एक दशकपछि नयाँ एल्बम ‘हेर’ ल्याउँदै कर्मा ब्याण्ड
![](https://snowberry.prixacdn.net/media/gallery_folder/Karma-LATOKOSERO-scaled_67OFQcu0dj_9gtw3ib9udxkmtoxaloiuzoqe9egdklj3antwvfq2hqy4fa29b57efzmhkhr_vH95PSFG3q_k6wjuhlrywxiwfsgcspppwqtsble85sk2qjfmplapebgm2y6y7lf7vkpgxbf.jpg)
काठमाडौं / ‘हुक्का मेरो डल्ले डल्ले, नली नलाई खान्नँ, यति राम्री केटीलाई अघि नलाई जान्नँ..’ गीतबाट चर्चा कमाएको नेपाली सांगीतिक ब्याण्ड ‘कर्मा’ले एक दशकपछि नयाँ एल्बम ‘हेर’ ल्याउने भएको छ।
बिहीबार कर्मा ब्याण्डलाई व्यवस्थापन गरिरहेको आदि ग्रुपअन्तर्गतको इभेन्ट तथा कलाकार व्यवस्थापन गरिररहेको एएसक्यूका प्रमुख कार्यकारी अधिकृत (सिइओ) विजय अधिकारीले नयाँ एल्बम ‘हेर’ आउँदै गरेको जानकारी दिए।
‘नेपाली संगीत र कलाकारहरूलाई व्यवस्थापन गरिरहेको आदि ग्रुपअन्तर्गतको एएसक्यूले उनीहरूलाई अन्तर्राष्ट्रिय मञ्चसम्म पुर्याउनका लागि सहकार्य गरेको छ,’ एएसक्यूका सिइओ विजय अधिकारीले भने, ‘यसै सन्दर्भमा नेपाली चर्चित सांगीतिक ब्याण्ड कर्मालाई व्यवस्थापन गरिरहेका छौं। हामीहरू कर्मा ब्याण्डको नयाँ एल्बम हेर रिलिजको तयारीमा छौं। कर्मा ब्याण्डको नयाँ एल्बम हेरमा समावेश हुने गीतहरूको रेकडिङ सिध्याएर म्युजिक भिडियो निर्माण भइरहेको छ। म्युजिक भिडियो निर्माणको काम सिध्याएपछि कर्मा ब्याण्डको एल्बम सार्वजनिक हुनेछ।’
उनका अनुसार कर्मा ब्याण्डको ‘हेर’ एल्बममा आठ वटा गीतहरू समावेश हुनेछन्। यस एल्बममा समावेश अधिकांश गीतहरूमा कर्मा ब्याण्डका फ्रन्टम्यान सुरेन्द्रमान सिंहको शब्द र संगीत रहनेछ। एएसक्यूले यसअघि नेपाली सांगीतिक ब्याण्ड ‘कन्दरा’को पुनर्आगमनको सिलसिलामा पोखरामा भव्य कन्सर्टको आयोजना गरेको थियो।
‘हेर’ कर्मा ब्याण्डको ६औं एल्बम हो। यसअघि कर्मा ब्याण्डले सन् १९९९ मा पहिलो एल्बम ‘सहर तिम्रो’ सार्वजनिक गरेको थियो। सन् २००० मा सार्वजनिक भएको दोस्रो एल्बम ‘हुक्का’ एल्बममा समावेश ‘हुक्का मेरो’ गीतले कर्मा ब्याण्ड स्रोता तथा दर्शकमाझ परिचित गराएको थियो।
कर्मा ब्याण्डले सन् २००३ मा ‘एस.एम.एस.’ र सन् २००७ मा ‘कर्मा’ एल्बम सार्वजनिक गरेको थियो। नेपाली गीतलाई पश्चिमा संगीतसँग फ्युजन गराउन माहिर कर्मा ब्यण्डले सन् २०१३ मा ‘नयाँ सपना’ एल्बम सार्वजनिक गरेको थियो ।
केही वर्षदेखि अमेरिकामा केन्द्रित भएर सांगीतिक गतिविधि गरिरहेको कर्मा ब्याण्डले क्यानडा, अष्ट्रेलिया, युरोप, कोरिया र सिंगापुरलगायत देशमा रहेका नेपाली स्रोता तथा दर्शकमाझ सांगीतिक प्रस्तुति दिइसकेको छ।
‘हाम्रो गीतहरू युवादेखि पाका उमेरका सम्मका दर्शक तथा स्रोताहरूले मनपराउने गर्नुभएको छ,’ कर्मा ब्याण्डका फ्रन्टम्यान सुरेन्द्रमान सिंहले भने, ‘अमेरिकामा केन्द्रित भएर सांगीतिक गतिविधि गरिरहेपनि हामीले आफ्नो नयाँ एल्बम सार्वजनिक नगरेको एक दशक भइसक्यो । श्राेता तथा दर्शकहरूमाझ पुग्न यसपटक कर्मा ब्याण्डले नयाँ एल्बम सार्वजनिक गर्दैछ । यसपटक हामीलाई एएसक्यूले व्यवस्थापन गरिरहेको छ।’
कर्मा ब्यान्डको ‘हुक्का मेरो’ गीतसहित ‘मौनतामा’, ‘कहाँ होला घरबार’, ‘मार्यो’, ‘छैन मैले तिम्रो चित्त दुखाएको’, ‘सुपारी दाना’, ‘यानीमाया’ र ‘नयाँ सपना’लगायत गीतहरू चर्चामा छन्। ब्याण्डले गत वर्ष ‘कारबारी छाता’ गीत सार्वजनिक गरेको थियो। कर्मा ब्याण्डमा फ्रन्टम्यान सुरेन्द्रमान सिंहसहित गितारमा फिरोज बज्रचार्य र रिग्जिन वाङ्गेल, ड्रममा अनिल शाक्य र बेस गितारमा ईश्वर घले आवद्ध छन्।
