स्कटल्यान्डमा भएको आगलागीमा पोखरा घर भएका दिदी र बहिनीको मृत्यु
![](https://snowberry.prixacdn.net/media/gallery_folder/dd_ZyfHTOIyq4_gigzjrbmn3poxnmrjc7g5xx4fioay9x2dki4vh88uap1ysxj4et58hjoqeqk_NOoaLuUsCM_rstle563atzfjioqz3beinlbxlf1velvd6tq1zhlmzxth153srqpw8xc2yji.jpg)
एजेन्सी । स्कटल्याण्डको एबर्डिनमा आगलागीमा परी दुई नेपाली दिदी–बहिनीको ज्यान गएको छ । एबर्डिनको ब्याक हिल्टन रोडमा बस्दै आएका आँचल सुवेदी र शिक्षा सुवेदीको सोमबार साँझ भएको आगलागीमा मृत्यु भएको स्थानीय प्रहरीले पुष्टी गरेको छ ।
शिक्षा २४ वर्ष र आँचल २८ वर्षका हुन् । उनीहरुका पिता पोखरा युनिभर्सिटीका पूर्व प्राध्यापक डा यज्ञप्रसाद सुवेदी हुन् । आगलागीका कारण धुँवाको मुस्लोमा निसास्सिएर सुवेदी दिदीबहिनीले ज्यान गएको एबर्डिनस्थित नेप्लिज हिमालयन एशोसिएसन स्कटल्याण्डका अध्यक्ष डा. शिव तिवारीले जानकारी दिएका छन् ।
उनीहरु बस्ने फ्ल्याट दोस्रो तलामा थियो भने सोही भवनको पहिलो तलामा साँझ ६ बजेको समयमा आगलागी सुरु भएको थियो । आगलागी भएको थाहा पाउने बित्तिकै हतार–हतार तल झरेर बाहिरिन खोज्दा उनीहरु धुँवाको ठूलो मुस्लोमा निसास्सिएपछि भूईं तलाको ढोका खोल्न नपाउँदै बेहोस भएर ढलेका थिए ।
आगो सुरु भएलगत्तै आएका अग्नीनियन्त्रकले भवनका उपल्लो तलाका अन्य फ्ल्याटमा रहेका मानिसहरुको सफल उद्धार गरे पनि भुईं तलामा बेहोस दिदीबहिनीको उद्धार हुन नपाइ मृत्यु भएको थियो । पाँच मिनेटभित्रै दिदीबहिनीको मृत्यु भएकाले उद्धार सम्भव नभएको डा. तिवारीले बताएका छन् । आगलागी कसरी सुरु भयो भन्ने खुलेको छैन तर प्रहरीले घटना शंकास्पद नदेखिएको जनाएको छ ।
परिवार निकट स्रोतले अस्पतालमा पोस्टमार्टम र प्रहरी अनुसन्धानको औपचारिकता पूरा भएको र आगामी साता मंगलबार दिदीबहिनीको अन्त्येष्टि गर्ने तयारी रहेको जनाएको छ । नेपालमा पोखरा घर भएका सुवेदीको परिवार झण्डै दुई दशकदेखि स्कटल्याण्डको एबर्डिनमा बस्दै आएको थियो । उनीहरुका तीन छोरीमध्ये एक आफ्नो जीवन साथीसँग बस्दै आएकी छन् । आगलागीमा ज्यान गुमाउने दुई दिदीबहिनी पनि पछिल्लो समय बाबुआमाको नजिकै छुट्टै फ्ल्याटमा बस्थे । मृतकमध्ये दिदी आँचल इन्जिनियर थिइन् भने आइटी अध्ययन गरेकी बहिनी शिक्षा समुन्द्री तटमा काम गर्थिन् ।
![मुना हत्याका अभियुक्त बब्बीसिंहलाई लगियो अदालत, धरौटीमा छाड्न अस्वीकार](https://snowberry.prixacdn.net/media/gallery_folder/muna-bo_1J2BHc4shx_3oa05999acvietft4czobg0dfdii2tby2c3jztyqxrqxo9h34ch8r6xpffd0_RegFKoLNwf_ph1otuotxtrek8zpwcwtzuyic8wsgyepmzlnflw6cfuu7dkxqjnus3aa09np.png)
मुना हत्याका अभियुक्त बब्बीसिंहलाई लगियो अदालत, धरौटीमा छाड्न अस्वीकार
