दिवंगत असई थमन पत्नी शोभा महोत्तरी जिल्ला अदालतको शरणमा
![](https://snowberry.prixacdn.net/media/gallery_folder/IMG-20231209-WA0008.jpg-2_ehSnC6kTLv_iitwdjkscdeoflqontcdsgrqwkuvqzydmaehcyjqyl4clsv8igykvfka4afo_ub5ujRAYD1_kqynxpl00xso4novcn22effbbxmi7juq7yif8c9pr6liplqioxdct419lhwd.jpg)
महोत्तरी / मधेश आन्दोलनको समयमा असई थमन विकलाई लखेटी–लखेटी हत्या गरेको ९ बर्षपछी जिल्ला अदालत महोत्तरीमा सुनुवाई प्रारम्भ भएको छ ।
सोमबारदेखी सुरु भएको बहसकै क्रममा मृतक विककी पत्नी शोभा आफ्नो ११ वर्षीय छोरासँगै जिल्ला अदालतमा न्याय पाइने आशा बोकेर मंगलबार दिउँसो उपस्थित भइन् ।
यो वहस निष्कर्षमा नपुगेन्जेल जारी रहने जिल्ला अदालत महोत्तरीले जनाएको छ ।
यो अवधिमा विक हत्याका अभियुक्तहरु जनप्रतिनिधि बनेका छन भने २०७९ को निर्वाचनमा पनि हत्याका मुख्य योजनाकार भनिएका लक्ष्मी महतो कोइरी संघीय संसदमा निर्वाचित भए ।
हत्या आरोप लागेका आरोपितहरुलाई अदालतले साधारण तारेखमा छाडेको र कानुनी छिद्रबाट निर्वाचनमा होमिएकाहरुले कानुनलाई नै चुनौती दिएको देखिएको छ ।
यसैमध्यको घटना हो, लक्ष्मी महतो कोइरी । यसअघि जिल्ला अदालतले कोइरीलाई धरौटीमा छाड्न दिएको आदेशलाई जनकपुर उच्च अदालतले भने उल्टाइदिएको थियो ।
कोइरी सग्लन भएको यथेष्ट प्रमाणहरु भएको बताउँदै उच्च अदालतले २०७७ मा पुर्पक्षका लागि जेल चलान गर्नुपर्ने कोइरीविरुद्ध आदेश सुनाएको थियो ।
अदालतले समेत फरार सूचीमा राखिरहेको बेला निर्वाचनको मनोनयनको अघिल्लो रात नेकपा एमालेबाट टिकट लिएर मैदानमा उत्रिएका कोइरी निर्वाचित भए । पछि संघीय संसदले फौजदारी अभियोग लागेका जनप्रतिनिधिहरुलाई निलम्बन गरेपछि कोइरी पनि निलम्बनमा परे ।
तर, अदालतको आदेशलाई चुनौती दिँदै थुनामा बसेर अनुसन्धानमा सहयोग गर्नुपर्ने ठाउँमा कोइरी फरार भए ।
विभिन्न कानुनी आधारका बाबजुत पनि आरोपितहरुले खुलेआम चुनौती दिइरहेको बबेला जिल्ला अदालतमा प्रारम्भ भएको बहसलाई आम मानिसले निकै चासोका साथ हेरेका छन् ।
पतिको हत्या हुदा ३ वर्ष रहेका छोरालाई थमन पत्नीले साथ ल्याएर जिल्ला अदालतको शरणमा आइपुगेकी छन् । जिल्ला अदालतबाट न्याय पाइने झिनो आशा रहेको थमन पत्नी शोभाले बताइन् ।
‘विभिन्न जिल्ला र अदालतमा आशा जगाउने फैसला पनि भएका छन्,’ उनले भनिन्, ‘जिल्ला अदालत महोत्तरीले पनि न्याय दिलाइदिनेमा झिनो आशा छ ।’
मधेश आन्दोलनको समय २०७२ सालमा आन्दोलनकारीहरुको झडपका क्रममा घाइते असई विकलाई उपचारको लागि जनकपुर लैजादै गर्दा एम्बुलेन्सबाट थुतेर धानबारीमा लखेट्दै निर्ममतापूर्वक हत्या गरिएको थियो ।
