मोटरेवल पुल निर्माण भएसँगै डुंगा विस्थापित, संरक्षणमा जुटे रामेछापका माझी

रामेछाप /  कुनै बेला नदी वारपार गर्ने भरपर्दो माध्यमका रुपमा मानिएका काठका डुंगा लोप हुन थालेपछि रामेछापका माझी संरक्षणमा जुटेका छन्।

सडक विस्तार तथा पुलहरु निर्माण भएसँगै माझी जातिको पहिचानका रुपमा रहेको डुंगा लोप हुँदै गएपछि यहाँका माझी समुदाय संरक्षणमा जुटेको हुन्।

माझी समुदायको संस्कृतिसँग जोडिएको डुंगा तार्ने पेसा लोप हुन लगेपछि मन्थली नगरपालिका–७ स्थित सेलेघाटका माझी संरक्षणमा जुटेका छन्।

“केही वर्षपहिलेसम्म विभिन्न घाट तथा नदी वारिपारि गर्ने ठाउँमा डुंगा देख्न सकिन्थ्यो । आजभोली कतै देखिदैन”, स्थानीय धनबहादुर माझीले भने।

सुनकोसी र तामाकोसी नदीको सङ्गमस्थल त्रिवेणीमा धेरै डुंगा सञ्चालन हुने भएकाले उक्त ठाउँको नाम सेलेघाट रहन गएको उनले बताए। झोलुंगे पुल, सडक, यातायातका साधनको पहुँच, स्थायी मोटरेवल पुललगायत पूर्वाधार निर्माण भएसँगै डुंगा विस्थापित हुँदै गएका धनबहादुरको भनाइ थियो।

पहिले डुंगा खियाउने र माछा मार्ने पेसा माझी समुदायको जीविकोपार्जनसँग जोडिएका मुख्य पहिचान भएको स्थानीय शंकर माझीले बताए।

“राजा महेन्द्रको पालामा रामेछापमा पर्ने सुनकोसी र तामाकोसी नदी किनारका जमिन स्थानीय माझीलाई बिर्ता दिइएको थियो। सडक र पुल निर्माण हुनुअघि माझीहरुले मानिस र सामान वारिपारि गर्न ठेक्कामा काम गर्दथे”, उनले भने।

आधुनिकता आएसँगै सिमान्तकृत जातिमा पार्ने माझी समुदायको पहिचान संकटमा पर्दै गएपछि युवा पुस्ता आफ्नो संस्कृतिको संरक्षण र पहिचानका लागि जुटेका मानवीर माझीले बताए। माझी जातको संस्कृति र पहिचान संरक्षणका लागि लोप भइसकेको डुंगा पुनः सञ्चालनमा ल्याउन स्थानीय पालिका र सरोकारवालासँग छलफल भइरहेको उनले जानकारी दिए।

जिल्लाको मन्थली, सेले, नवु, पुछि, हर्दिनीलगायत घाटमा केही वर्षअघिसम्म नियमित रुपमा डुंगा सञ्चालन हुने गरेकामा अधिकांश स्थानमा मोटरेवल पुल निर्माण भएसँगै डुंगा विस्थापित हुँदै गएका पुर्व शिक्षक एवं माझी समुदायका अगुवा सिरबहादुर माझीले बताए।

उनका अनुसार डुंगा संरक्षणका लागि सेलेघाटमा प्रत्येक वर्ष जिल्लामा माझीले संयुक्त रुपमा डुंगा दौड प्रतियोगिता आयोजना गर्दै आएका छन् ।

प्रतिक्रिया

सम्बन्धित

अमेरिकाकाे इन्ट्रा फाउन्डेसनले पथरी आएर गर्याे स्वास्थय चौकी उद्घाटन र एम्बुलेन्स हस्तान्तरण

अमेरिकाकाे इन्ट्रा फाउन्डेसनले पथरी आएर गर्याे स्वास्थय चौकी उद्घाटन र एम्बुलेन्स…

ढुक्क छन मुख्यमन्त्री कार्की : भन्छन– 'मेरो पद गोमा ब्राह्मणीको छोरा नवराजलाई हात्तीले माला लगाइदिए जस्तै हो'

ढुक्क छन मुख्यमन्त्री कार्की : भन्छन– 'मेरो पद गोमा ब्राह्मणीको छोरा नवराजलाई हा…

कोशीका मुख्यमन्त्रीले वैशाख २५ भित्र विश्वासको मत नलिए नयाँ सरकार गठन प्रक्रिया अघि बढ्ने

कोशीका मुख्यमन्त्रीले वैशाख २५ भित्र विश्वासको मत नलिए नयाँ सरकार गठन प्रक्रिया…

प्रतिपक्षले बहिष्कार गरेपछि गण्डकी प्रदेश सभा बैठक कार्यसूचीमा प्रवेश नगरी स्थगित

प्रतिपक्षले बहिष्कार गरेपछि गण्डकी प्रदेश सभा बैठक कार्यसूचीमा प्रवेश नगरी स्थगित

कोशीमा संकल्प प्रस्ताव बहुमतले पारित, प्रस्तावको पक्षमा ५२ मत

कोशीमा संकल्प प्रस्ताव बहुमतले पारित, प्रस्तावको पक्षमा ५२ मत

रातु नदी उत्त्खननविरुद्धको अन्तरिम आदेश पुर्ण सुनुवाई नहुन्जेल कायम

रातु नदी उत्त्खननविरुद्धको अन्तरिम आदेश पुर्ण सुनुवाई नहुन्जेल कायम

सिन्धुपाल्चोकमा जन्ती बोकेको बस दुर्घटना, तीन जनाको मृत्यु

सिन्धुपाल्चोकमा जन्ती बोकेको बस दुर्घटना, तीन जनाको मृत्यु

झापामा तीन राउण्ड गोली हानेर हात्ती मारेको पुष्टि

झापामा तीन राउण्ड गोली हानेर हात्ती मारेको पुष्टि