![अमेरिकामा मुना पाण्डेलाई गोली हानेका व्यक्तिको विवरण सार्बजनिक](https://snowberry.prixacdn.net/media/gallery_folder/Muna_3.jpg_CV8Zw0TXRK_p2ovpyc7juxe7iowr0mzwdkycjoufxyt6d7rlaoso2sujsfbmzyndpg9cxnd_UALJvrPnf0_egbuggxacfugy9g0m5zyr09ewkpvoc6labuwtbnwblysrja60azz13lgq0dz.jpg)
अमेरिकामा मुना पाण्डेलाई गोली हानेका व्यक्तिको विवरण सार्बजनिक
![नेपाल र बेलायतबीच १२ अर्बको अनुदान सहयोगको समझदारीपत्रमा हस्ताक्षर](https://snowberry.prixacdn.net/media/gallery_folder/FM_2.png_3p9eElOtgx_b3y6ebwqo2ndx0eafm5yykautt5n8ghp3advl73yzgfybwvlyjvavligvvhr_s9fhwJvWAB_ftpgkaf3fuzz8ksdiem7dpqncolb5nrk5nu48ofq1otue1dljx1kf9xmjwoj.png)
नेपाल र बेलायतबीच १२ अर्बको अनुदान सहयोगको समझदारीपत्रमा हस्ताक्षर
![ब्राजिलमा १७६ नेपाली अलपत्र](https://snowberry.prixacdn.net/media/gallery_folder/braz-MMAP-md_es8KI2SGOt_ouxu3zpttieojtwss8rlxz39soj9jjjo8nsw2l1gd20nxy5nojx23hepmgnj_Mt6YYUIChN_dn5hpllwd1xsyysjtjviqze2ldvg9gisuuvbiopwyd9v3wfpglhtyz2eitjn.png)
ब्राजिलमा १७६ नेपाली अलपत्र
![अदालती कागजातले देखायो- अमेरिकामा नरेशले घरमै श्रीमतीको हत्या गरे, शव बाहिर लुकाए](https://snowberry.prixacdn.net/media/gallery_folder/naresh-mam_TvODlwwMkr_hq8atkmpjl2wn5cqcmiueju1enux74hbqdfpacfxsjnbzorcbg6irmwvi76p_ittYvSfDYR_ogi6geb1c3lknhexrspz7mmz1khw8h4dade3ecmx2kwtmmyhpblifaygnuvy.jpg)
अदालती कागजातले देखायो- अमेरिकामा नरेशले घरमै श्रीमतीको हत्या गरे, शव बाहि…
![पोर्चुगलमा नेपालीका पीडा , वाणिज्य दूतावास बन्द हुँदा कुकुरले नपाकाे दुःख पायाै](https://snowberry.prixacdn.net/media/gallery_folder/portugal_yVEyDG5Z7o_xrjlgca4wvzxmgteyc668mrvopbnuwo1zagdfh9fwshbkkd2pqsfa9us3k09_zdctIMPsho_5antzs8opk4jyverk9dj9fpexv6stf1vlrflnetdpcq2knwp2voqkvenot39.jpg)
पोर्चुगलमा नेपालीका पीडा , वाणिज्य दूतावास बन्द हुँदा कुकुरले नपाकाे दुःख प…
![दक्षिण कोरियामा अस्ताइन् इलामकी २० वर्षीया सोनु, तीन महिनाअघि मलेसियामा गुमाएकी थिइन् बुवा](https://snowberry.prixacdn.net/media/gallery_folder/sonu-shrestha_ZvgYJuKspj_4dul2dcdfnxg4dzzvizcxaq1letxcjluc9gs5tysurmokq0imfxd6pm8np6v_nlrCTwLbnY_qf9nwdkdp2xr4um9gwwdmcg4exkqoza39u4kpkf7wk8mxuefuobeup1ukbda.jpg)
दक्षिण कोरियामा अस्ताइन् इलामकी २० वर्षीया सोनु, तीन महिनाअघि मलेसियामा गुमा…
![अस्ट्रेलियामा २१ दिनदेखि हराइरहेका नेपालका सुभाषको शव समुद्री तटमा भेटियो](https://snowberry.prixacdn.net/media/gallery_folder/subash-australia_StqWpZyiEA_xd2qvfwcq2qgwxmekk5a6guk3zs4z2tbxt8upx2jyfrfsjbidspvmrwvzbqk_ktlBNaWr9N_dyza9bgmsgdixmhxaoofnajealsgh4tnguasber19n29x371wfdag330xyih.jpg)
प्रतिक्रिया