मान्छे र सर्पबीच टोकाटोक, दुवैको भयाे मृत्यु

एजेन्सी / भारतको गुजराँतस्थित महिसागर जिल्लामा सबैलाई आश्चर्यचकित पार्ने एउटा घटना सार्वजनिक भयाे । झ्वाट्ट सुन्दा पत्यार लाग्ने, तर वास्तविक घटना थियाे ।

गत शनिबार दिउँसोको घटना हो यो । एकजना व्यक्तिलाई सर्पले डस्यो । ती व्यक्तिले सोही सर्पलाई दाँतले टोकेर चपाइदिए । स्थानीय अजनवा गाउँको एक खेतमा ६० वर्षका पर्वत गाला नामका व्यक्ति यस्ताे काम गरिरहेका थिए । दुखद् कुरा त के भने यो घटनामा ती व्यक्ति र सर्प दुवैकाे मृत्यु भयो ।

त्यहीँ बेला त्यहाँ एउटा विषालु सर्प देखापर्यो । सर्प देखेर खेतमा भएका अरु मानिस भागे । तर पर्वत गाला बरिया भने भागेनन् । आफूले यसअघि पनि यस्ता धेरै सर्प समाएकाले आफू नडराउने उनले भनिरहेका थिए ।

उनले उक्त सर्पलाई समाते । त्यसपछि सर्पले उनको हात तथा अनुहारमा डस्यो । आफूलाई साँपले डसेपछि ती व्यक्तिलाई रिस उठ्यो र सर्पलाई आफ्नो दाँतले चपाएर मारिदिए ।

सर्प विषालु रहेछ । सर्पको विष लागेपछि उनलाई तत्कालै स्थानीय अस्पतालमा लगियो । तर उनको अवस्था नाजुक भएकाले अर्को ठूलो अस्पतालमा रिफर गरियो । त्यतिबेला सम्म उनको सरीरमा सर्पको विष फैलिसकेको थियो । जसका कारण उनलाई अस्पतालले बचाउन सकेन ।