गुणस्तरीय सेवामा अब्बल इटहरी सामुदायिक अस्पताल : सेवाग्राही भन्छन् 'गुनासो पोख्ने ठाउँनै छैन'
![](https://snowberry.prixacdn.net/media/gallery_folder/njkgdlhww4jc5yj6arrc_QvLJhftChy_sumpgoli39cigtapttpqqxmsjhuynbhi4tpljo5xcm41pbccouo0jbbr3lcg_5tdo9fTWFM_piz0ys8y3bzzb74aj29irznrqkcy0s6kkig9gbargxmsybphsajhevstznpr.jpg)
इटहरी । सुनसरी कालाबन्जारवाट पहिलो पटक सेवा लिन आएकी लक्ष्मी श्रेष्ठ सामुदायिक अस्पताल इटहरीको खुलेरै चर्चा गर्छिन् । बिमारी हुँदा त्याका नर्स एवम चिकित्सकहरूले गरेको व्यवहार , अस्पतालको सेवा सुविधा , व्यवस्थापन पक्षमा देखिएका सुधारात्मक कार्यहरूको उनी प्रशंसा गर्न थाक्दिनन् । नशा सम्बन्धी रोगले सताएपछि उनी गत जेठ २४ गते सो अस्पताल पुगेकी थिइन । अहिलेउनकाे स्वास्थ्य अवस्था क्रमिक सुधार हुदैगएकाे उनी आफै बताउँछिन् । त्यस्तै इटहरी आपगाछीका भुवन नेपाल पनि पछिल्लो समय सामुदायिक अस्पतालले सेवा बिस्तार गरेसङै नजिकका बिमारीहरू उपचारका लागि धरान र विराटनगर जस्ता सहरहरू धाउनु नपरेको सुनाउँछन् ।पहिले टाउको दुख्दा पनि उपचारको लागि धरान स्थित बिपी प्रतिष्ठान पुग्नुपर्ने बाध्यता अब हटेकोमा नेपाल खुसी व्यक्त गर्छन् ।
अहिले व्यवस्थापन पक्षमा देखिएको सुधारात्मक कार्य सँगै थप सेवा सुविधा विस्तार गरेपछि अस्पतालमा सेवाग्राहीहरूको चाप बढदाे देख्न सकिन्छ । ३ वर्ष अघि मात्रै सेवाग्राहीको खडेरी पर्ने इटहरी सामुदायिक अस्पतालमा अहिले दिनु चाप बढदाे छ । ४ वर्ष अघि सम्म भाडाको घरमा सञ्चालन हुँदा अस्पतालको अवस्था दैनिक नाजुक रहेको थियो । जब अस्पताल प्रशासनले इटहरीको हलगडामा आफ्नै भवन निर्माण गरी सेवा थप गर्दै व्यवस्थापन पक्षमा जोड दिन थाल्यो त्यसपछि त्यसपछि सेवाग्राहीहरूको भिड बाक्लिँदै जान थाल्यो । अहले इटहरी क्षेत्रमा गुणस्तरीय स्वास्थ्य सेवा उपलब्ध गराउने पहिलो नम्बरमा यही सामुदायिक अस्पताल मानिन्छ ।
निजी क्षेत्रबाट लगानी गरी सेवा बिस्तार गर्ने यो इटहरीको सबैभन्दा पुरानो अस्पतालको रूपमा पनि चिनिन्छ । दैनिक ३ सय बढीसेवाग्राहिहरूलाइ सेवा दिँदै आएको अस्पतालमा अहिले २४ सई घण्टा अापतकालिन सेवा देखि विभिन्न सेवाहरू प्रदान गर्दै आएको छ । पहिलो इमर्जेन्सी सेवा सहितको अस्पतालका रूपमा पहिचान स्थापित गरेको सामुदायिक अस्पतालले पछिल्ला समय सबै रोगहरूको विशेषज्ञ सहितको चिकित्सकहरू राखेर उपचार सेवा दिन थालेको अस्पतालका संचालक टङ्क दुलाल बताउनुहुन्छ ।