तर, उक्त घटनाका मतियारहरुले अहिलेसम्म उन्मुक्ति पाउनु दुःखद् रहेको गुनासो छ । ‘एउटा राष्ट्रसेवक देशको लागि लड्दा–लड्दै मरेको भए मन बुझाउने बाटो हुन्थ्यो । तर, यहाँ त जानीजानी हत्या गरिएको छ,’ शोभाले भनिन् ।
महोत्तरी आउनुभन्दा दुई दिनअगाडि उनी न्याय माग्न संघीय राजधानी काठमाडौंसमेत पुगेकी थिइन् ।
उक्त घटनाका मुख्य योजनाकार भनिएका लक्ष्मी महतो कोइरी पक्राउ पर्न नसकेपछि उनी सरकारलाई दबाब दिन काठमाडौँ पुगेकी थिइन् ।
![कैलालीमा मोटरसाइकल दुर्घटना हुँदा एक जनाको मृत्यु](https://snowberry.prixacdn.net/media/purbelinews%20default%20image_2fya97kmeqwss7fvvmthgneqefcqea9swfuyxpqcfrw7bxkdijnsy9uhjjf3.jpg)
कैलालीमा मोटरसाइकल दुर्घटना हुँदा एक जनाको मृत्यु
![चेपाङ समुदायले आज आज छोनाम मनाउँदै, यी तीन जिल्लामा सार्वजनिक बिदा](https://snowberry.prixacdn.net/media/gallery_folder/sarbajanik%2520b_CjsWKPu0eG_yce6ltsenl08vf5kugez8wuyiy1fsnvujoi4thjd0wjx0icobynhqtx7apdz_XBkDGU1Nph_vrc9u53aq9rrvjtme5m2u7ysd7qh9ag2vmprydjwflutxsesq411jvenisqs.jpg)
चेपाङ समुदायले आज आज छोनाम मनाउँदै, यी तीन जिल्लामा सार्वजनिक बिदा
![माछा मार्न गएका दुई युवक राप्ती नदीमा बेपत्ता](https://snowberry.prixacdn.net/media/gallery_folder/1697109001-PObne_fh5hLlsgJv_gra5jnlakmxnwtguuxhdj7ldvvkhjpnwcjskyfrch0dteyhjz3alzflvtwzt_ahaX9n4FQC_sczt23ddeso142ax8bgagwzaurw17uzlg2ely6tmd9le5yrcj4iuq2wozfrh.jpg)
माछा मार्न गएका दुई युवक राप्ती नदीमा बेपत्ता
दसैं नजिकिए सँगै धरानकाे कृषि बजारमा खसी–बोकाको व्यापार बढ्यो
![मधेसमा पहिलो पटक सरकारीस्तरमा एमबिबिएसको पढाइ हुने](https://snowberry.prixacdn.net/media/gallery_folder/madhesh-he_mMIiS8uoaz_urwwl6pxpm80ausplwje9qef5vo5pejpjwip8g2jsfzpqufvwdhyzvrra92m_3RZ3hUwpYD_gnbsiilncfaf1ihc2fq0aiccn5s69cjalaw4xk5mw4uaodmikdhemyjdf0qt.jpeg)
मधेसमा पहिलो पटक सरकारीस्तरमा एमबिबिएसको पढाइ हुने
![भोजपुरमा प्रभावकारी बन्दै आयुर्वेद उपचार सेवा](https://snowberry.prixacdn.net/media/gallery_folder/ayurbadhik_upchar_IfakfasAO5_5depg9adjex1zp5zqplbeoalafieerbyosvbba00fhif3kiteyzbntntmfrl_4uzYqYkjWB_njgwej6eapbxbad0vqkbpsjbgdod8ohwpcafd4dq3kun0ac5yhv9ff9ovn83.jpg)
भोजपुरमा प्रभावकारी बन्दै आयुर्वेद उपचार सेवा
![इटहरीकाे तालतलैयामा चक्कु देखाएर ल्रटियाे २ लाख नगद , ७ जना पक्राउपछि सार्वजनीक](https://snowberry.prixacdn.net/media/gallery_folder/pakrau_ys6S8uIglU_hkjkekv4w7aiugvfl4yu6ykaxypitco6p1uwj6gzuypmltcrxk88yvsgivs0_KJJMQZSMYL_4x1vtosiqzsozwvigsexzjnollqmqw33worslh78qqyxpgwbcmba86oivn8l.jpg)
प्रतिक्रिया