झापामा तातो खोलेमा डुबेर घाइते बालिकाको मृत्यु

बिर्तामोड । झापाको बाह्रदशीमा तातो खोलेमा परेर गम्भीर घाइते एक बालिकाको उपचारको क्रममा मृत्यु भएको छ । बाह्रदशी गाँउपालिका वडा नं. ५ का गोपाल टुडूको दुई वर्षीया छोरी सृष्टि टुडूको उपचारको क्रममा मृत्यु भएको हो ।

पाँच दिनअघि घरमै तातो खोलेमा परेको सुष्टिको आर्थिक अभावका कारणले समयमा उपचार हुन सकेको थिएन । स्थानीय स्तरमा उपचार सम्भव नभएपछि इजि हेल्थ केयर फाउण्डेशनको सहयोगमा बालिकाको थप उपचारका लागि काठमण्डौंस्थित सुष्मा मेमोरियल अस्पतालमा भर्ना गरिएको थियो ।