अस्पतालले हलगडा स्थित नयाँ भवनबाट समेत स्वास्थ्य सेवा दिन सुरु गरेको छ दैनिक एक सय बढी बिरामीहरूलाई सेवा दिइरहेको सामुदायिक अस्पताल इटहरीकै सर्वसुलभ र भरपर्दो सेवा दिने अस्पतालको रूपमा स्थापित भएको दुलालकाे भनाई छ । सुनसरीका साथै विभिन्न जिल्लाहरुबाटसमेत आकस्मिक उपचारको साथै विशेषज्ञ सेवाको लागि बिरामीहरू अस्पतालमा आउने गरेका छन् ।
यहाँ २४ सई घण्टा मेडिकल अफिसरहरूबाट इमर्जेन्सी सेवा सञ्चालनमा रहेको उनले बताए । ‘नयाँ भवनबाट सेवा सुरु गरेपछि अझ धेरै बिरामीहरूले अझ स्तरीय सेवा पाउनेछन्,’ उनले भने ।अहिले उक्त अस्पतालमा १५ बेड रहेका छन् भविष्यमा ५० हुँदै १ सय बेड सम्म पुर्याउने लक्ष्य रहेको अस्पताल प्रशासनको भनाइ छ ।
अस्पतालले थप गरेको सेवाहरू
सामुदायिक अस्पतालले इटहरीका बिरामीलाई आपतकालिन उपचारमा टाढा जानु नपरोस् भन्ने हेतुले हाड जोर्नी, नशा र प्रसूति सेवाका लागि विशेषज्ञ सहितको सेवा थप गरेको छ ।
अस्पतालले काठमाण्डौको वीर अस्पताल, ललितपुरको पाटन अस्पताल र धरानको बिपी कोइराला स्वास्थ्य विज्ञान प्रतिष्ठानमा काम गरिसकेका डाक्टरहरूबाट सेवा सञ्चालन गरिरहेको अस्पतालमा स्वास्थ्य जाँच, भिडियो र डिजिटल एक्स-रे, दन्त सेवा, प्लास्टर सेवा, निःशुल्क सुरक्षित मातृत्व सेवा, निःशुल्क क्षयरोग सेवा, विभिन्न डाक्टरहरूको विशेषज्ञ सेवासमेत दिइरहेको छ । दैनिक फिजिसियन सेवा, स्त्री रोग विशेषज्ञ सेवा, नवजात शिशु तथा बाल रोग सेवा, हाड जोर्नी तथा बाथ रोग सेवा रहेका छन् ।
आफ्नै भवनमा अझ थप सेवाहरू विस्तार गर्दै लगिने अस्पतालले जनाएको छ । अस्पतालमा हाल २४सई घण्टा जनरल तथा आकस्मिक मेडिसिनका सम्पूर्ण रोग सम्बन्धी सेवा हाड जोर्नी तथा नशा रोग सम्बन्धी २४ घण्टे सेवा ,बालराेग सम्बन्धी दैनिक तथा आकस्मिक सेवा , रेडियोलोजी सेवा, मानसिक रोग सम्बन्धी आकस्मिक तथा परामर्श सेवा आँखा रोग , सौन्दर्य ,छाला ,यौन रोग सम्बन्धी सेवाहरू सञ्चालनमा रहेको अस्पतालले बताएको छ । विगत २२ वर्षदेखि इटहरीमा स्वास्थ्य सेवा दिइरहेको सामुदायिक अस्पताल सहकारीबाट सञ्चालन भई स्वास्थ्य सेवा दिइरहेको संस्था हो ।
