ताप्लेजुङ्गमा नोबेलको निःशुल्क स्वास्थ्य शिविर

ताप्लेजुङ्ग । पूर्वी पहाडी जिल्ला ताप्लेजुङ्गको सिरिजङ्घामा बुधबार आयोजित निःशुल्क स्वास्थ्य शिविरमा ९ सय भन्दा बढी विरामीले निःशुल्क उपचार पाएका छन् । तेल्लोकस्थित प्राथमिक स्वास्थ्य केन्द्रमा गरिएको शिविरमा ९ सय ६५ जना विरामीको निःशुल्क स्वास्थ्य परीक्षण गरिएको हो ।

विराटनगरस्थित नोबेल शिक्षण अस्पताल र सिरिजङ्घा गाउँपालिकाको सहकार्यमा ग्रामिण क्षेत्रका विरामीलाई लक्षित गर्दै दुई दिने स्वास्थ्य शिविर सञ्चालन गरिएको हो । बिहिबार पनि शिविर सञ्चालन हुँनेछ । पहिलो दिन शिविरमा १८९ जनाको भिडियो एक्सरे, १२३ जनाको मुटुको जाँच इसीजी र ४२ जनाको दाँत उखेलिएको नोबेलका प्रबन्धक नारायण दाहालले जानकारी दिए ।