अम्बे सहकारीमा फेरी लफडा , बचतकर्ताहरूले घेरे सहकारी रजिस्टारकाे कार्यालय, अध्यक्ष मगर सहितको सञ्चालक समितिमाथि कार्वाहिकाे माग

इटहरी /  सुनसरिको इटहरीस्थित अम्बे कोसी बचत तथा ऋण सहकारी संस्थाले बचतकर्ताहरूको रकम फिर्ता नगरेको भन्दै ३ सय बढी पीडितहरूले अध्यक्ष फडिन्द्र मगर सहितको सञ्चालक समितिमाथि कार्वाहिकाे माग गर्दै प्रदेश सहकारी रजिस्ट्रार तथा प्रशिक्षण कार्यालय  कोसी प्रदेश इनरुवामा नाराबाजी गरेका छन् ।

पटक पटक बचतफिर्ताकाे माग गर्दै आएका पीडित बचतकर्ता तथा शेयर सदस्यहरूले आइतबार इनरुवाको प्रदेश सहकारी रजिस्ट्रार तथा प्रशिक्षण कार्यालय घेराउ र नाराबाजी गरेका हुन । पीडितहरूले यस अघि नै अम्बेबाट आफूहरू ठगिएको विवरण सहित रजस्टारकाे कार्यालयमा उजुरी गरेका थिए ।

उजुरी गरेपनिसुनुवाइ नभएको बताउँदै उनीहरूले आइतबार दिउसो सहकारी रजिस्टारकाे कार्यालयमा १ घण्टा  घेराउ र नाराबाजी गरेका हुन । सहकारीबाट प्रत्यक्ष पीडित बनेका ३ सय भन्दा बढी बचतकर्ताहरूले अम्बे कोसी सहकारीका अध्यक्ष फडिन्द्र मगर सहितको वर्तमान सञ्चालक समितिमाथि तत्काल छानबिन गरी कार्वाहिकाे माग गरेका छन् ।

पीडितहरूले सहकारीको लेखापरिक्षण सार्वजनिक गरिनुपर्ने , बचतकर्ताहरूको सबै बचतहरू फिर्ता गरिनुपर्ने जस्ता जायज मागहरू राखेका छन् । यता यस विषयमा सहकारीका अध्यक्ष फडिन्द्र मगर सँग सम्पर्क गर्न खोज्दा उनकाे मोबाइल अफ रहेको कारण कुनै कुरा हुन पाएन । सहकारी रजिस्टारकाे कार्यालय इनरुवाले भने अम्बे कोसी सहकारीबिरूद्ध परेको उजुरी बारे छानबिन भइरहेको बत्ताएको छ ।