![पूर्ण बहादुरको सारङ्गीको दोस्रो चरणको छायांकन सुरु](https://snowberry.prixacdn.net/media/gallery_folder/Sarangi.png_uVYld5NSkh_2onznfkshmv26i4zbnvz715un6ooepmwgdu5jqpoe9dzbdus6gr45qvlnznq_HQpIweuA5p_nli6i9m32yfrd5b9el65kscppxrcbtgrpv9kycsuekc66mtvplvhp8kfdp5a.png)
पूर्ण बहादुरको सारङ्गीको दोस्रो चरणको छायांकन सुरु
![सिसन बानियाँले खोले फिल्म कम्पनी](https://snowberry.prixacdn.net/media/gallery_folder/sss_umwXz1g2iE_6leqpfvt4vdxcxpfgjvkukarlc4a6yyjmvbcsmvwlkn96r6s78htjvrf9fzj_jtOft1AUi4_pvltyz3oryk16boh8hhj7dpfpewfnaxdmjucl2zefjrhimwldjnyocm75ac6.jpg)
सिसन बानियाँले खोले फिल्म कम्पनी
![‘के घर के डेराः घर नम्बर २’ मा भित्रिए अभिनेता बस्नेत](https://snowberry.prixacdn.net/media/gallery_folder/nischal.jpg_iYINuYtSI8_1mhqm489nifkfhibylpztv5cdmxvhdptflydvmmojrnnhuoapnibplzoa0lh_axbXEs3hLg_yzshhen9ktnsjhq9carv2hrm3tgusc1kgtbjlqch2nnnyeeo5ry3r14sospa.jpg)
‘के घर के डेराः घर नम्बर २’ मा भित्रिए अभिनेता बस्नेत
![नाकभित्रको सानो नसा फुटेको रैछ, अहिले अवस्था सामान्य छ- हरिबंश आचार्य](https://snowberry.prixacdn.net/media/gallery_folder/452287375_1037368801083518_4810767438107096189_n.jpg_QwsQMJzsgB_hnqi3hccqgckbgbugivyfm8ucrpssphkoltzkip2g6sit7zyvkk7ump6vo8w_wNR33LhrQj_4zzgrdgmxcqpgyrd6hov0oarqyfcnalodutq1g4vakavzzpfzobfnybpbfax.jpg)
नाकभित्रको सानो नसा फुटेको रैछ, अहिले अवस्था सामान्य छ- हरिबंश आचार्य
![हास्य कलाकार हरिवंश आचार्य अस्पताल भर्ना, स्वास्थ्य उपचारमा कमि हुन नदिन मुख्यमन्त्री कार्कीकाे निर्देशन](https://snowberry.prixacdn.net/media/gallery_folder/haribansha-achrya_nZdOFKOIai_dgc9gleo5jp2joriurnjdxzslr1rusj0qshdlzzzgauv16zxsvd0dfojk4fx_YPDhLiiPSf_qy5910gs1iprwswxef2kxuzluchtbbclqqvicoa2wrebfka5vkerhcotasdb.jpg)
हास्य कलाकार हरिवंश आचार्य अस्पताल भर्ना, स्वास्थ्य उपचारमा कमि हुन नदिन मुख्यमन्…
![फिल्म ब्याड न्यूजको बक्स अफिसमा गुड न्यूज !](https://snowberry.prixacdn.net/media/gallery_folder/Bad-Newz.png_Cvek1p1JcB_cb3wl8jbyxmdrvv3j7gyi7fgbvwzp8fkwasajyyk4p7ix3werjgabequ946y_pXHXT7KVHS_djzp2gky5ewrucxkctia8wcbj0jvafpkypgartvdfli5kpxxncspdryjaemj.png)
फिल्म ब्याड न्यूजको बक्स अफिसमा गुड न्यूज !
![अभिनेत्री जान्हवी कपूर अस्पताल भर्ना](https://snowberry.prixacdn.net/media/gallery_folder/janvi_XYZy0JRyOq_geuymxxejzfupai6jqnegxfhfjoi6rkho6kk6criq41jwfrsmlle4egvhgqn_1hLqA52xFQ_srcaqzh1v2n9pws6y0b6bppjr48sov8zp4rbkgikume83ti2doxfssraaa34.jpg)
अभिनेत्री जान्हवी कपूर अस्पताल भर्ना
![‘सक्किगोनि’ टिमले चलचित्र ‘लाज शरणम’ बनाउने](https://snowberry.prixacdn.net/media/gallery_folder/laj-saranam_nW1FnqFF9c_bcolk1eobiinhfviuwumb5zvpyayunttavf03t0k6nrkbxthos4bfb3vvgfk_2ematqit2T_kozbbaxqxuavjzh44ndygcmhdzjk15goktkhxeyto8pazqps5qwtbkckaucj.jpg)
प्रतिक्रिया