हुलाकी राजमार्गमा टेढाकट्टीमा स्थानीयको विरोध कायमै

बारा /  नेपाल र भारत सरकारको आर्थिक सहयोगमा निर्माण गरिएको बाराको तामागढीदेखि सिम्रौनगढ हुलाकी सड्कखण्डको निर्माण सम्पन्न भएको तीन बर्ष भईसकेको छ । सडक विकासमार्फत कृषि, व्यापार, उद्योग र पर्यटनको विकास गरी तराई/मधेशका जनताको जीवनस्तर उकास्ने उद्देश्यसहित निर्माण भएको थियो । 

बाराको निजगढ नगरपालिकाको पश्चिम दक्षिणबाट कोहल्बी नगरपालिका, आदर्श कोतवाल गाँउपालिका, सिम्रौनगढ नगरपालिका जोड्ने तामागढी–सिम्रौनगढ हुलाकी राजमार्गको कुल लम्बाई ३९.७५ किलो मिटर रहेको छ । 

आयोजनाको २०७७ चैत्र १७ गते सम्पन्न भएको उक्त मार्गबाट रौतहटको फतुुवा बिजयपुर नगरपालिका, मौलापुर नगरपालिका, बाराको निजगढ नगरपालिका, कोल्हबी नगरपालिका, बारागढी गाउँपालिका, आदर्श कोतवाल गाउँपालिका र सिम्रौनगढ नगरपालिका लगायतका जनताहरू लाभान्वित भएका छन् तर, बाराको आदर्श कोतवाल गाँउपालिका–५ स्थीत टेढाकट्टीमा भने यस मार्गको निमार्ण देखीनै सुरु भएको बिवादका कारण करिब १.५ डेढ किलोमिटर सडक हालसम्म पनि सम्पन्न हुन सकेको छैन ।   

तामागढी–सिम्रौनगढ हुलाकी राजमार्गको नक्सांकन हुँदा बाराको आदर्श कोतवाल गाउँपालिकाको टेढाकट्टीबाट पश्चिम हुँदै जाने योजना बनाईएको थियो । नक्सांकन हुदाँ बनाईएको मार्गलाई परिवर्तन गरेर रेखाङ्कन (एलाइन्मेट) गर्दै टेढाकट्टीको बस्तीबाट हुलाकी राजमार्गको निमार्ण सरु भएसँगै विवाद भएको हो । 

आफ्नो जग्गामा परेको भन्दै टेढाकट्टी स्थानीयले गरेको विरोध अझै कायमै छ । मार्गको निर्माण सुरू गर्दानै घरजग्गा मासिने भन्दै स्थानिएले विरोध गरेपछी बन्न नसकेको करिब दुई किलोमिटर बाटेको निर्माण अझै अन्योल कायमै छ । बाक्लो र साँघुरो बस्तीबाटै मार्ग लैजाँदा धेरै घर मासिने भएपछि स्थानिएले विरोध गरोका हुन जस्का कारण यस क्षेत्रमा राजमार्ग कालोपत्रे कार्य अवरोध भएको थियो । 

विकासका नाउँमा बस्ती ताक्दै उजाड बनाउने नियतका कारण कडा संर्घष गरेको सरोकारवाला स्थानीयहरुले बताएका छन् । स्थानिएले मार्गको पहिला भएको नक्शाकंंनबाट मार्ग गएमा स्थानिएको घर तथा बस्ती जोगीने स्थानिएले बुझाई रहेको छ ।

सडक निर्माणका लागि स्थानीयले जग्गा अधिग्रहण गर्न नदिने र सडक बस्तीबाट नभई अन्य स्थानबाट सडक बनाउन दबाब दिँदै आएकाले सडक निर्माणका समस्या भएको र यस क्षेत्रमा जग्गा अधिग्रहण गर्न स्थानीय तहले पनि चासो नदेखाउँदा समस्या समाधान हुन नसकेको स्थानीयको भनाई रहेको छ।

घनाबस्ती सहितको उर्वरभूमीसमेत विनास हुने गरी हुलाकी राजमार्गको निर्माण थालर्नी गरिएपछि यस क्षेत्रका बासिन्दामा चिन्ता, चसो र सरोकार बढेको बताइएको छ । टेढाकट्टीको पहिचान नै गुम्ने अवस्था उत्पन्न हुने देखिएकोले स्थानीएले यस क्षेत्रबाट निर्माण कार्य तत्कालै रोकेका थिए ।

नेपाल र भारत सरकारको सहयोगमा कुल ८६ करोडको लागतमा निर्माण भएको उक्त मार्गको लम्बाई ३९.७५ प्रतिशत किलोमिटर रहेको सो सड्क निर्माणको ठेक्का पप्पु एण्ड जेबि कन्स्ट्रक्सनले लिएको थियो ।