विवाह मण्डपमै गोली चल्यो, बेहुली घाइते भएपनि रोकिएन विवाह

एजेन्सी । भारतको दिल्लीमा विवाहको मण्डपमै गोली चलेृको छ । गोली प्रहारबाट बेहुली घाइते भएकी छन् । घाइते बेहुलीलाई तत्काल अस्पताल लगियो । त्यसलगत्तै उनलाई फेरि मण्डपमा ल्याएर विवाहको बाँकी काम पूरा गरिएको छ ।

शकरपुरको शिव मन्दिर धाम स्थित मडावलीमा रहने पूजा र गीता कालोनीका फूल कारोबारी भरत को विवाह थियो । जयमालाका क्रममा बेहुला बेहुली स्टेजमा पुग्ने बित्तिकै अचानक गोली चल्यो । खुट्टामा गोली लागेपछि बेहुली ढल्न पुगिन् ।

घटनापछि त्यहाँको माहोल गम्भीर बन्यो । परिवार र आफन्तजनहरुमा रुवावासी चल्यो । प्रहरीले यो घटनामा धेरै व्यक्तिलाई सोधपुछ गरेपनि अभियुक्त पक्राउ गर्न सकेको छैन ।

यसैबीच बेहुलीले हिम्मत देखाएर विवाह पूरा गर्ने बताएपछि उनलाई फेरि मण्डपमा ल्याइयो । उनले परिवार र डाक्टरलाई विवाहका लागि मन्दिर लैजान भनेकी थिइन् । सुरुमा अनुमति नदिएका डाक्टरहरुले पछिअनुमति दिएका थिए । त्यसपछि घाइते अवस्थामै उनको विवाह भएको छ ।

प्रहरीले गोली हर्ष फायरिंगका क्रममा चलेको अनुमान गरेको छ ।