद्युत् मिटर राख्न अनुमति वा सिफारिस नदिने र त्यसरी सडक बत्ती जडान तथा मर्मत एकपटकका लागि मात्रै नगरपालिकाले गर्ने र सोपछि भने सम्बन्धित टोल विकास संस्थाले आफैँले बेहोर्ने गर्नुपर्ने गरी मात्रै सिफारिस दिने पनि बैठकले निर्णय लिएको उनले जानकारी दिए ।
त्यसैगरी नगरपालिकाले वडा नं ६ स्थित नगरपालिकाको स्वामित्वमा रहेका पसल क्लबको सम्झौतामा उल्लेख भएअनुसार व्यवसायीले नियमितरुपमा तिर्नुपर्ने भाडाको बक्यौता हालसम्म रु ४४ लाख रहेकाले सोको असुलीका लागि टोली खटाउने पनि निर्णय गरेको छ ।
![कैलालीमा मोटरसाइकल दुर्घटना हुँदा एक जनाको मृत्यु](https://snowberry.prixacdn.net/media/purbelinews%20default%20image_2fya97kmeqwss7fvvmthgneqefcqea9swfuyxpqcfrw7bxkdijnsy9uhjjf3.jpg)
कैलालीमा मोटरसाइकल दुर्घटना हुँदा एक जनाको मृत्यु
![चेपाङ समुदायले आज आज छोनाम मनाउँदै, यी तीन जिल्लामा सार्वजनिक बिदा](https://snowberry.prixacdn.net/media/gallery_folder/sarbajanik%2520b_CjsWKPu0eG_yce6ltsenl08vf5kugez8wuyiy1fsnvujoi4thjd0wjx0icobynhqtx7apdz_XBkDGU1Nph_vrc9u53aq9rrvjtme5m2u7ysd7qh9ag2vmprydjwflutxsesq411jvenisqs.jpg)
चेपाङ समुदायले आज आज छोनाम मनाउँदै, यी तीन जिल्लामा सार्वजनिक बिदा
![माछा मार्न गएका दुई युवक राप्ती नदीमा बेपत्ता](https://snowberry.prixacdn.net/media/gallery_folder/1697109001-PObne_fh5hLlsgJv_gra5jnlakmxnwtguuxhdj7ldvvkhjpnwcjskyfrch0dteyhjz3alzflvtwzt_yPNMgFftKL_zrjby77r4etx1swii5yelrzfav5bnhxusnklfvwt4rvjv6xieaxy2rak521x.jpg)
माछा मार्न गएका दुई युवक राप्ती नदीमा बेपत्ता
दसैं नजिकिए सँगै धरानकाे कृषि बजारमा खसी–बोकाको व्यापार बढ्यो
![मधेसमा पहिलो पटक सरकारीस्तरमा एमबिबिएसको पढाइ हुने](https://snowberry.prixacdn.net/media/gallery_folder/madhesh-he_mMIiS8uoaz_urwwl6pxpm80ausplwje9qef5vo5pejpjwip8g2jsfzpqufvwdhyzvrra92m_3RZ3hUwpYD_gnbsiilncfaf1ihc2fq0aiccn5s69cjalaw4xk5mw4uaodmikdhemyjdf0qt.jpeg)
मधेसमा पहिलो पटक सरकारीस्तरमा एमबिबिएसको पढाइ हुने
![भोजपुरमा प्रभावकारी बन्दै आयुर्वेद उपचार सेवा](https://snowberry.prixacdn.net/media/gallery_folder/ayurbadhik_upchar_IfakfasAO5_5depg9adjex1zp5zqplbeoalafieerbyosvbba00fhif3kiteyzbntntmfrl_4uzYqYkjWB_njgwej6eapbxbad0vqkbpsjbgdod8ohwpcafd4dq3kun0ac5yhv9ff9ovn83.jpg)
भोजपुरमा प्रभावकारी बन्दै आयुर्वेद उपचार सेवा
![इटहरीकाे तालतलैयामा चक्कु देखाएर ल्रटियाे २ लाख नगद , ७ जना पक्राउपछि सार्वजनीक](https://snowberry.prixacdn.net/media/gallery_folder/pakrau_ys6S8uIglU_hkjkekv4w7aiugvfl4yu6ykaxypitco6p1uwj6gzuypmltcrxk88yvsgivs0_KJJMQZSMYL_4x1vtosiqzsozwvigsexzjnollqmqw33worslh78qqyxpgwbcmba86oivn8l.jpg)
प्रतिक्रिया