![रौतहटमा ४७४ एचआईभी संक्रमित](https://snowberry.prixacdn.net/media/gallery_folder/HIV-Aids.jpg_4Zj4dXA1PA_fzhenp7bajuc2nnado2kdyf4rkomdmthomg2jbxlilqf8mdu2odbzjtuchh7_AwJGaoGMel_okzpwmxehc729qnqihivqvhhlgzzgec6mvi8bzlo8uzftfdjq44tgk4ycghx.jpg)
रौतहटमा ४७४ एचआईभी संक्रमित
अस्पताल भन्नासाथ धेरैले न्यूराे नै बुझ्नुहुन्छ : मुख्यमन्त्री कार्की
संखुवासभामा डेंगु र भाइरल ज्वरोका बिरामी बढे, भुइँमै राखेर उपचार
![बिरामीलाई विश्वास दिलाउन आफ्नै आमाको शल्यक्रिया](https://snowberry.prixacdn.net/media/gallery_folder/RaptiProvinceHospit_9n9OcyDcZ0_hcaqbhohysx6f8z8l4fb0wgkssrtrkyxfuulxj4pgkdheffsmtsqhapftobo_imx6OhTj4N_e6avbtnkvhixt2ieahw5imqv8vfdqia79weyrvdf4mbty5trp6efwsltcocv.jpg)
बिरामीलाई विश्वास दिलाउन आफ्नै आमाको शल्यक्रिया
![मृगाैला प्रत्याराेपण पछि पनि पत्रकार पीबी दियालीको स्वास्थ्य अवस्था गम्भिर : जीवनरक्षाको अपिल](https://snowberry.prixacdn.net/media/gallery_folder/pb_JbJJxynI3Q_8nofi0ubpfx1nmxkcrcxk44c4br7aigk66fyxscnuquzgqon8laqzlhrizo4_xWmQcmSJeo_0gkidfsugplgsa84wm69rwg1wac8hx762yk1sjcf2kadr1hwukbno5xabsop.jpg)
मृगाैला प्रत्याराेपण पछि पनि पत्रकार पीबी दियालीको स्वास्थ्य अवस्था गम्भिर : जीव…
![भरतपुर अस्पतालमा एमआरआई सुविधा, दैनिक २५ जनासम्मलाई सेवा](https://snowberry.prixacdn.net/media/gallery_folder/mri-bharatpur_oGU1BicmOR_1irrsqsrh3gjmqvrkhfo0cshvtlyk9y6utcgb0eilhadaihojxmbe6webkvh_OTeb3MZco7_zy2mj4efpoyida6olifjk9nkmkyfzfnejzbvfwlpxsi3nka3uedftlwgvnuf.jpg)
भरतपुर अस्पतालमा एमआरआई सुविधा, दैनिक २५ जनासम्मलाई सेवा
![प्राणघातक हुन्छ इन्टरमिटेन्ट फास्टिङ ? के भन्छ अध्ययन ?](https://snowberry.prixacdn.net/media/gallery_folder/Intermittent-Fasting_eryuGg7VMy_a39jduibk7po4i2ws3hwmewmowx12ekj66ijtuck71mlinbmbcwbgrmis1kq_Gdd3lG1xvD_905lhztcaf18eajsm5udxpieclrgedl8obencxrpfmyibzzrfxyytu2ixmvp.jpg)
प्राणघातक हुन्छ इन्टरमिटेन्ट फास्टिङ ? के भन्छ अध्ययन ?
![सिरहाको वर्धमान अस्पतालमा पाठेघर खस्ने रोगको निःशुल्क शल्यक्रिया](https://snowberry.prixacdn.net/media/gallery_folder/IMG-20240624-WA0001.jpg_OWxbFUxdzS_chtvipixkfvconki70xyk39vmhoihvsp1dqu9fhxbpgn9mbdufzwy9evnocl_UAt7kC1QrK_bmpd6gcvckbxjsuys0e2uixn50axxooo50ocgvga60slwnygpgmpwieumouq.jpg)
प्रतिक्रिया