‘जसले बोक्यो, उसैको टाउकोमा दिसा गर्दै नहिड्न ’ धरानका मेयर हर्क साम्पाङलाई उपमेयर बेघाको सुझाव

धरान । धरानका मेयर हर्क साम्पाङले शेयर गरेको एउटा भिडियो कन्टेन्टका कारण उपमेयर आईन्द्रबिक्रम बेघा आक्रोशित भएका छन । भिडियोमा उपमेयर बेघाको मन पहिलेदेखि नै विषालु भनेर उल्लेख गरिएको थियो । एक युट्युब च्यानलले गरेको उक्त पोस्टलाई मेयर राईले शेयर गरेका थिए ।

आईतबारको कार्यपालिका बैठकमा बेघाले कार्यकक्षबाट राष्ट्रपति र प्रधानमन्त्रीको फोटो हटाएको प्रसंग निकाल्दै फेसबुकमा मेयर साम्पाङले सेयर गरेको उक्त भिडियोबारे कुरा उठाए । बेघाले आफुले विगत १८ महिनादेखि मेयर राईलाई निरन्तर साथ दिएको तर अहिले मेयर राईले घाँटी अठ्याएको आरोप लगाए । उनले आफूले मेयर राईलाई असहयोग गरेको भन्ने आरोपको पुष्टि गर्न आग्रह गरे ।

‘तपाईले खेलाँची गरेको हो, किन शेयर गर्नुभो ?’ उपमेयर बेघाले आक्रोशित हुँदै भने, ‘तपाईलाई काँधमा आँखा चिम्लेर बोकेर हिडेको हो, तर जसले बोक्छ उसको टाउकोमा दिसा पिसाब गर्दै नहिड्नुस् ।’